Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gboo Ɛfisɔsi Ko A 1:14 - Yataa 'a Dɔbɛnɛ Nama

14 Yataa Nyina ɛ wan mmɔ fɛ. Chɛ ko a, mmɔ yii na tɛenɛ ni ma gbɛ, mbɛ ɛ fen chɛ n be‑a wan mmɔ ma, a‑a mmɔ too ɔ dia miin na. Mmɔ wɛn sin mu ka a ta mɔɛ n na, mmɔ ɛ fen chɛ n ma sɔn‑da wan, tima min‑na, ɛ mmɔ kun ka‑a gbae. Chɛ ɛ a ma‑a wan, Yataa ni tando ma sɔn, basɔmaya wa ɛ a wɛn ma.

အခန်းကိုကြည့်ပါ။ ကော်ပီ




Gboo Ɛfisɔsi Ko A 1:14
18 ပူးပေါင်းရင်းမြစ်များ  

Ni koe chɛ n‑na a kuu sɔ ma‑a, wo wo faa bia, wo yiima diaenɛ ni ma. Koe min na mu, a ɔ ee yansan‑da to, mbɛ Yataa‑a wo kun ka.”


Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.


“Sanche gbɛ, n mbe wo kai fa tena Yataa an na. Wo a a tun dan koe a sakana bai chɛ a, a si Yataa 'a koadia demanɛ chɛ ma wo tena. Ɛ kun fan, a ni a ma, wo 'a danaya n dɔ ni gbɛa. A yɛ to, ɛ kun fan, a ni dua chɛ be wo ma, min mbe Yataa boo ɔ, a 'a mɔɛ n gbɛɛ ko a.


Chɛɛ chɛ ee ma fen chɛ n dechee a, Yataa‑a miin nyan. Mmɔ wɛɛ, Yataa Nyina pɛn be‑a mmɔ ma. Chɛ sin ma‑a wɛɛ ka mmɔ ye, mmɔ ɛ kuun tena wan tun mmɔ faa ɔ. Mmɔ ɛ wan chɛ a, mmɔ ɛ ta‑a Yataa ma kɔn‑da, a ni mmɔ ma fion a 'a denɛ n na, gboo nama ɔ ya ɔ ma.


A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.


A sin fan‑na a boo gba to nn ma, a ɔ yian koe a, mbɛ nn mbe a wan ko a. A Nyina wɛɛ, a‑a a be wan nn ma to ma koe a nn fɛ. A ni a ma, nn ni dan a a, koe miin gbɛɛ a a boo ɔ nn ko a.


Yataa wandi gbu, an‑na a ma, mmɔ ma bɛndenɛ mu koe chɛ a. A sin to, a wan‑na a Nyina be mmɔ ma, a ɔ yian koe a mmɔ a, mbɛ ɛ fen chɛ n gbɛɛ be‑a wan mmɔ ma, miin mbe sa ɔ a boo ɔ mmɔ ko a.


Yataa sin, a‑a a ma wan, a 'a denɛ Nyina, ɛ mmɔ fɛ. A‑a chɛ ma, koe min na mu, a 'a denɛ mu mmɔ a. A 'a denɛ Nyina chɛ sin, ɛ Yataa chee tena wan, a ɔ, “Fa.”


Nn ma min chɛ‑a mɔ dɔndɔɛ a, nn bɛ Chasi a, an fɛ mu Yataa‑a a boo sɔ nn ma gbɔɔ, min mbe a ma, nn ni ma tenchen a ko a. Koe min na mu, a toen ni chɛ an ni ma, a sin‑na chɛ an dɔ bɛn. A sin, kan kɔ kan, ɛ a ma wan, yɔ a‑a a ɔ bɛn buɛ min dɔ.


Nn fan, nn fɛn ma‑a mɔɛ saa n na, nn kai fa koe a Chasi a, Yataa ban‑da gbɛ a boo sɔ‑a nn ma, tando be koe a a ma, basɔmaya wa ɛ a wɛn boo ɔ.


Wo sin ma a ma, Yataa Nyina faa ni yɔn. An mbe a ɔ yian, mbɛ Yataa an ta mu wo a, aan tee chɛ ko a, wo e bauncha ma sɔn‑da tee min ma.


Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