Gboo Ɛfisɔsi Ko A 1:18 - Yataa 'a Dɔbɛnɛ Nama

¹⁸ N mbe samunɛ chɛ tena to, Yataa ni a ma, wo ni a 'a manɛ yen, a ɔ sɔn koe a, fen chɛndɛ miin mbe a boo ɔ wo ko a. Wo wan, a‑a wo wɛn chee, ma koe a a ta mɔɛ n na. N mbe samunɛ chɛ tena to, wo ni a ɔ sɔn to, mbɛ wo too ɔ diaen mu dua miin na, an koo kaka.

Gboo Ɛfisɔsi Ko A 1:18 ပူးပေါင်းရင်းမြစ်များ

MATIU 13:15

A ɔ, koe min na mu, mɔɛ mu wo a, wo ma ma bɛn ni ko ɔ ko ɔ yen koe a. A ɔ, wo ma ma bɛn ni a ɔ gbɛ koe wɛɛ a, a sin wo too ɔ gbɛ kaka. A ɔ, ni chɛ ma, wo ni koe n dɔ yen‑da wan, wo ni koe n dɔ gbɛ, wo sin too ɔ nii gbɛ‑a ka. A ɔ, chɛ ni a ma‑a wan, wo ni wo ya a mun a ma, mbɛ a sin, a ni wo baun‑da wan.’ ”

MAKI 10:17

Chisɔsi‑a a kuu sɔ kɛn ta‑a, a bɔ an kaina chɛ, kamin dɔndɔ na‑a bui chɛ‑a, mbɛ a bea‑a a chen kɔɔ. Mbɛ a ɔ, “Ticha, i wɛn mu mɔ chɛndɛ a, n mbe fen ma, n ni kuɔ fɔ fɔɛ ma sɔn?”

DUKU 24:45

A‑a a ma wan, an‑na Yataa 'a gboo ɔ gbɛ chɛndɛ chɛ.

CHISƆSI 'A SƆ MƆƐ NU 16:14

Musu dɔndɔ an tɛ ɔ, min‑na a too ma sɔ nn ma, a tɔ ni Didia. A ka‑a Tiyatiya duu ɔ wan. A ni koa baa gbanden ba an ma tachɛ. Musu ni a a, min ni Yataa fai kaka. A ni kɛn a too ma sɔ tena nn ma, Mansa Yataa‑a a ma wan, a‑a a faa be bai chɛ ko a, Pɔɔ ni ka min fɔ‑a.

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

GBOO DOMI KO A 11:29

Koe min na mu, ni Yataa ban‑da a boo sɔ‑a mɔɛ miin ma, a ban‑da a sɔ‑a an ma. Ni a‑a mɔɛ miin dua, a ban‑da an dua‑a. A ee a da a kuiɛ yɔn.

GBOO DOMI KO A 2:4

Wo e Yataa wakoe bia tena baa baa an na, koe min na mu, a chinchinden mu wo ma. A faa ma gbandi wo tɔɔya koe a a ya kɔɔɛ a, a sin mbe a faa bia wan wo a tima sɛsɛ ko a. A nyin wo ni a ɔ sɔn, mbɛ Yataa ɛ chinchin tena wan wo ma. Koe min na mu, ɛ chia yian tena wan wo a faachima ɔ, wo ni wo kan kɔ sɔ wo 'a ko yama n na.

GBOO FEAN BƆƐ KƆYINDI KO A 4:4

An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

Gboo Kadesia Ko A 5:5

Koe min na mu, mmɔ tana, Yataa Nyina 'a gbasaya ɔ, yiinatɛ ɛ ka mmɔ wɛn dɔ, mbɛ Yataa ɛ mmɔ ya wan mɔ tandenɛ n na, a tena. Mmɔ kai faenɛ ɛ Chasi a, mbɛ chɛ ɛ ma‑a wan.

Gboo Ɛfisɔsi Ko A 1:11

Nn ma min chɛ‑a mɔ dɔndɔɛ a, nn bɛ Chasi a, an fɛ mu Yataa‑a a boo sɔ nn ma gbɔɔ, min mbe a ma, nn ni ma tenchen a ko a. Koe min na mu, a toen ni chɛ an ni ma, a sin‑na chɛ an dɔ bɛn. A sin, kan kɔ kan, ɛ a ma wan, yɔ a‑a a ɔ bɛn buɛ min dɔ.

Gboo Ɛfisɔsi Ko A 1:7

Mmɔ mu mɔ dɔndɔɛ a, mmɔ bɛ Chasi chɛ an na. A na‑a mmɔ kun ka wan, a wii chɛ a min bɔ‑a, a fa tima a. Yataa‑a a boo bɔ wan mmɔ 'a ko yama n dɔ. Yataa 'a koadia demanɛ da a ko gba.

