Gboo Ɛfisɔsi Ko A 1:20 - Yataa 'a Dɔbɛnɛ Nama

²⁰ a‑a a kun tɛ Chasi an dɔ, kɛn a‑a a kɔɔ sɔ, a ka saya ɔ. Mbɛ a‑a a ma, a‑a a si kaina ma bɛndenɛ banda bu ɔ, a boo nyima ɔ.

Gboo Ɛfisɔsi Ko A 1:20 ပူးပေါင်းရင်းမြစ်များ

MATIU 26:64

Mbɛ Chisɔsi ɔ, “I‑a an fɔ ka. Chɛɛ n ni a ma din wo tena, mbɛ a ka sanche ma aan a ta, n fan, Mɔ Gbu 'a Denɛ, wo e n yen‑da wan si ɔ kaina ma bɛndenɛ Yataa boo nyima ɔ, gbasaya ɔ. A sin, wo e n yen‑da wan na‑a, banda a dugbu ɔ.”

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

MAKI 14:62

Mbɛ Chisɔsi ɔ, “N fan nɛ. A sin, n fan, Mɔ Gbu 'a Denɛ, wo e n yen‑da wan, n mbe si ɔ kaina ma bɛndenɛ Yataa boo nyima ɔ, gbasaya ɔ. A sin to, wo e n yen‑da wan na‑a, banda a dugbu ɔ.”

MAKI 16:19

Mbɛ Mansa Chisɔsi ban‑da kɛn koɔ‑a a fɛ den chɛ n tena, Yataa‑a a ya wan, a sɛ banda bu ɔ, mbɛ Chisɔsi si‑a a boo nyima ɔ.

CHƆN 10:18

Mɔ ɔ mɔ ee kun a ni n fɔɛ ya n sun da a. Chɛɛ n fandi gbu, n fan mbe n fɔɛ be‑a. Gbasaya been mu n fandi an ma, n fandi fɔɛ be koe a, an ni n fa. A gbasaya chɛ ɛ to n fandi an boo ɔ, a ma koe a to, n ni yɛ fɔɛ ɔ. Fa na‑a a fɔ ka wan n ye, a ma koe a.”

CHƆN 10:30

Nn fea Fa a, mɔ dɔndɔɛ mu nn na.”

CHISƆSI 'A SƆ MƆƐ NU 10:40

Chɛɛ Yataa‑a a kɔɔ sɔ wan, a ka saya ɔ, tee sawan bɔɛ ma, mbɛ a‑a a ma, a bɔ‑a mɔɛ n ya a.

CHISƆSI 'A SƆ MƆƐ NU 26:8

Wo wan, wo e a ya tena wan, mbɛ a ee che ma‑a, wo ni dan chɛ a, mbɛ Yataa ɛ mɔɛ kɔɔ sɔ wan, a ka saya ɔ. Fen mu, wo e wo yii na chii tena ka?

CHISƆSI 'A SƆ MƆƐ NU 4:10

Nn mbe a ɔ yian‑da wan gbɛ wo a, a basan mɔɛ tɔɛ n gbɛɛ a Isɔɛɛ chɛnyɛ ɔ, kamin chɛ ɛ sɔ ɔ nɛ, mɔɛ min 'na gbasaya ɔ. Nasaɛti duu ɔ mɔɛ chɛ mu, Chisɔsi Chasi, wo‑a min gbangban kɔn gbengbandenɛ ma, mbɛ a fa‑a. Chɛɛ Yataa‑a Chisɔsi kɔɔ sɔ wan, a ka saya ɔ. An Chisɔsi Chasi chɛ 'a gbasaya ɔ mu kamin chɛ, wo e ka min yen tena, a‑a bauncha ma sɔn.

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

GBOO DOMI KO A 1:4

Chɛɛ Yataa Nyina‑a a ɔ yian fan gbasaya wandi ɔ, mbɛ Chisɔsi mu to Yataa 'a denɛ an na. A‑a a ma wan, mmɔ 'a mansa Chisɔsi Chasi‑a a kɔɔ sɔ a ka saya ɔ.

GBOO DOMI KO A 8:34

Mɔ ɔ mɔ ee nɔ min mbe kaa a tɛ, a si an mɔɛ chɛ n tɔɔya koe ma. Chisɔsi Chasi an fa‑a mmɔ ko a, chɛ ma, an kɔɔ sɔ‑a a ka saya ɔ, mbɛ a yɛ‑a to fɔɛ ɔ. A sin, ɛ si ɔ kaina ma bɛndenɛ Yataa boo nyima ɔ. Ɛ wan tun koɔ‑a Yataa tena mmɔ ko a.

