Gboo Ɛfisɔsi Ko A 2:10 - Yataa 'a Dɔbɛnɛ Nama

¹⁰ Koe min na mu, Yataa boo gba mu mmɔ a. A‑a mmɔ a dan, koe min na mu, mɔ dɔndɔɛ mu mmɔ a, mmɔ bɛ Chisɔsi a, mmɔ chɛ chɛ wai chɛndɛ ko a. Mmɔ chɛ chɛ wai chɛ nu, Yataa‑a miin to mmɔ ya ɔ, mmɔ ni tachɛ an chia chɛ n na.

Gboo Ɛfisɔsi Ko A 2:10 ပူးပေါင်းရင်းမြစ်များ

MATIU 5:16

A sin, mbɛ i wan, i wɛn maen mu yɔ sanku manɛ, i bɔɛ mɔ gbu n ko a, a ma i 'a manɛ ni man i bɔɛ mɔ gbu n tɛ ɔ, min mbe a ma, an ni a ɔ yen, e wai chɛndɛ min chɛ tena. Chɛ an mbe a ma‑a, an ni tando be Fa Yataa ma, min mbe banda bu ɔ.”

CHƆN 3:21

Chɛɛ mɔ ɔ mɔ min mbe ko chɛndɛ ma, an mbe na man chɛ tena. A ɛ chɛ ma, min mbe a ma, man chɛ ni a ɔ yian, mbɛ ɛ kooya be wan Yataa ma, a chɛ chɛ wai n dɔ.

CHISƆSI 'A SƆ MƆƐ NU 9:31

Mbɛ a ka gbɛ a tima chɛ ma, faachima yɛ‑a wan to mɔɛ chɛ n ma, chɔchi n gbɛɛ ɔ. A ka Chudia chɛnyɛ ɔ, a ta Kadidi, ni Samayia chɛnyɛ ɔ. Yataa Nyina basan‑da wan an ma, an dɔ gbɛa koe a. A sin, an ma munda‑a wan kaka, a mu min na, an gbɛɛ ni basɔmaya wa be wan Mansa Chisɔsi ma.

CHISƆSI 'A SƆ MƆƐ NU 9:36

Chɔpa duu wɛɛ ɔ, musu dɔndɔ ni wan nɔ, min tɔ ni Tabita. A na‑a a kai fa wan Chisɔsi a. Kiisi mɔɛ n ni a chee, an dɔ, Dɔkasi, min fasaien ni dɔmba. A 'a fɔɛ gbɛɛ ɔ, a ni wai nyima wa an chɛ, a ɛ basan yɔn tɔɛ n bɛɛ ma.

GBOO DOMI KO A 8:1

Chɛ an fɛ mu sanche chɛ ɔ, ni mɔ ɔ mɔ ma‑a mɔ dɔndɔɛ a Chisɔsi Chasi a, Yataa ee kaa a tɛ‑a a wakoe ma, a ni tɔɔ.

GBOO DOMI KO A 8:29

An mɔɛ chɛ nu, Yataa na‑a an sɔn pɛn chɛndɛ chɛ, mbɛ a‑a a boo sɔ an ma. An mbe ma‑a wan gbɛ yɔ a 'a denɛ Chisɔsi. A 'a den chɛ ɛ ma‑a gbɛ denɛ saa an na, den sɛsɛ wa chɛ n ya ɔ.

GBOO SAA KƆYINDI KO A 3:9

Koe min na mu, nn mbe wai chɛ tena Yataa an ko a. Wo sin, wo e wan yɔ wo e a 'a yadi ɔ wan. A yɛ to, wo e wan bɛɛ yɔ a 'a chen sɔenɛ.

GBOO FEAN BƆƐ KƆYINDI KO A 5:17

Chɛ ko a, ni mɔ ma‑a gbɛ mɔ dɔndɔɛ a mmɔ bɛ Chasi a, mmɔ ma‑a mɔ nama a. Mmɔ ka‑a mmɔ tachɛ buɛ kɔma kun ma, mmɔ dɛ‑a a nama ɔ.

GBOO FEAN BƆƐ KƆYINDI KO A 5:5

Yataa wandi gbu, an‑na a ma, mmɔ ma bɛndenɛ mu koe chɛ a. A sin to, a wan‑na a Nyina be mmɔ ma, a ɔ yian koe a mmɔ a, mbɛ ɛ fen chɛ n gbɛɛ be‑a wan mmɔ ma, miin mbe sa ɔ a boo ɔ mmɔ ko a.

GBOO FEAN BƆƐ KƆYINDI KO A 9:8

A sin, Yataa kundenɛ mu, a ni mɔɛ kɔ boo fen chɛndɛ a, a ɔ benden ba a. Chɛ ni a ma, a mɔɛ chɛ toen mu fenɛ min na tima ɔ tima ko a, a ni ma a boo ɔ. A sin gbu, fenɛ ɛ ma‑a wan a boo ɔ, ko kan kɔ kan ma koe a, min nyin a ma koe a.

