Gboo Ɛfisɔsi Ko A 2:12 - Yataa 'a Dɔbɛnɛ Nama

¹² Chɛ ni ma wo yii ma, mbɛ a tima chɛ a, wo tɛ duen fan ni wo bɛ Chisɔsi Chasi a. A yɛ to, wo kaen fan ni mɔɛ tɔɛ n kaa a, a bɔ kuiɛ dɔndɔya dɔbɛn chɛ ɔ Isɔɛɛ mɔɛ n tɛ. A sin, wo ma‑a sonda n na, dɔbɛn nama chɛ kɔɔ, Yataa‑a Isɔɛɛ mɔɛ n too ɔ dia min na. Yataa ee wo boo ɔ, dunya chɛ ɔ, wo sin yii na ma tɛ ni fen kɔ fen ma.

Gboo Ɛfisɔsi Ko A 2:12 ပူးပေါင်းရင်းမြစ်များ

DUKU 1:72

Yataa‑a chɛ ma, min mbe a ma, a ni chinchin mmɔ ma, yɔ a na‑a a fɔ buɛ min dɔ mmɔ bemba n ye. A sin ma nyina ni dɔbɛn chɛ ma, a‑a min chɛ an na.

CHƆN 10:16

N 'na sa dɔ n mbe wan nɔ, miin mbe ee sa kuii chɛ ɔ. N mbe na tena wan an bɛɛ a. An bɛɛ, an mbe an too ma sɔ‑a wan n da a kuiɛ ma, a sin, an gbɛɛ, an mbe ma‑a wan sa dɔndɔɛ a, an kun ma fɛn mɔɛ dɔndɔɛ ko a.

CHƆN 15:5

“N fan mu kɔnɛ a, wo sin, n bonɛ n mu wo a. Nn mbe ma‑a mɔ dɔndɔya ɔ, mɔɛ min na, a ma n boo ka ni, n bɛɛ, n ma a boo ka ni, a mɔɛ chɛ ɛ gbɔ sɛsɛ be‑a wan. Koe min na mu, wo ee che ko ɔ ko ma‑a, wo kun ma a a, ni n mbe ee wo kɔ.

CHƆN 4:22

Wo wan Samayia mɔɛ nu, wo ma a ɔ sɔn, wo e min gbu fai tena. Chɛɛ nn fan Chu mɔɛ nu, nn‑na a ɔ sɔn fan, nn mbe min fai. Koe min na mu, Yataa‑a nn too ɔ dia wan, a ma koe a, mɔɛ n ni a 'a bauncha ma sɔn.

CHISƆSI 'A SƆ MƆƐ NU 2:39

Koe min na mu, Yataa na‑a wo too ɔ dia koe chɛ n fan na, wo bɛ wo 'a denɛ n na, a basan chɛ n gbɛɛ a, miin baa ɔ yansan nɛ a. Mɔɛ n gbɛɛ, mmɔ 'a mansa Yataa‑a miin chee, na koe a a tena.”

CHISƆSI 'A SƆ MƆƐ NU 28:20

Chɛ an fɛ mu gbɛ, n‑na wo chee, wo yen koe a, n ni koɔ wo tena. Koe min na mu, n boo ɔ chiien mu ka yɔɔɛ a, a si an koe chɛ an ma, Isɔɛɛ mɔɛ n yii na tɛen mu min ma.”

CHISƆSI 'A SƆ MƆƐ NU 3:25

Yataa‑a wo too ɔ dia koe miin na, a 'a gbonka chɛ mɔɛ chɛ n da ɔ, an gbɛɛ n mbe wo wan ko a. Yataa‑a dɔbɛnɛ min bɛɛ chɛ, wo bemba n ta bemba n na, a wɛɛ ɛ wo wan ko a. A nyɛnden fan mu Yataa 'a gboo ɔ, mbɛ a na‑a a fɔ wan Ebeami ye, a ɔ, ‘I cheeya ɔ mu, n mbe mɔɛ n gbɛɛ dua‑a dunya chɛ ɔ.’

GBOO DOMI KO A 9:8

Chɛ‑a a ɔ yian fan, mbɛ denɛ miin suun‑da mɔgbuya ta fɛ chia a, an fan ma Yataa 'a denɛ chɛndɛ chɛndɛ n na. Chɛɛ mɔɔ dechee cheeya chɛ nu, Yataa na‑a a too ɔ dia denɛ miin na, an fan yaen mu Yataa 'a denɛ chɛndɛ chɛndɛ n na.

Gboo Kadesia Ko A 4:8

Wo nii ma Yataa sɔn tima min na suun, wo ni yɔncha ɔ wan, nyina yama n boo ɔ, miin nii ma Yataa a.

Gboo Ɛfisɔsi Ko A 2:19

Chɛ an fɛ mu gbɛ, wo wan, wo wɛn ma ka Chu mɔ a, sonda ma to wo a, ben‑da dechee chia a, Yataa waa a. Chɛɛ wo e wan gbɛ yɔ mɔɛ nu, nn bɛ suun‑da miin na chɛnyɛ dɔndɔ gbe ɔ, Yataa 'a mɔɛ nu.

Gboo Ɛfisɔsi Ko A 4:18

An mbe an yii na chii buɛ min dɔ, an mbe pimbi an dɔ, koe ɔ gbɛ koe a ɛnden bɛɛ a. Kuɔ fɔ fɔɛ ee an boo ɔ, Yataa ɛ min be. Chɛ sien mu an 'na ko sɔn baiya an ma. Koe min na mu, an faa a kɔɔen mu kaka.

