Gboo Ɛfisɔsi Ko A 3:20 - Yataa 'a Dɔbɛnɛ Nama

²⁰ Mmɔ Yataa tando, min 'na gbasaya ɛ wai chɛ tena mmɔ ɔ. A gbasaya ɛ wan Yataa boo ɔ, koe n ma koe a mmɔ yii nii miin dɔ. Ɛ koe n ma wan, miin koo an ni ben chɛ n ma, mmɔ ɛ a ɔ tisa miin ma koe a.

Gboo Ɛfisɔsi Ko A 3:20 ပူးပေါင်းရင်းမြစ်များ

MATIU 3:9

Wo ma wo yii na chii kafai be koe a, mbɛ Ebeami cheeya mu wo a. A ni ma wo yii ma, mbɛ Yataa ɛ kun fan a ni sen chɛ n ya, a ni Ebeami cheeya n nyan an dɔ.

CHƆN 10:10

Kanka tana, ɛ na dechee kanka chɛ koe an na, fen fa koe a, a basan kasaa chɛ koe a. Chɛɛ n fan, n na‑a, min mbe a ma, n 'na sa n ni fɔɛ ma sɔn, kuɔ fɔ fɔɛ. An sin, an fɔɛ chɛ ɔ, an mbe n 'na dua gbɛɛ ma sɔn‑da wan.

GBOO DOMI KO A 16:25

Mmɔ tando be Yataa ma. A wan mbe kun a ma‑a mmɔ gboo ɔ ee fa‑a, dan koe a a a. N mbe chɛ an fɔ wo ye, n mbe ma sakana bai chɛndɛ chɛ ɔ yian‑da wo a, a si Chisɔsi Chasi ma. A sin fɔen mu ka wan ko ɔ nunden chɛ wɛɛ ɔ, min na bɔ‑a ya a ma. An tea ɔ nunden chɛ, Yataa nii ma a ma ni mɔ gbu ni fua min dɔ sɔn‑da san sɛsɛ sɛsɛ ko a suun.

GBOO DOMI KO A 4:21

A dandenɛ ni a a chɛndɛ chɛ, mbɛ Yataa‑a tooɔdia min chɛ a a, mbɛ ɛ a ma‑a wan.

GBOO SAA KƆYINDI KO A 2:9

Chɛɛ min maen mu, ɛ ka wan dechee yɔ min nyɛnden mu Yataa 'a gboo ɔ. A ɔ, mɔ ɔ mɔ ma koe chɛ n dɔ yen nin bɛ, a ya a, a ɔ, a ma an na min ni, a too a, a ɔ, mɔ ɔ mɔ sin ma an dɔ gbɛ ni, a yiima ɔ. A ɔ, koe chɛ nu, Yataa‑a min sa tena ɔ bɛn mɔɛ n ko a, a ɔ, miin toen mu a a.

GBOO FEAN BƆƐ KƆYINDI KO A 9:8

A sin, Yataa kundenɛ mu, a ni mɔɛ kɔ boo fen chɛndɛ a, a ɔ benden ba a. Chɛ ni a ma, a mɔɛ chɛ toen mu fenɛ min na tima ɔ tima ko a, a ni ma a boo ɔ. A sin gbu, fenɛ ɛ ma‑a wan a boo ɔ, ko kan kɔ kan ma koe a, min nyin a ma koe a.

Gboo Ɛfisɔsi Ko A 1:19

N mbe samunɛ chɛ tena to, wo ni a ɔ sɔn, mmɔ wɛn kai faen mu Chisɔsi a, mbɛ Yataa 'a gbasaya mmɔ ɔ, a danka ee ɛnden bɛɛ a. An gbasaya wa dɔndɔ gbe chɛ,

Gboo Ɛfisɔsi Ko A 3:7

Sakana bai chɛ, an ko a mu, Yataa‑a n ma a 'a sɔ mɔɛ a. Chɛ bɔ‑a a 'a koadia demanɛ an dɔ, n‑na min ma sɔn, a 'a gbasaya ɔ.

Gboo Kɔdɔsai Ko A 1:29

N mbe wai chɛ tena n sɔɛ gbɛɛ a, chɛ an ko a. Chasi wan sin‑na an gbasaya wa chɛ chɛ n dɔ.

1 TIMOTI 1:14

Mmɔ 'a mansa 'a bauncha koadia yii‑a n kun na. Chɛ‑a danaya chɛ wan n dɔ Chisɔsi Chasi ko a, a basan koadia a. Chɛ an mbe ma mmɔ a, ni mmɔ ma‑a mɔ dɔndɔɛ a, mmɔ bɛ Chisɔsi Chasi a.

GBOO IBU MƆƐ N KO A 11:19

Ebeami yiima a koen fan ni, mbɛ ni a‑a Aisaki fa wɛ, Yataa ɛ a ma‑a wan, a ni a kɔɔ sɔ, a ka saya ɔ. A sin, mɔ gbu ni a fɔ, mbɛ Ebeami na‑a Aisaki fɔɛ ma sɔn fan, a bɔ saya ɔ.

GBOO IBU MƆƐ N KO A 7:25

A sin fan fɛ mu, mɔɛ miin mbe na Yataa tena, a 'a gbasaya ɔ, ɛ an mɔɛ chɛ n kun bɔ wan tima ɔ tima an 'na ko yama n dɔ. Koe min na mu, tima ɔ tima ko a, ɛ wan nɔ, Yataa ma nande koe a, an mɔɛ chɛ n ko a.

CHIMISI 4:12

Mɔ ɔ mɔ ma i a, kaa a tɛ koe a mɔ dɔ mende n ma. Yataa dɔndɔ gbe an‑na sawa be, a sin fan mbe kaa a tɛ. A dɔndɔ gbe an mbe baunɛ chɛ, an mbe kasaa wɛɛ chɛ.

2 PITA 1:11

Chia chɛ sin na mu, wo e tea da faenɛ ma sɔn‑da ben koe a, a ta dɔndɔ gbe mmɔ 'a mansa, ni mmɔ baun mɔɛ Chisɔsi Chasi, ɛ kaina min mansaya ɔ kuɔ fɔ ko a. Yataa ɛ a boo si‑a wan wo kɔɔ.

CHUDA 1:24

Sanche gbɛ, mmɔ tando be Yataa ma. An mu dechee mmɔ 'a Yataa a, an mbe mmɔ baun, a 'a denɛ Chisɔsi Chasi ɔ, mmɔ 'a mansa. A wan Yataa, an mbe a ma, mmɔ ee bea, mbɛ a‑a a ma, mmɔ sɔ‑a a chen kɔɔ manɛ ɔ, mabɔ kan kɔ kan mbe ee mmɔ ma, mɔɔ buɔdia mmɔ ɔ. Mansaya, ni bemaya, a basan gbasaya a, a ka suun ma, aan sanche, ɛ Yataa an boo ɔ, kuɔ fɔ, ni kuɔ fɔ ko a. A ni ma ka.