Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gboo Ɛfisɔsi Ko A 1:13 - Yataa 'a Dɔbɛnɛ Nama

13 A sin, a ma‑a ka wan wo wɛɛ a. Wo wan, wo wɛn‑na sakana bai chɛ a min, tea mu min na, min mbe wo baun. Wo sin‑na wo kai fa wan Chisɔsi Chasi a, mbɛ a‑a Yataa Nyina a na, wo too ɔ dia‑a min na, wo kun ma fɛn koe a.

အခန်းကိုကြည့်ပါ။ ကော်ပီ




Gboo Ɛfisɔsi Ko A 1:13
38 ပူးပေါင်းရင်းမြစ်များ  

Ni wo wɛn sɔnɛ yau ka, ni wo kosan fan fen chɛndɛ n be‑a wo 'a denɛ n ma, mmɔ Fa sin gbɛ, min mbe banda bu ɔ, ɛ fen chɛndɛ be‑a wan wo ma, min benden mu wo ta n ma. Ɛ Yataa Nyina be‑a wan chɛ n ma, miin mbe a ɔ tisa‑a a ko a.”


Mbɛ a yen ko, n mbe a a yii‑a wan wo tena, Fa Yataa na‑a wo too ɔ dia‑a min na. Chɛɛ wo ma ka nɛ Chuusaɛn aan wo ni gbasaya ma sɔn, min mbe ka‑a banda bu ɔ.”


Yataa na‑a a 'a sawa n na ben Mosisi an na, chɛɛ koadia chinchimaya tana, a basan danaya a, mmɔ‑a an ma sɔn Chisɔsi Chasi an na.


Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.


“Chɛɛ min mbe wo deman‑da, n mbe a sɔ‑a wan, a ka Fa tena. Fa Yataa Nyina chɛ, an mbe tea ɔ yian‑da wo a, a si a wandi ma. N mbe a ma‑a wan a ni ka Fa tena, a ni na wo tena. A sin, ɛ n bakoe ɔ yian‑da wan wo a.


Chɛɛ mɔɛ nu, miin mbe an boo si‑a a 'a sakana chɛ kɔɔ, an mbe ma‑a ka a ɔ yian fan na, mbɛ Yataa 'a bai mu tea an na.


Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”


An bɛ ni wan tima dɔndɔ a daun chɛ tena, mbɛ a‑a dasi be an ma, a ɔ, “Wo ma bɔ Chuusaɛn duu ɔ, chɛɛ wo fen chɛ ma kɔn, Fa Yataa‑a wo too ɔ dia min be koe a wo ma. N na‑a a wakoe ɔ yian fan wo a,


“N suun ma nyɔɛ nu, wo wɛn mu Ebeami cheeya n na, ni wo wɛɛ, wo wɛn ma Chu mɔ a, chɛɛ wo wɛn mbe kooya be Yataa ma, wo chɛ a min. Sakana bai chɛ, min mbe na bauncha a, a naen mu mmɔ gbɛɛ an ko a.


Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.


N 'na danaya Yataa 'a sakana bai chɛndɛ chɛ a, a da faenɛ mu gban. Koe min na mu, Yataa 'a gbasaya ɛ wan sakana bai chɛ ɔ. Chia mu an na, Yataa ɛ a 'a mɔɛ n baun min na, a 'a mɔɛ chɛ n gbɛɛ, miin‑na an kai fa Chisɔsi a. A saa mu Chu mɔɛ n fan na, mbɛ chɛ n bɛɛ, miin ma Chu mɔ a, an na‑a an gbaa chia a.


A gbakɔ ni gbɛ, Ebeami a kamincha‑a. A sin, a a kamincha koe chɛ, a ni tɔmɔsi an na, a ɔ yian koe a, mbɛ Yataa na‑a a ya pɛn mɔ tandenɛ a, a a e na to kamincha‑a. Chɛ sin na‑a ma, a ɔ yian koe a, mbɛ mɔɛ miin gbɛɛ an kai fa‑a Yataa a, mbɛ a‑a an ya mɔ tandenɛ n na a chen kɔɔ, an mɔɛ chɛ n mbe ma‑a dechee yɔ Ebeami 'a denɛ nu Yataa ta fɛ chia a. An mbe ma‑a wan ka Ebeami tena, an ni a fɔ an na ma kamincha nin bɛɛ.


Wo ni tee yɔnɛ n fan na, wo 'a ko yama n boo ɔ. Chɛɛ n mbe Yataa wai bɔ wan gbɛ wo ko a. Koe min na mu, wo‑a kooya be wo faa gbɛɛ a, wo‑a a be tea chɛ a min koe a, min mbe kan chɛ ɔ, Yataa‑a wo don kanɛ min kɔɔ.


A sin fan‑na a boo gba to nn ma, a ɔ yian koe a, mbɛ nn mbe a wan ko a. A Nyina wɛɛ, a‑a a be wan nn ma to ma koe a nn fɛ. A ni a ma, nn ni dan a a, koe miin gbɛɛ a a boo ɔ nn ko a.


Sakana bai chɛ wɛɛ, nn mbe min sa, Yataa 'a gbasaya an mbe a ɔ. Chɛɛ chɛ fenɛ miin mbe nn boo nyima a, an mbe to nn manɛ a, an mu nn tan buɛ an na, nn tandenɛ min chɛen mu Yataa tena.


