Gboo Ɛfisɔsi Ko A 1:22 - Yataa 'a Dɔbɛnɛ Nama

²² Yataa sin gbu, a‑a Chasi chɛ si fen kɔ fen kun ma, chɔchi ko a. A‑a fen kɔ fen don Chasi kɔɔ.

Gboo Ɛfisɔsi Ko A 1:22 ပူးပေါင်းရင်းမြစ်များ

MATIU 16:18

I tɔɛ ma sien mu Pita, min fasaien mu, faa gbanɛ a. Mɔɛ miin mbe an kai fa‑a n na, an mbe ma‑a wan yɔ chenɛ. N ni a ma din i tena, mbɛ n sin mbe chen chɛ sɔ‑a faa gban chɛ an ma. Gbasaya kan kɔ kan mbe ee ma‑a saya boo ɔ chen chɛ kun ma.

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

GBOO SAA KƆYINDI KO A 11:3

Chɛɛ n toen mu wo ni a ɔ gbɛ, mbɛ musu kan kɔ kan kun ti mu a chɛɛ an na. Mɔ gbu kan kɔ kan sin dunya ɔ, a kun ti mu Chasi an na. Chasi sin kun ti mu Yataa an na.

Gboo Ɛfisɔsi Ko A 3:21

Mmɔ wɛn mbe chɔchi ɔ, miin mu mɔ dɔndɔɛ a, mmɔ bɛ Chisɔsi Chasi a, mmɔ Yataa tando tima ɔ tima ko a, kuɔ fɔ ni kuɔ fɔ ko a. A ni ma ka.

Gboo Ɛfisɔsi Ko A 5:23

Koe min na mu, gbasaya ɛ wan mɔ kaima boo ɔ, a 'a musu kun ma, yɔ gbasaya ɛ buɛ min dɔ Chasi boo ɔ, chɔchi kun ma. Chasi wandi gbu sin, an mbe mɔɛ n gbɛɛ baun chɔchi ɔ, miin maen mu yɔ a gboo wandi.

Gboo Kɔdɔsai Ko A 1:18

Chisɔsi Chasi an mu chɔchi kun ti a. Chɔchi mu a gboo an na. A wan mbe fɔɛ be a 'a mɔɛ n ma. Koe min na mu, Yataa‑a a pɛn kɔɔ sɔ, a ka saya ɔ, min mbe a ma, a ni ma gbasaya tɔɛ a fen kɔ fen kun ma.

Gboo Kɔdɔsai Ko A 1:8

A sin‑na a ɔ yian nn na, Yataa Nyina‑a a ma buɛ min dɔ, koadia ɛ wo faa ɔ.

Gboo Kɔdɔsai Ko A 2:10

A wan mu mansa a, mansa kan kɔ kan ko a, maeka kan kɔ kan ko a, ni nyina kan kɔ kan ko a. A sin, wo wɛɛ, wo fɔɛ da fa‑a gban, koe min na mu, wo ma‑a gbɛ mɔ dɔndɔɛ a, wo bɛ Chasi a.

Gboo Kɔdɔsai Ko A 2:19

An mbe ee Chasi bia‑a an boo fea a, a wɛn mu mmɔ kun ti a. Chasi an mbe na a 'a mɔɛ n gbɛɛ a kaina dɔndɔɛ. Ɛ wan dechee yɔ mɔ gbu gboo, ni a sɔna nu, an gbɛɛ‑a tun tunden mu buɛ min dɔ. Fasa mɛsɛ chɛ nu, miin mbe an dɔ, an tɛ ma tɛ ni, a sin an mbe wai chɛ kuiɛ dɔndɔya an dɔ. An mbe koa wan, yɔ Yataa toen mu an ni koa buɛ min dɔ.

1 TIMOTI 3:15

ni n ma fua ni na‑a, gboo nyɛnden chɛ, ɛ a ɔ yian‑da wan i a, mɔɛ ɛ tachɛ buɛ min dɔ, Yataa 'a mɔɛ n tɛ ɔ. An mu chɔchi an na, Yataa, min mbe ee fa kuɔ fɔ ko a, a waa a, Chisian danaya kuu si tena, ni a kɔɔ sɔ kɔnɛ.

GBOO IBU MƆƐ N KO A 2:8

A sin, i‑a gbasaya be wan a ma, fen kɔ fen kun ma dunya ɔ.” Yataa‑a gbasaya sin be kɛn a ma, fen kɔ fen kun ma, Yataa wɛɛ‑a fen kɔ fen don fan a 'a gbasaya kɔɔ. Chɛɛ koe n mbe buɛ min dɔ, mmɔ ma a ɔ yen nin bɛ, fen kɔ fen dondenɛ ni ma a kɔɔ.