Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gboo Ɛfisɔsi Ko A 3:17 - Yataa 'a Dɔbɛnɛ Nama

17 A sin ni a ma to, Chasi wakoe ni ma wo faa ɔ, koe min na mu, wo‑a wo kai fa a a. N mbe samunɛ chɛ tena, wo ni sɔ gban koadia ɔ, wo ni yɛ, wo ɔ ni gbɛa chɛndɛ chɛ.

အခန်းကိုကြည့်ပါ။ ကော်ပီ




Gboo Ɛfisɔsi Ko A 3:17
24 ပူးပေါင်းရင်းမြစ်များ  

Ɛ ka wan yɔ kamin chɛ min ni chen sɔɛ a. A‑a son dɔ yiienɛ sin pɛn, mbɛ a‑a a 'a chenɛ kuu si gban son chɛ ɔ. A ban‑da kɛn an chenɛ sɔ‑a, yii fa‑a wan, mbɛ a sɛ‑a a kuu ma. Chɛɛ a ma che ni a ni a a bɔn, koe min na mu, a sɔen fan ni chɛndɛ chɛ.


An Nyina chɛ, an mbe a ma, mɔɛ n ni tea ɔ sɔn a si Yataa ma. Chɛɛ Yataa wakoe ee mɔɛ miin faa ɔ, an mbe ee che an boo si‑a a kɔɔ. Koe min na mu, an mbe ee che a yen‑da, an sin ma a sɔn. Chɛɛ wo tana, wo‑a a sɔn fan, koe min na mu, wo bɛ mu sanche chɛ ɔ, a sin mbe ma‑a wan wo fɛ ya ɔ ma.


Mbɛ Chisɔsi ɔ, “Mɔɛ min toen mu n na, ɛ koe chɛ n ma wan, n‑na miin fɔ a ye, an ma koe a. Fa ɛ to‑a wan a mɔɛ chɛ a. A sin, Fa ni ma, ni n fan, nn mbe na‑a wan a tena, mbɛ nn bɛ gbɛɛ ɛ ma‑a kaina dɔndɔ.


Nn bɛ an na, mɔ dɔndɔɛ mu nn na, yɔ mɔ fea wɛɛ, mɔ ɛ buɛ min dɔ. Chɛ ni a ma, an mbe mɔ dɔndɔya min dɔ an nyɔn na, a da ni fa gban. Chɛ ɛ a ma‑a wan, i wakoe ee mɔɛ miin faa ɔ, an ni a ɔ sɔn, mbɛ i wan‑na n sɔ. A yɛ to, an mɔɛ chɛ n ni a ɔ gbɛ chɛndɛ chɛ, mbɛ i toen fan mu n fɛ den chɛ n na, yɔ i toen mu n na buɛ min dɔ.


Mɔ ɔ mɔ min mbe n gboo daun‑da, a ni n wii min, nn fea a mɔɛ chɛ a, nn mbe ma‑a wan mɔ dɔndɔɛ a.


Yiinatɛ chɛ mmɔ ɔ, a ee ma fania a, koe min na mu, Yataa 'a koadia koo mmɔ faa an dɔ. Yataa Nyina, min mbe mmɔ fɛ, Yataa wandi‑a min be mmɔ ma, an‑na koadia chɛ chɛ mmɔ ɔ.


N fan‑na wai chɛ kuu sɔ, mbɛ Apɔdɔsi‑a toa si a kɔɔ. Chɛɛ Yataa wandi gbu an‑na a ma, a ta‑a ya ɔ ma.


Ka n mbe koɔ gbɛ, a si daun fenɛ n ma, mɔɛ ɛ miin bɔ yasi n na, fen chɛ n tena, miin ma Yataa a. Wo‑a gboo nyɛn fan, a si a ma. Mmɔ gbɛɛ, yiimatɛ ɛ wan mmɔ ɔ, yɔ wo e a fɔ buɛ min dɔ. Chɛɛ an yiimatɛ chɛ sima, ɛ mmɔ kunɛ koa dɔpanda an na. Chɛɛ koadia tana, ɛ chen sɔ wan mmɔ kɔɔ.


Wo wo wandi ma mɛn, wo ni a ɔ yen, ni wo boo a chiien fan mu, wo kai fa koe a Chasi a. Wo ni a ya, mbɛ wo ma‑a gbɛ mɔ dɔndɔɛ a, wo bɛ Chisɔsi Chasi a. Fɔ dechee, ni chia ɔ chia ee wo ye, wo wandi ma mɛn koe chɛ a.


Yataa 'a chenɛ nu, an bɛ fen chɛ n na, an‑na miin ya Yataa a, ko dɔndɔ ee che ma‑a an tɛ ɔ. Koe min na mu, mmɔ mu chenɛ an na, Yataa ko a, min mbe ma‑a kuɔ fɔ ko a. Yataa wandi gbu sin‑na a fɔ ka wan, a ɔ, “N mbe ma‑a wan an tɛ ɔ, n mbe ben ben an tɛ ɔ. N sin mbe ma‑a wan an 'na Yataa a, an bɛɛ, an mbe ma‑a wan n 'na mɔɛ n na.”


N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.


Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.


Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.


Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.


Wo ban‑da wo kai fa‑a a a gban. Chɛ an fɛ mu, wo a a tun wo kai fa koe ma a a, wo ma yɛ kuu kɔ. A sin, wo‑a wo kai fa ka buɛ min dɔ a a, wo ma yɛ to kuu kɔ, yɔ a fɔen mu buɛ min dɔ wo ye. Tima ɔ tima ko a, wo Yataa wai bɔ.


Mmɔ sin danden fan mu a a, mbɛ mmɔ ko a di wan Yataa ye. Yataa mu koadia Yataa an na. A sin, mɔ ɔ mɔ min mbe to‑a mɔ dɔ mende n na, a ma‑a mɔ dɔndɔɛ a, an fea Yataa a. Yataa wɛɛ, a ma‑a mɔ dɔndɔɛ a, an fea an mɔɛ chɛ a.


Chɛɛ wo tana, n 'na denɛ nu, wo e Yataa an ko a. A sin, wo kun‑da an fania mɔɛ chɛ n ma, koe min na mu, Yataa Nyina min mbe wo fɛ, a benden mu chɛ ma, min mbe dunya chɛ ma.


A yen ko, n sɔ‑a chenɛ da a, n mbe a tu‑a. Ni mɔ ɔ mɔ‑a n kuiɛ a min, mbɛ a‑a chenɛ da a ka, n mbe don‑da wan a 'a chenɛ a. A sin, nn fea, nn mbe daunɛ chɛ‑a wan kaina dɔndɔɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