Gboo Ɛfisɔsi Ko A 1:7 - Yataa 'a Dɔbɛnɛ Nama

⁷ Mmɔ mu mɔ dɔndɔɛ a, mmɔ bɛ Chasi chɛ an na. A na‑a mmɔ kun ka wan, a wii chɛ a min bɔ‑a, a fa tima a. Yataa‑a a boo bɔ wan mmɔ 'a ko yama n dɔ. Yataa 'a koadia demanɛ da a ko gba.

Gboo Ɛfisɔsi Ko A 1:7 ပူးပေါင်းရင်းမြစ်များ

MATIU 20:28

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

MATIU 26:28

A mu min na, n wii an nɛ, n mbe na tena min na bɔn‑da mɔ gbu gbɛɛ ko a, min mbe a ma, Yataa ni a boo bɔ wo 'a ko yama n dɔ. N wii chɛ, Yataa ɛ an ya tena, mbɛ a‑a dɔbɛn nama chɛ a 'a mɔɛ n na.

MATIU 6:12

I boo bɔ nn 'na ko yama n dɔ, yɔ nn bɛɛ, nn mbe nn boo bɔ buɛ min dɔ ko yama n dɔ, an mbe miin ma nn na.

DUKU 1:77

I wan mbe a ɔ yian mɔɛ n na, an mbe koe min ma, min mbe a ma, Yataa ni a boo bɔ an 'na ko yama n dɔ, mbɛ an‑na bauncha ma sɔn.

DUKU 24:47

Yataa 'a gboo‑a a fɔ wan to, mbɛ a 'a sakana bai chɛ ɛ che‑a wan mɔɛ n ma dunya chɛ gbɛɛ ɔ n tɔɛ ɔ. Mbɛ mɔɛ n ni an kan kɔ sɔ an 'na ko yama n na, min mbe a ma, Yataa ni a boo bɔ an 'na ko yama n dɔ. A ɔ, an ni sakana bai chɛ ɔ yian Chuusaɛn duu pɛn dɔ.

CHƆN 20:23

Ni wo‑a wo boo bɔ mɔɛ n 'na ko yama n dɔ, an bɔ‑a an dɔ. Chɛɛ ni wo ma wo boo bɔ ni an dɔ, an mbe ee bɔ‑a an ko yama chɛ n dɔ.”

CHISƆSI 'A SƆ MƆƐ NU 10:43

Yataa 'a gbonka chɛ mɔɛ n gbɛɛ na‑a bai sa wan, a si Chisɔsi chɛ ma. An dɔ, mɔ ɔ mɔ min mbe an kai fa‑a Chisɔsi chɛ a, Yataa ɛ a boo bɔ‑a wan an mɔɛ chɛ a ko yama n dɔ, Chisɔsi ko a.”

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

CHISƆSI 'A SƆ MƆƐ NU 3:19

Chɛ an fɛ mu, wo wo kan kɔ sɔ wo 'a ko yama n na, mbɛ wo‑a wo ya a mun Yataa ma, min mbe a ma, a ni a boo bɔ wo 'a ko yama n dɔ.

GBOO DOMI KO A 2:4

Wo e Yataa wakoe bia tena baa baa an na, koe min na mu, a chinchinden mu wo ma. A faa ma gbandi wo tɔɔya koe a a ya kɔɔɛ a, a sin mbe a faa bia wan wo a tima sɛsɛ ko a. A nyin wo ni a ɔ sɔn, mbɛ Yataa ɛ chinchin tena wan wo ma. Koe min na mu, ɛ chia yian tena wan wo a faachima ɔ, wo ni wo kan kɔ sɔ wo 'a ko yama n na.

GBOO DOMI KO A 3:24

Chɛɛ Yataa 'a chinchimaya an‑na a ma, a‑a mmɔ ya mɔ tandenɛ n na a chen kɔɔ. Ko kan kɔ kan dɔ gbɛɛ an ma a ma ni, a ni chɛ ma. A‑a chɛ ma koe min na, Chisɔsi Chasi‑a mmɔ kun ka wan mmɔ 'a ko yama n dɔ.

GBOO DOMI KO A 3:25

Yataa na‑a an be fa koe a mmɔ 'a ko yama n ko a. A 'a saya chɛ ni a ma, mɔ gbu ni kunka ma sɔn ko yama ɔ. A wii min sin bɔn‑da ka mɔ gbu gbɛɛ ko a, mɔɛ miin mbe an kai fa‑a a a, Yataa ɛ a boo bɔ‑a wan an 'na ko yama n dɔ. Yataa‑a chɛ ma, a ni a ɔ yian, mbɛ a wan mbe mɔ gbu ya mɔ tandenɛ a. A kɔma a, Yataa na‑a a faa bia wan, mbɛ a‑a a ya ka mɔɛ n 'na ko yama n na.