Gboo Ɛfisɔsi Ko A 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. A wan Yataa, a‑a mmɔ dua wan dua chɛ n gbɛɛ a, miin mbe banda bu ɔ. A‑a chɛ ma, koe min na mu, mmɔ ma‑a mɔ dɔndɔɛ a, mmɔ bɛ Chasi a.

Gboo Fiipai Ko A 3:10

N toen mu, n ni Chisɔsi sɔn, n ni gbasaya chɛ a tisɔn, Yataa‑a min ya, a‑a Chisɔsi kɔɔ sɔ, a ka saya ɔ. N toen mu to, n ni tɔɔya chɛ sima ɔ bia, a‑a min dɔ bia, n ni ma yɔ a wan, a 'a saya ta fɛ chia a.

Gboo Kɔdɔsai Ko A 1:16

Yataa‑a a gbu ma, fenɛ tɔɛ gbɛɛ n na dan‑da, banda bu ɔ ni dunya chɛ ɔ, Chasi chɛ an boo ɔ. Mmɔ ɛ fenɛ miin yen, ni mmɔ ee miin yen. A yɛ to, nyina yama n ya ɔ sɔɛ wɛɛ, ni maeka n ya ɔ sɔɛ. Fen kɔ fen, an na dan‑da Chisɔsi boo ɔ wan, a sin fan ko a mu.

Gboo Kɔdɔsai Ko A 3:1

Tima min na Yataa‑a Chasi a yɛ to fɔɛ ɔ, a‑a a ma wan, wo wɛɛ‑a fɔɛ nama ma sɔn. Chɛ an‑na a fɔ, wo to fen chɛ n na, Yataa‑a miin sa tena ɔ bɛn wo ko a banda bu ɔ. Chasi ɛ nɔ wan si ɔ kaina a ma bɛndenɛ, Yataa boo nyima ɔ.

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

GBOO IBU MƆƐ N KO A 10:12

Chɛɛ Chasi tana, a na‑a a wandi be dɔndɔɛ min chɛ ka, a ma‑a wan yasi a mmɔ 'a ko yama n ko a, tima ɔ tima ko a. A na‑a a sin ma kɛn, a si‑a wan kaina ma bɛndenɛ Yataa boo nyima ɔ.

GBOO IBU MƆƐ N KO A 13:20

Yataa‑a a ma wan, mmɔ 'a mansa Chisɔsi‑a a kɔɔ sɔ, a ka saya ɔ. Mmɔ ɛ wan gbɛ yɔ sa nu, Chisɔsi ɛ miin kun ma fɛn. A‑a a wandi wii a bɔn fan, mmɔ ko a. Chɛ sin ma‑a wan dɔbɛn nama a, min mbe ma‑a kuɔ fɔ ko a. Chisɔsi wii chɛ 'a gbasaya ɔ, Yataa min mbe faa chima be,

GBOO IBU MƆƐ N KO A 2:9

Chɛɛ mmɔ‑a a ɔ sɔn fan Chisɔsi ɛ gbɛ buɛ min dɔ. Tima ɛnden ko a, Yataa na‑a a don fan maeka n 'na gbasaya kɔɔ. A na‑a a ma wan mansa a, tando ɛ min ma, a basan basɔmaya a. Chɛ ma‑a, a mu min na, a na‑a tɔɔ wan saya ɔ. Chɛ ko a, Yataa 'a koadia demanɛ ni a ma, a ni saya ɔ yen mɔɛ gbɛɛ ko a.

1 PITA 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. Koe min na mu, a chinchin‑da wan mmɔ ma a ɔ benden ba a. Chɛ‑a a ma wan, mmɔ‑a fɔɛ nama ma sɔn. Chisɔsi Chasi na‑a a kɔɔ sɔ wan a ka saya ɔ. Chɛ naen mu gbɛ yiinatɛ ɔ benden ba an na mmɔ tena.

KO Ɔ NUNDENƐ 1:17

N‑na a yen kɛn, mbɛ n bea‑a a chen kɔɔ susu gbuu yɔ su. Chɛɛ a‑a a boo nyima bun n ma, a ɔ, “Sɛmbɛ chian koe a. N fan mbe a ma fen fen mbe a kuu sɔ, n fan mbe a ma to fen fen mbe danka.”