Gboo Ɛfisɔsi Ko A 1:6 - Yataa 'a Dɔbɛnɛ Nama

⁶ Mmɔ Yataa tando kamaya chia chɛ ko a, a‑a a 'a koadia demanɛ ɔ yian mmɔ a min na, a faa gbɛɛ a. A‑a chɛ sin ma, a faa ma denɛ an dɔ.

Gboo Ɛfisɔsi Ko A 1:6 ပူးပေါင်းရင်းမြစ်များ

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

MATIU 20:9

Mɔɛ miin danka‑a ka na‑a wai chɛ tena chɛ, a‑a an pawa tee dɔndɔ 'a pawa da faenɛ a gban.

MATIU 3:17

Mbɛ a yen ko, kuiɛ a min‑da a ka banda bu ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a chɛndɛ chɛ.”

DUKU 2:14

“Tando ni be Yataa ma, min mbe banda bu ɔ pɔɔ, a sin, faachima ni ma mɔ gbu n ma dunya ɔ, Yataa ɛ ko chɛndɛ ma‑a miin na.”

CHƆN 10:17

“Fa Yataa toen fan mu n na, koe min na mu, n ma bɛnden fan mu, n ni n fɔɛ be, min mbe a ma, n ni danka to ma‑a fɔɛ ɔ.

CHƆN 3:35

Mmɔ Fa Yataa toen mu a 'a Denɛ a, an‑na a ma, a‑a gbasaya be a ma fen kɔ fen kun ma.

GBOO DOMI KO A 8:1

Chɛ an fɛ mu sanche chɛ ɔ, ni mɔ ɔ mɔ ma‑a mɔ dɔndɔɛ a Chisɔsi Chasi a, Yataa ee kaa a tɛ‑a a wakoe ma, a ni tɔɔ.

GBOO FEAN BƆƐ KƆYINDI KO A 4:15

Koe min na mu, wo ko a mu, koe chɛ n gbɛɛ n mbe ma tena. A sin, Yataa 'a koadia demanɛ ɛ che tena buɛ min dɔ mɔ sɛsɛ ma, an bɛɛ, an mbe Yataa wai bɔ ka wan, min mu basɔmaya a a tena.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

Gboo Ɛfisɔsi Ko A 1:12

Nn fan, nn fɛn ma‑a mɔɛ saa n na, nn kai fa koe a Chasi a, Yataa ban‑da gbɛ a boo sɔ‑a nn ma, tando be koe a a ma, basɔmaya wa ɛ a wɛn boo ɔ.

Gboo Ɛfisɔsi Ko A 1:14

Yataa Nyina ɛ wan mmɔ fɛ. Chɛ ko a, mmɔ yii na tɛenɛ ni ma gbɛ, mbɛ ɛ fen chɛ n be‑a wan mmɔ ma, a‑a mmɔ too ɔ dia miin na. Mmɔ wɛn sin mu ka a ta mɔɛ n na, mmɔ ɛ fen chɛ n ma sɔn‑da wan, tima min‑na, ɛ mmɔ kun ka‑a gbae. Chɛ ɛ a ma‑a wan, Yataa ni tando ma sɔn, basɔmaya wa ɛ a wɛn ma.

Gboo Ɛfisɔsi Ko A 1:18

N mbe samunɛ chɛ tena to, Yataa ni a ma, wo ni a 'a manɛ yen, a ɔ sɔn koe a, fen chɛndɛ miin mbe a boo ɔ wo ko a. Wo wan, a‑a wo wɛn chee, ma koe a a ta mɔɛ n na. N mbe samunɛ chɛ tena to, wo ni a ɔ sɔn to, mbɛ wo too ɔ diaen mu dua miin na, an koo kaka.

Gboo Ɛfisɔsi Ko A 2:7

Chɛ ni a ma, a ni a ɔ yian, mbɛ ɛ koadia demanɛ min chɛ‑a mmɔ a ya ɔ ma, a danka ee ma a. Chɛ sin mbe bɔ‑a chinchimaya an dɔ, Chisɔsi 'a gbasaya ɔ.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Fiipai Ko A 3:9

mbɛ nn fea ma‑a mɔ dɔndɔɛ a. N ni nn fan Chu n 'na sawa miin bia, an fan ma a ma ni, n ma‑a mɔ tandenɛ a Yataa chen kɔɔ. Chɛɛ min ma‑a, n‑na n kai fa wan Chasi a. Chɛ an‑na a ma dechee, Yataa‑a n ya mɔ tandenɛ a, a chen kɔɔ.

Gboo Fiipai Ko A 4:19

A sin, nyan fen ba chɛ n gbɛɛ Yataa boo ɔ, miin ma gbɔsɔɛ ɛ wo ma, wo e an ma sɔn‑da wan. Chɛ ɛ bɔ‑a koe chɛ an dɔ, Chasi‑a min ma wo ko a. N 'na Yataa, ɛ a ma‑a wan chɛ ni ma.

Gboo Kɔdɔsai Ko A 1:13

A‑a mmɔ bɔ wan ko yama pimbi 'a gbasaya boo ɔ, mbɛ a‑a mmɔ don a faa ma denɛ 'a mansaya kɔɔ yɛdɛn.

1 PITA 2:5

Wo na Chisɔsi tena yɔ senɛ miin mbe fɔɛ ɔ. Wo a ma Yataa ni a 'a chenɛ sɔ wo a. A yɛ to, wo e ma‑a tenchen tɛ mɔɛ n fan na, mɔ gbu n tɛ ɔ Yataa a. Nɔ mu wo e basɔmaya fenɛ n be‑a Yataa ma, ɛ a boo si‑a miin kɔɔ. Chɛ ɛ ma‑a wan, a mu min na, Chisɔsi na‑a a ma wan.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.