Gboo Ɛfisɔsi Ko A 1:15 - Yataa 'a Dɔbɛnɛ Nama

^15-16 Chɛ ko a, n ma sɛmbɛ ni, Yataa wai bɔ koe a wo ko a. Koe min na mu, n‑na a a min wo kai faen mu buɛ min dɔ Mansa Chisɔsi a. A yɛ to, wo toen mu buɛ min dɔ Yataa 'a mɔɛ n gbɛɛ a. N mbe n yii na chii wan wo a, tima ɔ tima, ni n ma‑a samunɛ chɛ‑a.

Gboo Ɛfisɔsi Ko A 1:15 ပူးပေါင်းရင်းမြစ်များ

CHISƆSI 'A SƆ MƆƐ NU 20:21

N‑na dasi gbau gbau be wan Chu mɔɛ n ma, ni miin bɛɛ ma Chu mɔ a, a si an kan kɔ sɔ koe a, an 'na ko yama n na, an ni an ya a mun Yataa ma. A yɛ to, a si an kai fa koe ma mmɔ 'a mansa Chisɔsi a.

GBOO DOMI KO A 1:8

Koe saa mu min na, n mbe Yataa wai bɔ tena wo gbɛɛ ko a, Chisɔsi Chasi 'a gbasaya ɔ. N mbe Yataa wai bɔ tena, koe min na mu, dunya gbɛɛ, an mbe a fɔ tena wan danaya min mbe wo ɔ Chisɔsi Chasi ko a.

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

Gboo Ɛfisɔsi Ko A 1:1

N fan Pɔɔ, n fan mbe gboo chɛ nyɛn tena. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. N fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, wo wɛn mbe a a tun tena wo kai fa koe a Chisɔsi Chasi a, Ɛfisɔsi duu ɔ.

Gboo Ɛfisɔsi Ko A 3:18

Chɛ ɛ a ma‑a wan, wo ni a ɔ gbɛ chɛndɛ chɛ, wo 'a koadia da a koo buɛ min dɔ Chasi faa ɔ. A yɛ to, Yataa 'a mɔɛ tɔɛ n gbɛɛ, an bɛɛ ni a ɔ gbɛ a buɛ chɛ ɔ.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

Gboo Saa Tɛsadonika Ko A 4:9

Tima yayi mu, gboo nyɛn koe a wo tena, a fɔ koe a wo ye, mbɛ wo ni to wo bɔ Chisianɛ n na. Yataa wandi‑a wo kan, wo e kun buɛ min dɔ to koe a wo nyɔn na.

GBOO FEAN BƆƐ TƐSADONIKA KO A 1:3

Nn suun ma nyɔɛ nu Chasi ɔ, nn mbe samunɛ chɛ tena tima ɔ tima wo ko a. A sin nyin fan nn ni a ma ka. Koe min na mu, wo 'a kaifa Chisɔsi a, a ma ɛ munda tena wan kaka. A sin to, koadia ma ɛ munda tena wan wo faa ɔ, wo nyɔn ko a.

1 TIMOTI 1:14

Mmɔ 'a mansa 'a bauncha koadia yii‑a n kun na. Chɛ‑a danaya chɛ wan n dɔ Chisɔsi Chasi ko a, a basan koadia a. Chɛ an mbe ma mmɔ a, ni mmɔ ma‑a mɔ dɔndɔɛ a, mmɔ bɛ Chisɔsi Chasi a.

1 TIMOTI 1:5

Chɛ fɔen mu i ye, min mbe a ma, koadia ni ma nɔ. Koadia min kaen mu faa ɔ gbɛenɛ ɔ, yiima a koenɛ fion, a basan danaya gbau gbau a Yataa a.

FIDEMƆN 1:5

Koe min na mu, n‑na i 'a koadia ma tɔɛ a min, Yataa 'a mɔɛ n gbɛɛ ko a. A yɛ to, i kai faen mu buɛ min dɔ Mansa Chisɔsi a.

GBOO IBU MƆƐ N KO A 6:10

Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 CHƆN 3:17

Mɔ ɔ mɔ min boo cheen mu deman chɛ koe a, a ni a suun ma nyɔɛ deman, min ya kɔɔ tawaen mu. Chɛɛ ni a‑a a faa a kɔɔ a suun ma nyɔɛ chɛ ma, a ee che a fɔ‑a, mbɛ a toen fan mu Yataa a a faa ɔ.

1 CHƆN 4:21

Yataa sin‑na chɛ an fɔ mmɔ ye, a ɔ, mɔ ɔ mɔ, i wɛn mbe to‑a a wan Yataa a, a ɔ, i mɔɛ chɛ ni to i suun ma nyɔɛ wɛɛ a.