Gboo Ɛfisɔsi Ko A 1:17 - Yataa 'a Dɔbɛnɛ Nama

¹⁷ N dɔ, mmɔ 'a mansa Chisɔsi Chasi 'a Yataa a, mmɔ fa min kamayaen mu, a ni a Nyina a yii ma koe a wo fɛ. An Nyina chɛ ni a ma, wo ni yiimatɛ wa ma sɔn, koe n dɔ gbɛ koe a chɛndɛ chɛ. A yɛ to, koe miin dɔ nundenɛ ɛ, a si a ma, wo ni an dɔ gbɛ.

Gboo Ɛfisɔsi Ko A 1:17 ပူးပေါင်းရင်းမြစ်များ

MATIU 11:25

A tima chɛ a, Chisɔsi‑a a fɔ, a ɔ, “Fa, n‑na i wai bɔ, i wɛn mu mansa a banda bu ɔ ni dunya ɔ. A mu min na, i‑a koe chɛ n dɔ nun fan chɛ nu ma, ɛ miin ta yiima ɔ, mbɛ an dɔ sɔen mu. Chɛɛ i‑a an dɔ yian fan chɛ n na, miin‑na an fandi a yii i tena.

MATIU 11:27

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma ko ɔ ko kun ma. Fa dɔndɔ gbe an‑na n sɔn chɛndɛ chɛ. N bɛɛ n dɔndɔ gbe an‑na Fa sɔn chɛndɛ chɛ. N‑na mɔɛ miin ya Fa sɔn koe a, an bɛɛ‑a a sɔn fan chɛndɛ chɛ.

MATIU 16:17

Mbɛ Chisɔsi ɔ, “I duaen ba mu, Saimɔn, Chɔn 'na denɛ. A mu min na, mɔ gbu an ma koe chɛ ɔ yian ni i a. Fa min mbe banda bu ɔ, an‑na a ɔ yian i a.

MATIU 20:33

Mbɛ an dɔ, “Mansa, a ma nn ya a ni ka.”

MATIU 6:13

I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”

DUKU 12:12

A mu min na, Yataa Nyina ɛ wo kan‑da wan a tima chɛ a, wo e bai min fɔ‑a.”

DUKU 2:14

“Tando ni be Yataa ma, min mbe banda bu ɔ pɔɔ, a sin, faachima ni ma mɔ gbu n ma dunya ɔ, Yataa ɛ ko chɛndɛ ma‑a miin na.”

DUKU 21:15

Koe min na mu, n mbe bai n don‑da wan wo da a, mbɛ n‑na yiimatɛ be wo ma. Ni wo‑a bai kan kɔ kan fɔ, wo chɛɛ ma nyɔɛ n mbe ee che‑a kɔɔsa bia chɛ‑a a ma.

CHƆN 14:17

An Nyina chɛ, an mbe a ma, mɔɛ n ni tea ɔ sɔn a si Yataa ma. Chɛɛ Yataa wakoe ee mɔɛ miin faa ɔ, an mbe ee che an boo si‑a a kɔɔ. Koe min na mu, an mbe ee che a yen‑da, an sin ma a sɔn. Chɛɛ wo tana, wo‑a a sɔn fan, koe min na mu, wo bɛ mu sanche chɛ ɔ, a sin mbe ma‑a wan wo fɛ ya ɔ ma.

CHƆN 14:26

Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.

CHƆN 16:3

Mɔɛ n mbe koe chɛ n ma‑a wan wo a, koe min na mu, an ma Fa Yataa sɔn tee dɔndɔ wɛɛ, chɛ ma, n fandi gbu wɛɛ.

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHƆN 20:17

Mbɛ Chisɔsi ɔ, “Sɛmbɛ n bia koe a, a mu min na, n ma sɛ nin bɛ banda bu ɔ Fa tena. Chɛɛ ta n fɛ denɛ n tena, mbɛ i‑a a ɔ yian an na, mbɛ n mbe yɛ tena Fa tena, min mu wo wɛɛ fa a. A yɛ to, n 'na Yataa mu a a, wo wɛɛ 'a Yataa mu a a.”

CHISƆSI 'A SƆ MƆƐ NU 6:10

Chɛɛ an nii kun an ni sɔ Sitibin 'na yiimatɛ a, koe min na mu, Yataa Nyina ni bai n don fan a da a, a fɔ koe a.