GBOO DOMI KO A 9:23

Mbɛ a sin to, a toen ni a ni a ɔ yian, mbɛ a 'a basɔmaya danka ee. Yataa na‑a mɔɛ miin ya a 'a chinchimaya sɔn koe a, a na‑a a yian fan an na.

GBOO SAA KƆYINDI KO A 1:30

A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.

GBOO FEAN BƆƐ KƆYINDI KO A 8:9

Koe min na mu, wo‑a koadia deman chɛ ɔ sɔn fan, mmɔ 'a mansa Chisɔsi Chasi‑a min chɛ. Mbɛ a nyanden ni wɛɛ, chɛɛ chɛ gbɛɛ ɔ, wo ko a, a‑a a wandi ma yɔn tɔɛ a. A‑a chɛ ma, min mbe a ma, a 'a yɔncha chɛ ɔ, wo wɛɛ ni ma nyan tɔɛ n na.

Gboo Ɛfisɔsi Ko A 1:14

Yataa Nyina ɛ wan mmɔ fɛ. Chɛ ko a, mmɔ yii na tɛenɛ ni ma gbɛ, mbɛ ɛ fen chɛ n be‑a wan mmɔ ma, a‑a mmɔ too ɔ dia miin na. Mmɔ wɛn sin mu ka a ta mɔɛ n na, mmɔ ɛ fen chɛ n ma sɔn‑da wan, tima min‑na, ɛ mmɔ kun ka‑a gbae. Chɛ ɛ a ma‑a wan, Yataa ni tando ma sɔn, basɔmaya wa ɛ a wɛn ma.

Gboo Ɛfisɔsi Ko A 1:18

N mbe samunɛ chɛ tena to, Yataa ni a ma, wo ni a 'a manɛ yen, a ɔ sɔn koe a, fen chɛndɛ miin mbe a boo ɔ wo ko a. Wo wan, a‑a wo wɛn chee, ma koe a a ta mɔɛ n na. N mbe samunɛ chɛ tena to, wo ni a ɔ sɔn to, mbɛ wo too ɔ diaen mu dua miin na, an koo kaka.

Gboo Ɛfisɔsi Ko A 1:6

Mmɔ Yataa tando kamaya chia chɛ ko a, a‑a a 'a koadia demanɛ ɔ yian mmɔ a min na, a faa gbɛɛ a. A‑a chɛ sin ma, a faa ma denɛ an dɔ.

Gboo Ɛfisɔsi Ko A 1:8

A sin mbe an koadia chɛ, a ɔ yian fan mmɔ a, a ɔ bendenɛ a. Koe min na mu, a 'a yiinachii ɔ yansama ɔ, a 'a ko sɔn ba ɔ,

Gboo Ɛfisɔsi Ko A 2:4

Chɛɛ chinchimaya koo, Yataa boo ɔ. An fɛ mu, mmɔ faen chɛ ni wɛɛ, mmɔ 'a ko yama n boo ɔ, a‑a fɔɛ nama be wan mmɔ ma, mmɔ bɛ Chasi a. A toen mu buɛ min dɔ mmɔ a, a koo. Chɛ an fɛ mu, a 'a koadia demanɛ dechee, an‑na mmɔ baun.

Gboo Ɛfisɔsi Ko A 2:7

Chɛ ni a ma, a ni a ɔ yian, mbɛ ɛ koadia demanɛ min chɛ‑a mmɔ a ya ɔ ma, a danka ee ma a. Chɛ sin mbe bɔ‑a chinchimaya an dɔ, Chisɔsi 'a gbasaya ɔ.

Gboo Ɛfisɔsi Ko A 3:16

Dua sɛsɛ ɛ wan a boo ɔ, banda bu ɔ. A sin, n mbe samunɛ chɛ tena, a ni a ma wo ɔ ni gbɛa, wo 'a danaya ɔ. Chɛ ni ma, Yataa Nyina 'a gbasaya ɔ

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Fiipai Ko A 4:19

A sin, nyan fen ba chɛ n gbɛɛ Yataa boo ɔ, miin ma gbɔsɔɛ ɛ wo ma, wo e an ma sɔn‑da wan. Chɛ ɛ bɔ‑a koe chɛ an dɔ, Chasi‑a min ma wo ko a. N 'na Yataa, ɛ a ma‑a wan chɛ ni ma.

Gboo Kɔdɔsai Ko A 1:14

Mmɔ‑a kunka ma sɔn, mmɔ bɔ‑a mmɔ 'a ko yama n dɔ, koe min na mu, a 'a den chɛ, mɔ dɔndɔɛ mu gbɛ mmɔ a.

Gboo Kɔdɔsai Ko A 1:27

Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.