Gboo Kadesia Ko A 6:15

An ni mɔ a kamincha, an ma i a kamincha, chɛ ma ko a, ɛnden bɛɛ a. Min mu dechee koe a, an nɛ, Yataa‑a a mɔɛ chɛ ma mɔ nama a.

Gboo Ɛfisɔsi Ko A 1:1

N fan Pɔɔ, n fan mbe gboo chɛ nyɛn tena. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. N fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, wo wɛn mbe a a tun tena wo kai fa koe a Chisɔsi Chasi a, Ɛfisɔsi duu ɔ.

Gboo Ɛfisɔsi Ko A 1:4

A e na to dunya gbu a dan‑da wɛɛ, a na‑a ban fan gbɛ a boo sɔ‑a mmɔ ma, mmɔ ma koe a a ta mɔɛ n na, mmɔ wɛn mu mɔ dɔndɔɛ a Chisɔsi Chasi a. A na‑a chɛ ma, min mbe a ma, mmɔ ni ma a ko a tenchen, mɔɛ nu, mabɔ kan kɔ kan mbe ee miin ma. Koadia ɔ,

Gboo Ɛfisɔsi Ko A 2:13

Wo tɛ ɔ ni yansan fan tee Yataa a. Chɛɛ sanche gbɛ, wo ma min chɛ‑a mmɔ dɔndɔɛ a Chasi a, a‑a wo ma sawan Yataa tena. Chɛ bɔ‑a a wii chɛ an dɔ, min bɔ‑a a fa tima a, mmɔ ko a.

Gboo Ɛfisɔsi Ko A 2:15

a‑a Chu sawa n ka wan an gba n dɔ, ni koe chɛ nu, sawa chɛ ni miin din mɔɛ n ma, an ma koe a. A toen ni, a ni Chu mɔɛ n na gbuu, an bɛ mɔɛ n na, miin ma Chu mɔ a, an ni ma mɔ nama dɔndɔɛ a, a wan Chasi ɔ. Chia chɛ a mu, a na‑a kuiɛ dɔndɔya a an tɛ ɔ.

Gboo Ɛfisɔsi Ko A 2:2

An tima chɛ a, wo ni tachɛ tena wan, wo 'a fɔɛ ɔ, wo beaenɛ ɛ dunya chɛ ɔ mɔɛ n ta chia fɛ. Nyina yama n ya ɔ sɔɛ, dunya chɛ ɔ, gbasaya ɛ min boo ɔ ben‑da banda a, wo beaen ni an fɛ. An nyina chɛ, sanche chɛ ɔ, an mbe wai chɛ tena mɔɛ n na, miin mbe ee dɔn an too ma sɔ koe a Yataa ma.

Gboo Ɛfisɔsi Ko A 2:6

A sin, Yataa‑a mmɔ kɔɔ sɔ, a ka saya ɔ, mmɔ bɛ Chasi a. Mbɛ a‑a a ma to, mmɔ si‑a banda bu ɔ, mmɔ wɛn mu mɔ dɔndɔɛ a Chasi a.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

Gboo Ɛfisɔsi Ko A 4:24

Wo sɔnɛ nama n ya, yɔ mɔɛ nu, miin nyanden mu Yataa bɔ nyɔɛ n na. A‑a wo nyan wo ni ma mɔ tandenɛ n na, miin mbe tenchen a ko a. Koe chɛ n mbe bɔ tea an dɔ.

Gboo Fiipai Ko A 1:6

Chɛ an fɛ mu, n danden fan mu a a, mbɛ Yataa boo ɛ ka gbɛ buɛ min dɔ wo baun koe ɔ, a ee sɛmbɛ‑a to. A ɛ wo baun‑da wan, aan a ni che a danka a gbɔdɛ, aan Chisɔsi Chasi na tima a to.

Gboo Fiipai Ko A 2:13

Koe min na mu, Yataa an mbe wai chɛ tena wo ɔ. A wan mbe a ma tena, wo ma bɛndenɛ ɛ kooya be koe a a ma. A sin, ɛ gbasaya chɛ wo ɔ, a faa ma koe ma koe a.

Gboo Kɔdɔsai Ko A 1:10

Chɛ ɛ a ma‑a wan, wo ni kosan tachɛ‑a fɔɛ ɔ, min mbe nyan Mansa Chisɔsi tena, a faa ni chima a da faenɛ ɔ. Tima ɔ tima, wo e ko chɛndɛ sɛsɛ ma‑a wan. Wo 'a yiimatɛ ma ni mun‑da a si Yataa wakoe ma.

Gboo Kɔdɔsai Ko A 3:10

A sin, an sɔn nama chɛ, Yataa wandi an‑na a chɛ wo ɔ. A sin, ɛ a ma tena wan tun tun, wo ni ma yɔ ɛ buɛ min dɔ, wo ni a sɔn chɛndɛ chɛ.