Gboo Kɔdɔsai Ko A 1:21

A sin, tima dɔndɔ a, wo dɔ nu, wo nii kuiɛ dɔndɔ ɔ Yataa a, wo yiima nii ma nyin a ko a. Wo ni Yataa chɛɛ ma nyɔɛ n fan na, wo 'a yiinachii yama n dɔ, ni ko yama nu, wo ni miin ma.

Gboo Kɔdɔsai Ko A 1:27

Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.

Gboo Kɔdɔsai Ko A 1:5

Wo e chɛ ma, a mu min na, wo yii na tɛenɛ mu koe chɛ an ma, Yataa‑a min sa tena ɔ bɛn wo ya ɔ banda bu ɔ. Tea bai chɛ, min mu sakana bai chɛndɛ a, a‑a a fo kɛn wo ma tima saa saa ko a, wo‑a a a min fan, ɛ na yiinatɛ min na.

Gboo Saa Tɛsadonika Ko A 4:13

Nn suun ma nyɔɛ nu Chasi ɔ, nn toen mu wo ni tea ɔ sɔn, a si chɛ n ma, miin na‑a an kai fa Chisɔsi a, an mbe e na to fa‑a. Chɛ ɛ a ma‑a wan, wo faa ee yɔn‑da, yɔ mɔɛ chɛ nu, yiinatɛ ee miin dɔ.

Gboo Saa Tɛsadonika Ko A 4:5

Wo ma ma koe tɛ mɔɛ n na, yɔ mɔɛ chɛ nu, miin ma Chisɔsi sɔn.

GBOO FEAN BƆƐ TƐSADONIKA KO A 2:16

Nn mbe samunɛ chɛ tena, Mansa Chisɔsi Chasi tena, an fea mmɔ Fa Yataa a, min toen mu mmɔ a. A sin, ɛ mmɔ faa ma nande tima ɔ tima ko a. Koe min na mu, a 'a koadia demanɛ, a ma mmɔ a bea ni kuɔ fɔ. A sin, a na‑a yiinatɛ be wan mmɔ ma chɛndɛ chɛ.

1 TIMOTI 1:1

N fan Pɔɔ, n fan mbe ka gboo chɛ nyɛn‑da i tena, i wan Timoti. N 'na denɛ mu gbɛ i a, i 'a danaya ko a Yataa a. Mɔ yii na tɛen mu Chisɔsi Chasi an ma. A sin, a 'a sɔ mɔɛ mu n na, mɔ baun mɔɛ Yataa 'a gbasaya ɔ, an fea a wan Chisɔsi Chasi a. Mmɔ Fa Yataa, an fea mmɔ 'a mansa Chisɔsi Chasi a, an 'na dua ni ma i ma, an 'na chinchimaya ni ma i ma, a basan an 'na faachima a.

GBOO IBU MƆƐ N KO A 11:34

An na‑a ta man ba n na dufɛn fan, mbɛ an bɔ‑a saya yuu a, chɛɛ chɛ boo ɔ. An na faen fan ni, chɛɛ an dɔ gbɛa‑a wan. An fanka ni koo chɛɛ ɔ, an sin na‑a chɛnyɛ dɔ gbɛɛ ɔ soya n bɔ wan chɛɛ ɔ.

GBOO IBU MƆƐ N KO A 6:18

Chɛ ni a ma, mɔɛ n ni a ɔ yen, chia fea a, miin mbe ee mun, Yataa ɛ koe min ma. Yataa‑a a ɔ yian fan, mbɛ ko ee nɔ, min mbe a ma, a ni a da a kuiɛ yɔn. Chɛ ɛ a ma‑a wan, mmɔ wɛn na‑a bui‑a Chasi tena, mmɔ kun ma fɛn koe a, tooɔdia min mbe mmɔ ko a, mmɔ bu ɔ diama ɛ ma‑a wan, a bia koe a fɔin.

GBOO IBU MƆƐ N KO A 8:6

Chɛɛ koe gbu, ɛ buɛ min dɔ, Chisɔsi 'a wai chɛ, a benden mu an 'na wai kɔma n ma. Ɛ wan dechee, yɔ a 'a dɔbɛn nama chɛ, a benden mu buɛ min dɔ a kɔma ma. Koe min na mu, a 'a dɔbɛn chɛ, a chɛen mu tooɔdia min na, a kɔ gbɛ.

1 PITA 1:21

Chisɔsi Chasi, min‑na a kɔɔ sɔ a ka saya ɔ, a chɛ chɛ wai n fan‑na a ma, wo‑a wo kai fa Yataa a. Mbɛ Yataa‑a baa be a ma. Chɛ an‑na a ma, wo kai faen mu a a. A sin, wo yii na tɛen mu a ma.

1 PITA 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. Koe min na mu, a chinchin‑da wan mmɔ ma a ɔ benden ba a. Chɛ‑a a ma wan, mmɔ‑a fɔɛ nama ma sɔn. Chisɔsi Chasi na‑a a kɔɔ sɔ wan a ka saya ɔ. Chɛ naen mu gbɛ yiinatɛ ɔ benden ba an na mmɔ tena.

1 PITA 3:15

Chɛɛ Chasi ma chianɛ ni ma wo faa ɔ, wo ni baa be a wan mansa ma. Wo ma bɛndenɛ ni ma, tima ɔ tima ko a, mɔɛ n 'na tisa yɛman koe a. Ni an‑na wo ɔ tisa, a si yiinatɛ ma min mbe wo ɔ, wo a ɔ yian an na.

1 CHƆN 3:3

A sin, mɔ ɔ mɔ, danaya chɛ ɛ min dɔ a ko a, a mɔɛ chɛ ee dɔn a ni a boo chɛ ko yama kan kɔ kan dɔ. Koe min na mu, Chisɔsi ee a boo chɛ ko yama ɔ.