Gboo Ɛfisɔsi Ko A 2:11 - Yataa 'a Dɔbɛnɛ Nama

¹¹ Chɛ an‑na a fɔ, wo wan, wo wɛn ma ka Chu mɔɛ n na, wo wo yii na chii chɛ ma. Chu mɔɛ n ni wo chee, an dɔ, Yataa sɔn bai nu, koe min na mu, wo a nii ma kamincha ni, yɔ Chu mɔɛ nu. Chɛɛ da kamincha chɛ sin, a mu dechee manda an na, mɔ gbu ɛ min na tachɛ a boo a.

Gboo Ɛfisɔsi Ko A 2:11 ပူးပေါင်းရင်းမြစ်များ

MATIU 20:7

Mbɛ an dɔ, ‘Chɛɛ mɔ ɔ mɔ ma nn ya ni wai chɛ ko a, nn ni ban.’ Mbɛ kamin chɛ ɔ, ‘Wo na, wo ni ta wai chɛ n 'na yadi ɔ.’ Mbɛ an bɛɛ ta‑a.

GBOO DOMI KO A 11:17

A maen fan mu ka gbɛ yɔ an kɔn chɛ bonɛ dɔ n ka‑a a ma, mbɛ fia kɔnɛ dɔ gbɛɛ bonɛ ya a, mbɛ a chii‑a kɔnɛ bonɛ chɛ gba ɔ. Fia kɔn chɛ ɛ ka gbɛ kana‑a kɔn chɛ a tifa an dɔ. Wo wan mɔɛ chɛ nu, wo wɛn ma Chu mɔ a, wo e ka wan. Wo e ka gbɛ kana‑a mɔɛ chɛ n na tifa an dɔ Yataa tena, mɔɛ chɛ nu, miin mu Chu mɔɛ n na.

GBOO DOMI KO A 2:26

Chɛɛ ni mɔɛ min ma Chu mɔ a, a sin na ma kamincha ni, a tachɛ‑a sawa chɛ gbee a, Yataa ɛ a boo a si wan a kɔɔ, yɔ mɔɛ min na kaminchaen mu.

GBOO DOMI KO A 2:27

A gbu sin, mɔɛ chɛ n yen bɛ, an na ma kamincha nin bɛɛ ka boo ɔ boo, chɛɛ an mbe tachɛ wan sawa chɛ n na chɛndɛ. Chɛ ɛ a ɔ yian‑da wan, mbɛ wo wan Chu nu, wo wɛn na kaminchaen mu bɛɛ, Yataa 'a sawa ɛ wo boo ɔ, mbɛ wo e sawa chɛ yɔn tena wan. Yataa sin mbe kaa a tɛ‑a wan wo wakoe ma.

GBOO SAA KƆYINDI KO A 12:2

Wo‑a a ɔ sɔn fan, mbɛ tima min na wo nii ma Yataa sɔn, wo‑a a ɔ sɔn fan wo ni min ma. An‑na wo ka wan a ma, chia sɛsɛ a, wo e ben fenɛ n fai‑a, miin mbe ee koɔ.

GBOO SAA KƆYINDI KO A 6:11

Wo dɔ n ni ka wan tee. Chɛɛ sanche gbɛ, wo ko‑a fo, wo 'a ko yama n boo ɔ. Wo ma‑a tenchen Yataa ko a. Yataa‑a wo ya mɔ tandenɛ n na, a chen kɔɔ, Mansa Chisɔsi Chasi 'a gbasaya ɔ, an fea Yataa Nyina a.

Gboo Kadesia Ko A 2:15

Mmɔ wandi gbu, mmɔ wɛn mu ka Chu mɔɛ n na, mmɔ ma mɔɛ chɛ n na, mɔɛ min nii sɔ ɔ Yataa 'a chia ma, mɔɛ miin ma ka Chu mɔ a.