Gboo Ɛfisɔsi Ko A 2:12

Chɛ ni ma wo yii ma, mbɛ a tima chɛ a, wo tɛ duen fan ni wo bɛ Chisɔsi Chasi a. A yɛ to, wo kaen fan ni mɔɛ tɔɛ n kaa a, a bɔ kuiɛ dɔndɔya dɔbɛn chɛ ɔ Isɔɛɛ mɔɛ n tɛ. A sin, wo ma‑a sonda n na, dɔbɛn nama chɛ kɔɔ, Yataa‑a Isɔɛɛ mɔɛ n too ɔ dia min na. Yataa ee wo boo ɔ, dunya chɛ ɔ, wo sin yii na ma tɛ ni fen kɔ fen ma.

Gboo Ɛfisɔsi Ko A 3:16

Dua sɛsɛ ɛ wan a boo ɔ, banda bu ɔ. A sin, n mbe samunɛ chɛ tena, a ni a ma wo ɔ ni gbɛa, wo 'a danaya ɔ. Chɛ ni ma, Yataa Nyina 'a gbasaya ɔ

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

Gboo Ɛfisɔsi Ko A 4:4

Mmɔ gbɛɛ, mmɔ dɔndɔɛ mu mmɔ a, yɔ Chasi gboo ɛ buɛ min dɔ. Koe min na mu, Yataa Nyina, min mbe mmɔ fɛ, ɛ dɔndɔ gbe. Ɛ ka wan dechee, yɔ yiinatɛ chɛ wɛɛ, Yataa‑a mmɔ chee min ko a, a sin mbe mmɔ ɔ.

Gboo Ɛfisɔsi Ko A 5:8

Koe min na mu, wo ni wan tee pimbi ɔ, chɛɛ sanche gbɛ wo e wan manɛ kɔɔ. Koe min na mu, wo ma‑a mɔ dɔndɔɛ a Mansa Chisɔsi a. A nyin wo tachɛ buɛ ni bɔ mɔɛ n na, miin mbe manɛ kɔɔ.

Gboo Fiipai Ko A 3:14

N mbe n fɔsɔ tena, ya ɔ ma an ko a, n ni tɔnɔnɛ chɛ ma sɔn. Mɔɛ min fea Chisɔsi Chasi a, an ma‑a mɔ dɔndɔɛ a, ɛ tɔnɔnɛ min ma sɔn, ni Yataa‑a an mɔɛ chee banda bu ɔ.

Gboo Kɔdɔsai Ko A 1:12

Nn mbe Yataa wai bɔ tena tima ɔ tima, tɔnɔnɛ chɛ n bɛɛ ma sɔn koe a, a‑a miin be koe fɔ a ta mɔɛ n ma, miin mbe a 'a manɛ kɔɔ. A wan Yataa dɔndɔ gbe, an mbe a gbasaya be wo ma, an ma sɔn koe a.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Kɔdɔsai Ko A 1:27

Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.

Gboo Kɔdɔsai Ko A 1:5

Wo e chɛ ma, a mu min na, wo yii na tɛenɛ mu koe chɛ an ma, Yataa‑a min sa tena ɔ bɛn wo ya ɔ banda bu ɔ. Tea bai chɛ, min mu sakana bai chɛndɛ a, a‑a a fo kɛn wo ma tima saa saa ko a, wo‑a a a min fan, ɛ na yiinatɛ min na.

Gboo Kɔdɔsai Ko A 2:2

N‑na chɛ ma, min mbe a ma, wo wan, ni an fan, wo gbɛɛ ni wo faa gbɛa, mbɛ wo ko a dia‑a wo nyɔn ye, wo ni ma kuiɛ dɔndɔya ɔ. Chɛ ɛ a ma‑a wan, yiinatɛ chenama ni ma wo ɔ, koe ɔ gbɛ koe a chɛndɛ, ɛ na min na. An chia chɛ a mu, wo e Chasi wakoe ɔ gbɛ, min mu Yataa 'a koe ɔ nundenɛ a tee.

Gboo Kɔdɔsai Ko A 3:15

Chasi ɛ faachima min be, a ni ma wo faa ɔ wo nyɔn ko a. Koe min na mu, Yataa‑a wo chee kaina dɔndɔɛ faachima chɛ an ko a, yɔ mɔ gbu sɔna n mbe buɛ min dɔ an nyɔn boo ɔ. A sin nyin wo ni Yataa wai bɔ tima ɔ tima.

Gboo Saa Tɛsadonika Ko A 2:12

Nn‑na wo nande wan, nn‑na wo bu ɔ dia. Nn‑na a ma din fan wo tena, mbɛ wo ni ma fɔɛ ɔ, min na di Yataa ye. A wan mbe wo chee tena, ma koe a a 'a mansaya kɔɔ, manɛ ɔ.

