Gboo Ɛfisɔsi Ko A 2:16 - Yataa 'a Dɔbɛnɛ Nama

¹⁶ A sin, a 'a saya kɔn gbengbanden chɛ ma, ɛ na‑a wan mmɔ chɛ‑a mmɔ nyɔn dɔ, mmɔ bɛ Yataa a, mmɔ ni ma kuiɛ dɔndɔya ɔ. Chɛ an mbe a ma‑a, kodomaya chɛ ni ban.

Gboo Ɛfisɔsi Ko A 2:16 ပူးပေါင်းရင်းမြစ်များ

GBOO DOMI KO A 5:10

Mmɔ ni Yataa chɛɛ ma nyɔɛ n fan na, chɛɛ a 'a denɛ Chisɔsi 'a saya‑a a ma, a‑a mmɔ ma gbɛ a dia nyɔɛ n na. Mmɔ ma‑a ka gbɛ buɛ min dɔ sanche Yataa dia nyɔɛ n na, bauncha ɛ gbɛ mmɔ wan ko a, koe min na mu, Chasi ɛ fɔɛ ɔ.

GBOO DOMI KO A 6:6

Mmɔ‑a a ɔ sɔn fan, mbɛ Chisɔsi ni gbangban tena tima min na kɔn gbengbanden chɛ ma, mmɔ sɔn kɔma n bɛɛ gbangban‑da wan a ma. Chɛ ma‑a min mbe a ma, Yataa ni mmɔ sɔn kɔma n bɔ mmɔ faa n dɔ. Chɛ ɛ a ma‑a wan, mmɔ ee ma‑a to yɔnɛ n na mmɔ 'a ko yama n boo ɔ.

GBOO DOMI KO A 8:3

Mmɔ ɛ koe miin ma, mɔgbuya ɔ min ma nyin, an na‑a a ma wan, sawa chɛ ma kun ni mmɔ kun ka‑a. Chɛɛ Yataa na‑a dɔbɛn dɔ gbɛɛ chɛ wan, mmɔ kun ka koe a. A na‑a a 'a denɛ a na wan dunya chɛ ɔ, mɔgbuya ɔ. A na‑a a 'a den chɛ ma wan yasi a mmɔ 'a ko yama n ko a. A na‑a chɛ ma, kaa an na tɛ koe a, a si mmɔ 'a ko yama n ma.

GBOO DOMI KO A 8:7

A sin fan fɛ mu, mɔɛ min yiima ɛ gbasaya kɔɔ mɔgbuya ɔ min ma nyin, Yataa chɛɛ ma nyɔɛ mu a a. Koe min na mu, a mɔɛ chɛ ma kun ni ma koe a Yataa 'a sawa kɔɔ. A gbu sin, a ee che ma‑a a kɔɔ.

GBOO SAA KƆYINDI KO A 10:17

Mmɔ da a koo, chɛɛ mɔ dɔndɔ gbe mu mmɔ a, a mu min na, mmɔ ɛ biidi gbugbu dɔndɔ gbe an daun.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Ɛfisɔsi Ko A 2:15

a‑a Chu sawa n ka wan an gba n dɔ, ni koe chɛ nu, sawa chɛ ni miin din mɔɛ n ma, an ma koe a. A toen ni, a ni Chu mɔɛ n na gbuu, an bɛ mɔɛ n na, miin ma Chu mɔ a, an ni ma mɔ nama dɔndɔɛ a, a wan Chasi ɔ. Chia chɛ a mu, a na‑a kuiɛ dɔndɔya a an tɛ ɔ.

Gboo Ɛfisɔsi Ko A 3:6

Yataa‑a dɔbɛn chɛ an yian an na. Mbɛ Chisianɛ miin ma Chu mɔ a, an mbe an ta ma sɔn‑da wan dua gbɛɛ ɔ, Yataa ɛ min be. Ɛ ma‑a wan dechee yɔ Chisianɛ nu, miin mu Chu mɔɛ n na, an mbe a ma sɔn‑da buɛ min dɔ. Mɔɛ miin ma Chu mɔ a, an ma‑a mɔ dɔndɔɛ a, an bɛ Chu mɔɛ n na. Yataa‑a a 'a mɔɛ n too ɔ dia min na, mɔɛ miin ma Chu mɔ a, an bɛɛ an mbe a ma sɔn‑da wan. Koe min na mu, an mu mɔ dɔndɔɛ an na Chisɔsi Chasi a. Yataa 'a sakana bai chɛndɛ‑a a fɔ ka wan.

Gboo Ɛfisɔsi Ko A 4:4

Mmɔ gbɛɛ, mmɔ dɔndɔɛ mu mmɔ a, yɔ Chasi gboo ɛ buɛ min dɔ. Koe min na mu, Yataa Nyina, min mbe mmɔ fɛ, ɛ dɔndɔ gbe. Ɛ ka wan dechee, yɔ yiinatɛ chɛ wɛɛ, Yataa‑a mmɔ chee min ko a, a sin mbe mmɔ ɔ.

Gboo Kɔdɔsai Ko A 2:14

A‑a mmɔ kun ka wan, a bɔ mmɔ 'a ko yama n dɔ, Yataa ni mmɔ gbɛmbo‑a miin ko a. A‑a saya min chɛ kɔn gbengbandenɛ ma, Yataa‑a a boo bɔ nɔ wan an ko yama chɛ n dɔ.

Gboo Kɔdɔsai Ko A 3:15

Chasi ɛ faachima min be, a ni ma wo faa ɔ wo nyɔn ko a. Koe min na mu, Yataa‑a wo chee kaina dɔndɔɛ faachima chɛ an ko a, yɔ mɔ gbu sɔna n mbe buɛ min dɔ an nyɔn boo ɔ. A sin nyin wo ni Yataa wai bɔ tima ɔ tima.