Gboo Kɔdɔsai Ko A 2:13

Tima ni wan nɔ, wo faenɛ ni wo 'a ko yama n boo ɔ, Yataa tena. A sin, wo kunɛ nii ma bɔ ni wo 'a ko yama n dɔ, miin nii ma nyin mɔgbuya ɔ. Chɛɛ Yataa‑a wo a yɛ to fɔɛ ɔ, wo bɛ Chasi a. Mmɔ gbɛɛ, Yataa‑a a boo bɔ mmɔ 'a ko yama n dɔ.

Gboo Kɔdɔsai Ko A 2:2

N‑na chɛ ma, min mbe a ma, wo wan, ni an fan, wo gbɛɛ ni wo faa gbɛa, mbɛ wo ko a dia‑a wo nyɔn ye, wo ni ma kuiɛ dɔndɔya ɔ. Chɛ ɛ a ma‑a wan, yiinatɛ chenama ni ma wo ɔ, koe ɔ gbɛ koe a chɛndɛ, ɛ na min na. An chia chɛ a mu, wo e Chasi wakoe ɔ gbɛ, min mu Yataa 'a koe ɔ nundenɛ a tee.

1 TIMOTI 2:6

min‑na a wandi fɔɛ be, min mbe a ma, a ni mmɔ gbɛɛ kun ka. Chɛ‑a a ɔ yian fan a tima chɛ a, mbɛ tima gbu an che‑a ka, Yataa toen mu mmɔ gbɛɛ ni bauncha ma sɔn.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

TAITƆSI 3:6

Yataa‑a a ma, mmɔ‑a a Nyina ma sɔn gbama gbama a, Chisɔsi Chasi ɔ, mmɔ baun mɔɛ.

GBOO IBU MƆƐ N KO A 9:22

Tea gbu a, sawa ta fɛ chia a, fen kɔ fen ma ɛ ko dechee fion wii an na, Yataa chen kɔɔ. A sin gbu, ni wii a nii ma bɔn ni, Yataa nii a boo bɔ‑a mmɔ 'a ko yama n dɔ.

1 PITA 2:24

Chisɔsi Chasi wandi gbu‑a mmɔ 'a ko yama n ya wan a gboo ɔ, a ta kɔn gbengbandenɛ ma, a‑a mɔnɛ ɔ bia an ko a nɔ. A na‑a chɛ ma, min mbe a ma, ni ko yama ma koe mu to, mbɛ mmɔ su mu gbɛ. Mmɔ ɛ gbɛ fɔɛ chɛndɛ an dɔ. Magba min chɛ‑a a a, an‑na a ma, wo‑a bauncha ma sɔn.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.

1 CHƆN 2:12

N 'na denɛ nu, n mbe gboo chɛ nyɛn tena wo tena, koe min na mu, Yataa‑a a boo bɔ wo 'a ko yama n dɔ Chisɔsi ko a.

1 CHƆN 2:2

Chisɔsi chɛ an ma‑a yasi a mmɔ 'a ko yama n ko a. A sin, mmɔ 'a ko yama n dechee ko a ma, chɛɛ dunya gbɛɛ 'a ko yama n ko a.

1 CHƆN 4:10

An ma a fɔ ni, mbɛ mmɔ wan to‑a Yataa a, chɛɛ a wan to‑a dechee mmɔ a. Chɛ‑a a ma wan, a wan Yataa, a‑a a 'a den chɛ a na, a ni ma yasi a mmɔ 'a ko yama n ko a. Koadia chɛ mu chɛ an na.

KO Ɔ NUNDENƐ 14:4

Mɔɛ chɛ n fan nii nɛ, miin nii ma koa dɔndɔ bun ni, an bɛ musu kan kɔ kan na, an nii ma musu koe ɔ sɔn, an ma koenɛ ni fion. Mɔɛ chɛ n fan ni bea sa tɔngbɔɛ chɛ fɛ kan kɔ kan, a ni ta kaina min. Mɔ gbu n gbɛɛ tɛ ɔ, an tana, an‑na kunka ma sɔn fan. An ma‑a wan Yataa 'a mɔɛ saa n na, sa tɔngbɔɛ 'a mɔɛ saa nu, yɔ chin fenɛ saa, min mbe be Yataa ma.

KO Ɔ NUNDENƐ 5:9

Mbɛ an‑na si nama a bɔ, an dɔ, “Gbasaya bɛnden mu i wan ma, gboo chɛ bia koe a, yuu tɛ koe a a ma. An‑na i wan fa, i 'a saya chɛ sin‑na a ma, i‑a mɔ gbu gbɛɛ kun ka Yataa ko a. Chɛ nu chɛnyɛ kunɛ n dɔ, chɛnyɛ koɛ n dɔ, ni dambi nu, an bɛ mɔ gbu kan kɔ kan na.