Gboo Saa Tɛsadonika Ko A 5:8

Chɛɛ mmɔ tana, tee kɔɔ mɔɛ mu mmɔ a, mmɔ yiima sien fan mu chidi. Mmɔ kai faenɛ ni ma Yataa a, mmɔ ni to mɔ dɔ mende n na. Chɛ ni mmɔ konde gbain, yɔ a 'a chɛɛ chɛ doma an mbe mmɔ ma. Yiinatɛ ni ma mmɔ ɔ, mbɛ bauncha ɛ wan mmɔ ko a. Chɛ ni ma chɛɛ chɛ banfua a mmɔ kun na.

GBOO FEAN BƆƐ TƐSADONIKA KO A 1:11

Chɛ an fɛ mu, nn mbe samunɛ chɛ wo ko a tima ɔ tima ko a. Nn mbe mmɔ 'a Yataa fai tena, min mbe a ma, wo ni kun ma koe a fɔɛ chɛ ɔ, a‑a wo chee ma koe a min dɔ. A ni a ma, a 'a gbasaya ɔ, wo ni che wo faa ma koe chɛndɛ gbɛɛ ma‑a. A yɛ to, wo kai faenɛ min chɛenɛ ɛ Chisɔsi a, a ni a ma wo ni koe gbɛɛ ma, wo e min ma.

GBOO FEAN BƆƐ TƐSADONIKA KO A 2:16

Nn mbe samunɛ chɛ tena, Mansa Chisɔsi Chasi tena, an fea mmɔ Fa Yataa a, min toen mu mmɔ a. A sin, ɛ mmɔ faa ma nande tima ɔ tima ko a. Koe min na mu, a 'a koadia demanɛ, a ma mmɔ a bea ni kuɔ fɔ. A sin, a na‑a yiinatɛ be wan mmɔ ma chɛndɛ chɛ.

1 TIMOTI 6:12

Butuinɛ chɛ i 'a danaya ko a Chisɔsi a, butuin chɛndɛ an nɛ. I che‑a wan kuɔ fɔ fɔɛ ma sɔn‑da. I sin‑na a fɔ wan den mɔ sɛsɛ ya kɔ, mbɛ i‑a i kai fa Chisɔsi Chasi a. Kuɔ fɔ fɔɛ chɛ bia i boo fea a.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

TAITƆSI 3:7

Yataa‑a chɛ ma, min mbe a ma, a ni mmɔ sɔ chia ma kuɔ fɔ fɔɛ ma sɔn koe a. Koe min na mu, a 'a koadia demanɛ ɔ, a‑a mmɔ ya mmɔ tandenɛ n na a tena.

GBOO IBU MƆƐ N KO A 10:32

Chɛɛ wo wo yii na chii koe miin na‑a si wo a, a saa a, tima min na wo na‑a manɛ ma sɔn, a si Chisɔsi ma. A tima chɛ a, wo na‑a tɔɔya ɔ gbɛama ɔ bia wan.

GBOO IBU MƆƐ N KO A 6:4

Mɔɛ dɔ nu, an ni wan tima dɔndɔ a pimbi ɔ, mbɛ Yataa‑a manɛ be an ma. An na‑a tɔnɔnɛ ma sɔn fan Yataa a, a sin, Yataa Nyina ni wan an bɛɛ fɛ. Mbɛ Yataa 'a bai, ɛ na ko chɛndɛ miin bɛɛ a, an‑na an bɛɛ sima ma fɛn. Fɔɛ chɛ wɛɛ, min mbe ya ɔ ma, gbasaya min mbe a ɔ, an‑na a wɛɛ ma fɛn fan. Chɛɛ chɛ gbɛɛ ɔ, an ka‑a Chasi fɛ. A yɛ to, an mbe da mau koe n sɛ‑a Yataa 'a denɛ ma, fanka ɔ, an mbe a fa‑a to kɔn gbengbandenɛ ma. Chɛ an fɛ mu, chia ee che to sa‑a an ko a, gba fean bɔɛ ɔ, yɛ koe a to Yataa tena.

1 PITA 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. Koe min na mu, a chinchin‑da wan mmɔ ma a ɔ benden ba a. Chɛ‑a a ma wan, mmɔ‑a fɔɛ nama ma sɔn. Chisɔsi Chasi na‑a a kɔɔ sɔ wan a ka saya ɔ. Chɛ naen mu gbɛ yiinatɛ ɔ benden ba an na mmɔ tena.

1 PITA 3:9

Wo ma ko yama a yɛ ko yama ko a. A yɛ to, wo ma mainɛ a yɛ mainɛ ko a. Chɛɛ dua an ni ma wo da ɔ. Koe min na mu, Yataa‑a wo chee tima min na, a na‑a wo too ɔ dia wan, mbɛ dua an ni ma wo ta a.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.