Chɛ ni a ma, Chisɔsi Chasi 'a gbasaya ɔ, Yataa 'a dua min mbe Ebeami ma, a ni ma mɔɛ chɛ n kun ma, miin ma Chu mɔ a. Chɛ an mbe a ma, mmɔ ni kun Yataa Nyina ma sɔn‑da, mmɔ too ɔ dia‑a min ma sɔn koe a, ni mmɔ‑a mmɔ kai fa Chisɔsi Chasi a.


Wo wandi gbu‑a a ɔ sɔn fan, mbɛ an‑na bai sa wan wo tena, a si a ma. A sin, an‑na wo kan fan, wo ma koe a mɔ dɔndɔɛ a, wo bɛ Chasi chɛ a. Tea chɛ sin, sakana chɛndɛ chɛ, ɛ min fɔ, a sien mu a wan Chisɔsi an ma.


Wo sin ma a ma, Yataa Nyina faa ni yɔn. An mbe a ɔ yian, mbɛ Yataa an ta mu wo a, aan tee chɛ ko a, wo e bauncha ma sɔn‑da tee min ma.


Nn mbe Yataa wai bɔ tena ko dɔndɔ an ko a, tima ɔ tima. Nn na‑a a 'a sakana bai chɛ ɔ yian wo a tima min na, wo‑a wo boo si wan a kɔɔ. Wo ma a ya ni da a bai gbama a. Chɛɛ wo‑a a ya, a wan Yataa 'a sakana bai an na. A gbu sin mu an na. A sin mbe wai tena wo a, wo wɛn kai faen mu Chasi a.


Butuin chɛ, min mbe a ma, Yataa faa ni chima i a. I ni ma wai chɛ mɔɛ chɛndɛ a, min mbe ee mau, a wandi gba ma, min mbe Yataa 'a bai kan tena teaya buɛ ɔ.


Chɛɛ Yataa‑a fenɛ min kuu si gban, a ɔ ee ma‑a. A sin, bai chɛ, an nyɛnden mu a si a ma, a ɔ, “Mansa Yataa‑a a ɔ sɔn fan mɔɛ miin mbe a ko a,” a sin to, a ɔ, “Miin mbe a fɔ‑a, mbɛ an mbe Mansa Yataa an ko a, an ni an kan kɔ sɔ an 'na ko yama a.”


A sin, a ni ma i yii ma, mbɛ i‑a bai chɛ kan fan a ka i den mɛsɛ tɔɛ ma, bai chɛ min mbe Yataa 'a gboo ɔ. Chɛ ɛ kun fan a ni yiima be i ma, min mbe che i sɔ‑a chia ma bauncha ma sɔn koe a, min mbe ka danaya ɔ Chisɔsi Chasi a.


Koe min na mu, Yataa‑a a 'a koadia demanɛ ɔ yian, min mbe a ma, mɔ gbu gbɛɛ ni bauncha ma sɔn.


Chɛ mu ka buɛ min dɔ tea a, mmɔ ee kun mmɔ kunɛ ni bɔ tɔɔya ɔ, ni mmɔ‑a mmɔ too ka bauncha wa chɛ ma, Yataa na‑a min chɛ mmɔ a. Mansa Chisɔsi wandi gbu, an na‑a a ɔ yian, Yataa na‑a mmɔ baun chia min na. Mbɛ mɔɛ chɛ n bɛɛ, miin na‑a a da a kuiɛ chɛ a min, an na‑a toa si wan a kɔɔ mmɔ tena.


Yataa wandi gbu ta dɔbɛn chɛndɛ ɔ mu, a‑a mmɔ ya a ta denɛ n na. Yataa‑a a ma wan, a 'a bai, min mu tea a, a‑a fɔɛ nama be mmɔ ma. Chɛ‑a a ma wan, fen fen a na‑a min na dan, mmɔ wan mu a saa a.


Chɛ an fɛ mu, wo ni wo boo bɔ ko yama gbɛɛ ɔ wo 'a fɔɛ ɔ. Wo ni wo boo si a 'a sakana bai chɛ kɔɔ, min been mu wo ma. Bai chɛ, a‑a a kun a ma koe a, wo ni bauncha ma sɔn.


A saa a, Yataa 'a mɔ nii ma wo a. Chɛɛ sanche gbɛ a 'a mɔɛ mu wo a. A saa a, wo nii ma Yataa 'a chinchimaya ɔ sɔn. Chɛɛ sanche gbɛ wo ban‑da a 'a chinchimaya sɔn‑da.


Mbɛ n‑na maeka dɔ gbɛɛ yen, ɛ ka‑a tee bɔ. Fenɛ ni wan a boo a, min mbe nyɛnɛ sa mɔɛ ma. Yataa, min mbe ee fa kuɔ fɔ ko a, an‑na fen chɛ be a ma. Mbɛ a‑a maeka naanin chɛ n chee gbankon, maeka chɛ nu, gbasaya beenɛ ɛ ka miin ma, ko yama ma koe a duu gboo ma, mbɛ an‑na a ma kɔ yii ɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