GBOO FEAN BƆƐ TƐSADONIKA KO A 2:17

A ni wo faa ma nande, wo ɔ ni gbɛa. Chɛ ni a ma, tima ɔ tima ko a, wo ni bai sa min nyin, a yɛ to, wo ni koe ma min nyin.

1 TIMOTI 2:10

Chɛɛ an ni an fandi a bonchen an chɛ chɛ wai chɛndɛ ɔ, min ma biaen mu Yataa sɔn mɔɛ ko a.

1 TIMOTI 5:10

Mɔɛ n sin mbe a bai wan a 'a ko chɛndɛ maenɛ wɛɛ ko a, min ni a ɔ. Mbɛ musu mu a a, min‑na a 'a denɛ n bɔ a ɔ chɛndɛ chɛ, a‑a a boo si sonda n kɔɔ a 'a chenɛ a, a‑a ko chɛndɛ sɛsɛ ma Chisianɛ n na. Mɔɛ miin bɛ ni yakɔɔtawa ɔ, a‑a an deman, a sin‑na a wandi be ko chɛndɛ ma a a.

1 TIMOTI 5:25

Ko chɛndɛ ma wɛɛ ɛ ka wan to, a ɔ yen fan paden. Chɛɛ ni a sin dɔ ma fua nin bɛ sɔn‑da, a ee to nun dɔ.

1 TIMOTI 6:18

N toen mu i ni a fɔ an ye, an ni ko chɛndɛ ma, an ni nyan wai chɛndɛ ɔ, an ni ma boo ka tɔ wa a, an ma bɛndenɛ ni ma tima ɔ tima chɛ a.

2 TIMOTI 2:21

A chia dɔndɔ gbe chɛ a, mɔɛ min mbe a wandi boo a ko‑a ko yama ma a, baa ɛ ma‑a wan a ma Yataa tena. A mu min na, ɛ tenchen a kun ti an ko a, a sin ma gbɔsɔɛ ɛ wan a ma. A mɔɛ tana, a ma bɛnden fan mu wai chɛndɛ chɛ koe a.

2 TIMOTI 3:17

Chɛ ɛ a ma‑a wan, Yataa 'a mɔɛ ma bɛndenɛ ni ma chɛndɛ chɛ, a kandenɛ ɛ wai chɛndɛ kan kɔ kan chɛ koe a.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

TAITƆSI 2:7

A ɔ yian chia ɔ chia a, ko chɛndɛ ma ɔ, mbɛ mɔ chɛndɛ mu i a. A sin, ni i ma‑a kanɛ chɛ a, a yian mbɛ mɔ tandenɛ mu i a, basɔmaya ni ma i a kan chɛ ma.

TAITƆSI 3:1

A fɔ to an ye an ni don mansa n kɔɔ, a basan ya ɔ sɔɛ n na, an ni kooya be an ma, an ni an ma bɛn ko chɛndɛ ma koe a chia ɔ chia a.

TAITƆSI 3:14

A yɛ to, mmɔ 'a mɔɛ n ni an mayan ko chɛndɛ ma bia koe a an boo fea a, min mbe a ma, an ni che an fandi deman‑da ko gbɛa tima a, an ma na ma tataya tɔɛ n na.

TAITƆSI 3:8

Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.

GBOO IBU MƆƐ N KO A 10:24

A sin, mmɔ yiinachii chɛ, mmɔ ɛ a ma buɛ min dɔ mmɔ ni mmɔ nyɔn deman, mbɛ mmɔ‑a ko chɛndɛ ma mmɔ nyɔn na.

GBOO IBU MƆƐ N KO A 13:21

a ni basan wo ma chia ɔ chia a, wo toen mu min na, a faa ma koe ma koe a. A sin ni a ma, Chisɔsi Chasi 'a gbasaya ɔ, mmɔ ni ko ɔ ko ma, min mbe a faa chima. A sin, tando ni ma Chasi tɔɛ ma, kuɔ fɔ ni kuɔ fɔ ko a. A ni ma ka.

1 PITA 2:12

Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.

1 CHƆN 1:7

Chɛɛ Yataa ɛ manɛ an dɔ. An fɛ mu, ni mmɔ wɛɛ tachɛ‑a a 'a man chɛ kɔɔ, mmɔ ɛ ma‑a wan kuiɛ dɔndɔɛ ɔ, mmɔ nyɔn na. A yɛ to, Yataa 'a denɛ Chisɔsi wii min bɔ‑a, ɛ mmɔ ko‑a wan, a bɔ mmɔ 'a ko yama n gbɛɛ n dɔ.

1 CHƆN 2:6

Mɔ ɔ mɔ, min mbe a fɔ‑a, mbɛ an ma‑a mɔ dɔndɔɛ a Yataa a, a ni sɔ Chisɔsi chen gba ɔ.