Gboo Ɛfisɔsi Ko A 3:18 - Yataa 'a Dɔbɛnɛ Nama

¹⁸ Chɛ ɛ a ma‑a wan, wo ni a ɔ gbɛ chɛndɛ chɛ, wo 'a koadia da a koo buɛ min dɔ Chasi faa ɔ. A yɛ to, Yataa 'a mɔɛ tɔɛ n gbɛɛ, an bɛɛ ni a ɔ gbɛ a buɛ chɛ ɔ.

Gboo Ɛfisɔsi Ko A 3:18 ပူးပေါင်းရင်းမြစ်များ

CHƆN 15:13

Ni mɔɛ fa‑a mɔɛ n ko a, a toen mu miin na, chia dɔ mende ee to nɔ, koadia ɔ yian koe a, a ni ben chɛ ma.

GBOO DOMI KO A 10:3

Chɛɛ an ma a ɔ gbɛ ni, Yataa ɛ a ya buɛ min dɔ mɔɛ ni tan a tena. An‑na min ma, an bea‑a wan an ta sawa n fɛ, a si an mbe ma buɛ min dɔ an ni tan Yataa tena. An ma bea ni chia fɛ, Yataa ɛ mɔɛ ya buɛ min dɔ mɔ tandenɛ a a tena.

GBOO FEAN BƆƐ KƆYINDI KO A 13:13

Mansa Chisɔsi Chasi 'a dua ni ma wo ma. Yataa 'a koadia ni tachɛ wo a. A sin, wo ni ma yiima dɔndɔɛ ɔ Yataa Nyina a.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Kadesia Ko A 3:13

Chasi‑a mmɔ kun ka wan, a bɔ sawa chɛ 'a danka kɔɔ. Mmɔ wakoe an na‑a a ma, a‑a danka chɛ ɔ bia, a ka koe a mmɔ kun ma. Koe min na mu, a nyɛnden fan mu Yataa 'a gboo ɔ, “Mɔ ɔ mɔ, min mbe fa‑a dɛn dɔ kɔnɛ ma, Yataa ni a danka.”

Gboo Ɛfisɔsi Ko A 1:10

Dɔbɛnɛ an nii nɛ, Yataa ɛ min na ban‑da, ni a tima che‑a. A sin, fen kɔ fen, banda bu ɔ, ni duu gboo ma, na koe mu kaina dɔndɔɛ, mbɛ Chasi ma‑a an kun ma.

Gboo Ɛfisɔsi Ko A 1:15

Chɛ ko a, n ma sɛmbɛ ni, Yataa wai bɔ koe a wo ko a. Koe min na mu, n‑na a a min wo kai faen mu buɛ min dɔ Mansa Chisɔsi a. A yɛ to, wo toen mu buɛ min dɔ Yataa 'a mɔɛ n gbɛɛ a. N mbe n yii na chii wan wo a, tima ɔ tima, ni n ma‑a samunɛ chɛ‑a.

Gboo Ɛfisɔsi Ko A 3:19

A gbu sin nyin, n mbe samunɛ chɛ tena, wo ni a 'a koadia a tinsɔn. Chɛɛ a gbu sin, a ma koe a, mɔɛ ee min dɔ gbɛ, ɛnden bɛɛ a. Chɛ sin fan fɛ mu, wo sɔnɛ n ni ma yɔ Yataa wandi gbu ta.

Gboo Kɔdɔsai Ko A 1:4

Koe min na mu, nn‑na a a min, wo kai faen mu buɛ min dɔ Chisɔsi Chasi a. A sin to, koadia min nyɔn sima ɛ wo faa ɔ, Yataa 'a mɔɛ gbɛɛ ko a.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

KO Ɔ NUNDENƐ 3:21

Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”