Gboo Ɛfisɔsi Ko A 3:16 - Yataa 'a Dɔbɛnɛ Nama

¹⁶ Dua sɛsɛ ɛ wan a boo ɔ, banda bu ɔ. A sin, n mbe samunɛ chɛ tena, a ni a ma wo ɔ ni gbɛa, wo 'a danaya ɔ. Chɛ ni ma, Yataa Nyina 'a gbasaya ɔ

Gboo Ɛfisɔsi Ko A 3:16 ပူးပေါင်းရင်းမြစ်များ

MATIU 6:13

I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”

GBOO DOMI KO A 2:29

A ee ka, Chu mɔɛ mu a faa an na, min mbe a bu ɔ. Yataa Nyina an mbe a ma, mɔɛ ni a faa gbɛɛ be Yataa ma, chɛɛ sawa nyɛnden fan mbe ee a ma chɛ ni ma. An mɔɛ chɛ, ɛ a 'a tando sɔn‑da wan Yataa a, ni mɔ gbu ma a tando nin bɛɛ.

GBOO DOMI KO A 7:22

N faa gbɛɛ ɔ, n bu ɔ di wan Yataa 'a sawa ko a.

GBOO DOMI KO A 9:23

Mbɛ a sin to, a toen ni a ni a ɔ yian, mbɛ a 'a basɔmaya danka ee. Yataa na‑a mɔɛ miin ya a 'a chinchimaya sɔn koe a, a na‑a a yian fan an na.

GBOO SAA KƆYINDI KO A 16:13

Wo ma bɛndenɛ ni ma, tima ɔ tima. Wo sɔ gban, wo 'a danaya ɔ, Chisɔsi Chasi a, wo sin ma chian. Wo ɔ ni gbɛa gbau.

GBOO FEAN BƆƐ KƆYINDI KO A 12:9

Chɛɛ a‑a a fɔ wan n ye, a ɔ, “N 'na koadia demanɛ, a‑a a kun i ko a. Koe min na mu, tima min na ee kun ko ma, n 'na gbasaya danka ee a tima chɛ a.” Chɛ an fɛ mu, n bu ɔ di yonka tɛ koe a kaka, a si gbasaya ma min mbe ee n boo ɔ, min mbe a ma, Chisɔsi 'a gbasaya ni ma n kun ma.

GBOO FEAN BƆƐ KƆYINDI KO A 4:16

Chɛ an fɛ mu, nn faa ee yɔn. Nn gboo chɛ, mɔgbuya ɔ, ɛ na tena wɛɛ ka boo ɔ boo tui‑a, chɛ gbɛɛ ɔ, Yataa Nyina min mbe nn fɛ, a ɔ gbɛama mu tee ɔ tee a.

Gboo Ɛfisɔsi Ko A 1:18

N mbe samunɛ chɛ tena to, Yataa ni a ma, wo ni a 'a manɛ yen, a ɔ sɔn koe a, fen chɛndɛ miin mbe a boo ɔ wo ko a. Wo wan, a‑a wo wɛn chee, ma koe a a ta mɔɛ n na. N mbe samunɛ chɛ tena to, wo ni a ɔ sɔn to, mbɛ wo too ɔ diaen mu dua miin na, an koo kaka.

Gboo Ɛfisɔsi Ko A 1:7

Mmɔ mu mɔ dɔndɔɛ a, mmɔ bɛ Chasi chɛ an na. A na‑a mmɔ kun ka wan, a wii chɛ a min bɔ‑a, a fa tima a. Yataa‑a a boo bɔ wan mmɔ 'a ko yama n dɔ. Yataa 'a koadia demanɛ da a ko gba.

Gboo Ɛfisɔsi Ko A 2:7

Chɛ ni a ma, a ni a ɔ yian, mbɛ ɛ koadia demanɛ min chɛ‑a mmɔ a ya ɔ ma, a danka ee ma a. Chɛ sin mbe bɔ‑a chinchimaya an dɔ, Chisɔsi 'a gbasaya ɔ.

Gboo Ɛfisɔsi Ko A 3:15

Mmɔ Fa chɛ sin, dambi kan kɔ kan, banda bu ɔ, ni nɛ dunya chɛ ɔ, a wan mbe an sɔnɛ be.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Ɛfisɔsi Ko A 6:10

N ni a fɔ gbɛ wo ye, mbɛ wo ɔ ni gbɛa, koe min na mu, mɔ dɔndɔɛ mu wo a, wo bɛ Mansa Chisɔsi a. Gbasaya wa min nyɔn sima ɛ a ɔ, a ni ma wo ɔ.

Gboo Fiipai Ko A 4:13

Chasi 'a gbasaya ɔ, ɛ min be n ma, n mbe che wan, n ni ko ɔ ko kan kɔ kan ma.

Gboo Fiipai Ko A 4:19

A sin, nyan fen ba chɛ n gbɛɛ Yataa boo ɔ, miin ma gbɔsɔɛ ɛ wo ma, wo e an ma sɔn‑da wan. Chɛ ɛ bɔ‑a koe chɛ an dɔ, Chasi‑a min ma wo ko a. N 'na Yataa, ɛ a ma‑a wan chɛ ni ma.

Gboo Kɔdɔsai Ko A 1:11

Nn mbe samunɛ chɛ tena, Yataa ni gbasaya gbɛɛ be wo ma, a 'a gbasaya kamayaen ba ɔ. Wo ni ko gbɛama kan kɔ kan dɔ bia, faabia ɔ, wo bu ɔ diama ɛ.

Gboo Kɔdɔsai Ko A 1:27

Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.

Gboo Kɔdɔsai Ko A 2:2

N‑na chɛ ma, min mbe a ma, wo wan, ni an fan, wo gbɛɛ ni wo faa gbɛa, mbɛ wo ko a dia‑a wo nyɔn ye, wo ni ma kuiɛ dɔndɔya ɔ. Chɛ ɛ a ma‑a wan, yiinatɛ chenama ni ma wo ɔ, koe ɔ gbɛ koe a chɛndɛ, ɛ na min na. An chia chɛ a mu, wo e Chasi wakoe ɔ gbɛ, min mu Yataa 'a koe ɔ nundenɛ a tee.

2 TIMOTI 4:17

Chɛɛ Mansa Chisɔsi sɔ‑a wan n kɔ gban, a‑a a ma n che‑a a 'a sakana bai fɔ‑a chɛndɛ chɛ. Chɛ‑a a ma wan, mɔɛ miin ma Chu mɔ a, an gbɛɛ‑a a a min. A sin to, a‑a n kun ka wan.

GBOO IBU MƆƐ N KO A 11:34

An na‑a ta man ba n na dufɛn fan, mbɛ an bɔ‑a saya yuu a, chɛɛ chɛ boo ɔ. An na faen fan ni, chɛɛ an dɔ gbɛa‑a wan. An fanka ni koo chɛɛ ɔ, an sin na‑a chɛnyɛ dɔ gbɛɛ ɔ soya n bɔ wan chɛɛ ɔ.

1 PITA 3:4

Chɛɛ nyanɛ ɛ wan nɔ, min kun ma ee ka, an mu musu sɔnɛ a. Musu ni tima ya tachɛ koe a mɔ dɔ mende n na, a sin, sɔnkɔ sɔnkɔ nyina ma ma a fɛ. Nyan chɛ nyɔn sima, an ma kawaen mu Yataa tena.