Gboo Kadesia Ko A 6:12

Mɔ dɔ gbɛɛ ee a din‑da wo ma, wo a kamincha koe a. Mɔɔ dechee mɔɛ chɛ nu, miin toen mu an ni an fandi ɔ yian, mɔ gbu gboo ta chia a. A sin, an mbe chɛ ma‑a dechee chia an na, an mbe ee kun, an ni ko yawaenɛ sa an ma chia min na, Chasi 'a kɔn gbengbandenɛ ko a.

Gboo Ɛfisɔsi Ko A 2:2

An tima chɛ a, wo ni tachɛ tena wan, wo 'a fɔɛ ɔ, wo beaenɛ ɛ dunya chɛ ɔ mɔɛ n ta chia fɛ. Nyina yama n ya ɔ sɔɛ, dunya chɛ ɔ, gbasaya ɛ min boo ɔ ben‑da banda a, wo beaen ni an fɛ. An nyina chɛ, sanche chɛ ɔ, an mbe wai chɛ tena mɔɛ n na, miin mbe ee dɔn an too ma sɔ koe a Yataa ma.

Gboo Ɛfisɔsi Ko A 5:8

Koe min na mu, wo ni wan tee pimbi ɔ, chɛɛ sanche gbɛ wo e wan manɛ kɔɔ. Koe min na mu, wo ma‑a mɔ dɔndɔɛ a Mansa Chisɔsi a. A nyin wo tachɛ buɛ ni bɔ mɔɛ n na, miin mbe manɛ kɔɔ.

Gboo Fiipai Ko A 3:3

Mmɔ wan mu Yataa 'a mɔɛ n na, tea tea ko a. Koe min na mu, mmɔ wan mbe Yataa fai a Nyina 'a gbasaya ɔ. Mbɛ mmɔ yɛ‑a, mmɔ‑a buɔdia bɔ, mmɔ ma koe a mɔ dɔndɔɛ a Chisɔsi a. Mmɔ ma mmɔ kai fa ni ko dɔ mende kan kɔ kan na, mɔ gbu ɛ che min ma‑a.

Gboo Kɔdɔsai Ko A 1:21

A sin, tima dɔndɔ a, wo dɔ nu, wo nii kuiɛ dɔndɔ ɔ Yataa a, wo yiima nii ma nyin a ko a. Wo ni Yataa chɛɛ ma nyɔɛ n fan na, wo 'a yiinachii yama n dɔ, ni ko yama nu, wo ni miin ma.

Gboo Kɔdɔsai Ko A 2:11

Wo ma min chɛ‑a mɔ dɔndɔɛ a, wo bɛ Chasi a, wo a ban‑da kamincha‑a. Mɔ gbu ta da kamincha ma, chɛɛ Chisɔsi ta mu. A sin‑na a ma, mbɛ wo kunɛ bɔ‑a wo 'a ko yama n dɔ, miin ma nyin mɔgbuya chɛ ɔ.

Gboo Kɔdɔsai Ko A 2:13

Tima ni wan nɔ, wo faenɛ ni wo 'a ko yama n boo ɔ, Yataa tena. A sin, wo kunɛ nii ma bɔ ni wo 'a ko yama n dɔ, miin nii ma nyin mɔgbuya ɔ. Chɛɛ Yataa‑a wo a yɛ to fɔɛ ɔ, wo bɛ Chasi a. Mmɔ gbɛɛ, Yataa‑a a boo bɔ mmɔ 'a ko yama n dɔ.

Gboo Kɔdɔsai Ko A 3:11

Chɛ an fɛ mu, sɔn nama chɛ ɔ, tɛ bɔ kan kɔ kan mbe ee Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin na kaminchaen mu, an bɛ chɛ n na, miin na ma kamincha ni. Tɛ bɔ ee chɛ n bɛɛ ma, miin ka‑a chɛnyɛ dɔ mende n dɔ, a ee yɔnɛ n ma, a ee fia ɔ mɔɛ n ma, an bɛ mɔɛ n na, miin mu mansaenɛ a. Chɛɛ Chasi an mu koe a, a sin mbe wan gbɛ wo gbɛɛ 'a fɔɛ ɔ.