CHISƆSI 'A SƆ MƆƐ NU 7:2

Mbɛ Sitibin dɔ, “N suun ma nyɔɛ nu, fa nu, wo wo too ma sɔ n ma. Mmɔ bemba Ebeami na‑a ka wan Mɛsɔpotemia, a ta‑a Ayan duu ɔ. Chɛɛ a e na to ta‑a, Yataa min benden mu fen kɔ fen ma, a bɔ‑a wan a ya a,

GBOO DOMI KO A 1:28

An gbu sin nii ma to ni, tea yiinachii chɛ koe a, a si Yataa ma. Chɛ ko a, Yataa‑a an to wan nɔ, an ni ma an kun ye, an 'na yiinachii yama chɛ a. Chɛ ɛ a ma wan, an ni koe n ma, miin ma nyin an ma koe a.

GBOO DOMI KO A 15:6

Chɛ ɛ a ma‑a wan, wo yiima ni ma kaina dɔndɔɛ, wo kuiɛ ni ma dɔndɔ, wo ni tando be Yataa ma. A wan mu mmɔ 'a mansa Chisɔsi Chasi fa a, ni a 'a Yataa.

GBOO SAA KƆYINDI KO A 12:8

Mɔɛ dɔndɔɛ ɛ nɔ, Yataa Nyina‑a sakana bai min don a da a, a fɔ koe a mɔɛ n ye, yiimatɛ wa an be a ɔ. Mɔɛ dɔndɔɛ sin, Nyina dɔndɔ chɛ‑a a ma wan, yiimatɛ bai wa, ɛ ma a da a bai ɔ.

GBOO SAA KƆYINDI KO A 14:6

N suun ma nyɔɛ nu Chasi ɔ, ni n na‑a wo tena, n mbe kamaya bai sɛsɛ fɔ‑a, wo ee miin dɔ gbɛ ka dechee, wo ee a tɔnɔnɛ ma sɔn. Wo ee a sima wɛɛ ma sɔn, mɔɔ ni n‑na a tɛnsɛ wo tena, Yataa ɛ min fɔ tena. Chɛ ma, yiima miin mbe a ɔ, chɛ ma, sakana min nyɔn sima mu a a, chɛ ma, kanɛ minan sima mu.

GBOO SAA KƆYINDI KO A 2:10

Chɛɛ Yataa‑a koe chɛ n dɔ yian mmɔ a, a Nyina 'a gbasaya an dɔ, a‑a min na na mmɔ tena. Koe min na mu, Yataa Nyina chɛ ɛ ko ɔ ko kɔɔ gbɛngbɛn fan, a ni ma Yataa yii ma koe wɛɛ a.

GBOO SAA KƆYINDI KO A 2:8

Yiimatɛ an nɛ, min nii an mɔɛ chɛ n dɔndɔ wɛɛ ɔ, mɔɛ chɛ n gbɛɛ, gbasaya ɛ miin boo ɔ dunya chɛ ɔ. Koe min na mu, a ni ma‑a an dɔ, an nii Mansa Chisɔsi fa‑a kɔn gbengbandenɛ ma, a wɛn mbe si ɔ a 'a gbasaya ɔ.

GBOO FEAN BƆƐ KƆYINDI KO A 12:1

N mbe yonka a tun‑da wan a ma. Fen kɔ fen mbe ee wɛɛ ka boo ɔ boo yonka ɔ. Chɛɛ n mbe a a tun‑da wan gbɛ koɔ koe a, a si koe n ma, miin dɔ nunden ni, Mansa Chisɔsi‑a miin dɔ yian n na.

Gboo Ɛfisɔsi Ko A 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. A wan Yataa, a‑a mmɔ dua wan dua chɛ n gbɛɛ a, miin mbe banda bu ɔ. A‑a chɛ ma, koe min na mu, mmɔ ma‑a mɔ dɔndɔɛ a, mmɔ bɛ Chasi a.

Gboo Ɛfisɔsi Ko A 3:5

Suun, koe n fan nɛ, miin dɔ nii yian mɔ gbama n na. Yataa Nyina‑a a ɔ yian fan mɔɛ n na, miin mbe tenchen Yataa ko a. A‑a a ɔ yian Chasi 'a sɔ mɔɛ n na, an bɛ Yataa 'a gbonka chɛ mɔɛ n na.

