Gboo Ɛfisɔsi Ko A 3:14 - Yataa 'a Dɔbɛnɛ Nama

¹⁴ Chɛ an fɛ mu, n mbe n kumbai gbangban tena mmɔ Fa Yataa chen kɔɔ.

Gboo Ɛfisɔsi Ko A 3:14 ပူးပေါင်းရင်းမြစ်များ

DUKU 22:41

Mbɛ a ka‑a wan an baima ɛnden na, mbɛ a‑a a kumbai gbangban, mbɛ a bun‑da samunɛ chɛ‑a.

CHISƆSI 'A SƆ MƆƐ NU 20:36

Pɔɔ ban‑da kɛn koɔ‑a ka mɔɛ chɛ n tena, a‑a a kumbai gbangban fan, an bɛ gbɛɛ an na, mbɛ an‑na samunɛ chɛ Yataa tena.

CHISƆSI 'A SƆ MƆƐ NU 21:5

Chɛɛ nn 'na tima ban‑da kɛn nɔ duu chɛ ɔ, nn‑na nn saa wan an na, ta koe a. An gbɛɛ, musu nu, kai nu, an bɛ an 'na denɛ n na, an‑na nn ma sɔ wan. Nn che‑a kɛn yii da a, nn gbɛɛ, nn‑na nn kumbai gbangban fan, nn‑na samunɛ chɛ Yataa tena.

CHISƆSI 'A SƆ MƆƐ NU 7:60

Mbɛ a‑a a kumbai gbangban duu ma, mbɛ a‑a samunɛ chɛ, a kuiɛ ma sɛenɛ a. A ɔ, “Mansa, i boo bɔ mɔɛ chɛ n 'na ko yama chɛ n dɔ, an mbe ka min ma‑a n na.” A ban‑da kɛn samun chɛ chɛ‑a, mbɛ a fa‑a.

CHISƆSI 'A SƆ MƆƐ NU 9:40

Mbɛ Pita‑a an gbɛɛ a bɔ dumu gbu ɔ, mbɛ a‑a a kumbai gbangban, a‑a samunɛ chɛ. Mbɛ a‑a a ya a mun su chɛ ma, mbɛ a‑a a fɔ, a ɔ, “Tabita, i kɔɔ sɔ.” Mbɛ a ya kɔɔɛ a, Tabita‑a a ya a ka. A sin‑na Pita yen kɛn, a‑a a kɔɔ sɔ wan, mbɛ a si‑a.

Gboo Ɛfisɔsi Ko A 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. A wan Yataa, a‑a mmɔ dua wan dua chɛ n gbɛɛ a, miin mbe banda bu ɔ. A‑a chɛ ma, koe min na mu, mmɔ ma‑a mɔ dɔndɔɛ a, mmɔ bɛ Chasi a.

Gboo Ɛfisɔsi Ko A 3:15

Mmɔ Fa chɛ sin, dambi kan kɔ kan, banda bu ɔ, ni nɛ dunya chɛ ɔ, a wan mbe an sɔnɛ be.

Gboo Fiipai Ko A 2:10

A sin, chɛ an mbe ma‑a, basɔmaya be koe a Chisɔsi tɔɛ chɛ ma. Fɔɛ fenɛ gbɛɛ, banda bu ɔ, ni duu gboo ma, dunya gbɛɛ ɔ, an mbe an kumbai gbangban‑da wan.