Gboo Ɛfisɔsi Ko A 4:13

Chɛ an mbe ma‑a, aan mmɔ gbɛɛ ni Yataa 'a denɛ wakoe ɔ gbɛ, mbɛ mmɔ‑a mmɔ kai fa a a, mmɔ ma‑a mɔ dɔndɔɛ a. Mbɛ mmɔ 'a mɔgbuya da fa‑a, a ni che Chasi wandi gbu ta ɔ, a da faenɛ ɛ gban.

Gboo Fiipai Ko A 3:15

Chɛ an fɛ mu, mmɔ wɛn yii kɔɔen mu gbɛ, Chisiancha chɛ ɔ, mmɔ yiima ni ma a buɛ chɛ ɔ. A sin, ni wo yiima ma‑a dama ko ɔ ko ɔ, Yataa ɛ a ma‑a wan wo ni a ɔ sɔn.

2 TIMOTI 2:25

A mu mɔɛ an na, min mbe tima ya, a chɛɛ ma nyɔɛ n gba yama yian koe a an na, a faa chimaenɛ ɔ. Koe min na mu, kɔkɔɛ Yataa ɛ a ma‑a wan, an ni an kan kɔ sɔ an 'na ko yama a, mbɛ an‑na an ya a mun tea ma.

TAITƆSI 1:1

N fan Pɔɔ, n fan mbe ka gboo chɛ nyɛn‑da i tena, i wan Taitɔsi. N 'na denɛ mu gbɛ i a, danaya dɔndɔɛ ɔ Chisɔsi ko a. Yataa 'a wai chɛ mɔɛ mu n na, ni Chisɔsi Chasi 'a sɔ mɔɛ to. A‑a n sɔ, min mbe a ma, Yataa‑a a boo sɔ ka mɔɛ miin ma dan koe a a a, n ni a ma, an ni a 'a tea sakana bai a min. Mbɛ n‑na an sɔ chia chɛndɛ ma, ma koe a Yataa fɔɛ ɔ. Mbɛ an yii na tɛenɛ ɛ ma‑a kuɔ fɔ fɔɛ ma, Yataa min mbe ee fania fɔ, a‑a tooɔdia chɛ min na, a e na to dunya a dan‑da. Mmɔ baun mɔɛ Yataa‑a sakana bai chɛ ɔ yian fan, tima chɛndɛ ma, mbɛ a‑a n sɔ a ɔ yian koe a mɔɛ n na. Mmɔ Fa Yataa, an fea Chisɔsi Chasi a, mmɔ baun mɔɛ, an ni i dua, an ni faachima be i ma.

CHIMISI 2:1

N suun ma nyɔɛ nu Chasi ɔ, wo ma to mɔɛ dɔ n na, a ni ben dɔ n ma. Ni wo‑a chɛ ma, wo ee che a fɔ‑a, mbɛ wo kai faen fan mu mmɔ 'a mansa Chisɔsi Chasi a, min mbe si ɔ a 'a basɔmaya ɔ.

2 PITA 1:3

Chasi 'a gbasaya ɔ, fen kɔ fen been fan mu mmɔ ma, min mbe a ma, mmɔ ni ma mɔɛ n na, Yataa wakoe ɛ miin faa ɔ. Chɛ ɛ ma‑a koe min na, mmɔ ma‑a gbɛ Yataa sɔn mɔɛ n na. A wan Yataa an‑na mmɔ chee a tena. A‑a chɛ ma, min mbe a ma, mmɔ wɛɛ ni a 'a gbasaya ɔ daun. A yɛ to, a 'a ko chɛndɛ ma ni ma mmɔ 'a fɔɛ ɔ.

2 PITA 3:18

Chɛɛ koadia demanɛ, a kun ma ni sa wo tena. A yɛ to, yiima min mbe wo ɔ, a si mmɔ 'a mansa Chisɔsi Chasi ma, mmɔ baun mɔɛ, a kun ma ni sa. Tando ni ma a tɔɛ ma sanche, ni kuɔ fɔ ko a. A ni ma ka.

KO Ɔ NUNDENƐ 7:12

An dɔ, “A ni ma ka. Basɔmaya ɛ be Yataa an ma. An gbasa, a 'a yiimatɛ koo, a sin dɔ gbɛ kaka. Tando ni be a ma, wai bɔɛ ni chɛ a a, kuɔ fɔ, ni kuɔ fɔ ko a.”