Gboo Ɛfisɔsi Ko A 1:10 - Yataa 'a Dɔbɛnɛ Nama

¹⁰ Dɔbɛnɛ an nii nɛ, Yataa ɛ min na ban‑da, ni a tima che‑a. A sin, fen kɔ fen, banda bu ɔ, ni duu gboo ma, na koe mu kaina dɔndɔɛ, mbɛ Chasi ma‑a an kun ma.

Gboo Ɛfisɔsi Ko A 1:10 ပူးပေါင်းရင်းမြစ်များ

MATIU 25:32

A sin, mɔɛ miin gbɛɛ an mbe dunya ma, an na ɛ kan‑da wan n chen kɔɔ. Ni an na kan‑da, n mbe an tɛ du‑a wan fea a, yɔ sɔ fen kun ma fɛn mɔɛ, ɛ sa n tɛ du buɛ min dɔ, an bɛ ba n na.

MAKI 1:15

A‑a a fɔ, a ɔ, “Tima gbu che‑a gbɛ. Ɛnden fan to‑a gbɛ, Yataa ni a 'a mansaya ɔ yian. Wo wo kan kɔ sɔ, wo 'a ko yama n na, wo ni dan sakana bai chɛndɛ chɛ a.”

GBOO SAA KƆYINDI KO A 10:11

Koe chɛ gbɛɛ miin ma‑a ka, an‑na a ɔ yian fan, koe min mbe ma mɔɛ a, ni i wɛɛ i‑a ko dɔndɔ gbe chɛ an ma, mɔɛ chɛ n‑na miin ma. Chɛ an‑na a fɔ, mɔɛ n‑na a nyɛn Yataa 'a gboo ɔ, ma koe a dasi a mmɔ ko a. A mu min na, mmɔ ɛ ka tee min kɔɔ, a ɔ ma yansan to mbɛ dunya ban‑da.

GBOO SAA KƆYINDI KO A 11:3

Chɛɛ n toen mu wo ni a ɔ gbɛ, mbɛ musu kan kɔ kan kun ti mu a chɛɛ an na. Mɔ gbu kan kɔ kan sin dunya ɔ, a kun ti mu Chasi an na. Chasi sin kun ti mu Yataa an na.

Gboo Kadesia Ko A 4:4

Chɛɛ tima che‑a kɛn chɛndɛ chɛ, Yataa‑a a wandi gbu ta denɛ a na wan dunya ɔ. Musu an‑na a bu ya, mbɛ a‑a a suun mɔgbuya chia a. A sin, a ni sawa an kɔɔ, fɔɛ ɔ.

Gboo Ɛfisɔsi Ko A 1:22

Yataa sin gbu, a‑a Chasi chɛ si fen kɔ fen kun ma, chɔchi ko a. A‑a fen kɔ fen don Chasi kɔɔ.

Gboo Ɛfisɔsi Ko A 2:15

a‑a Chu sawa n ka wan an gba n dɔ, ni koe chɛ nu, sawa chɛ ni miin din mɔɛ n ma, an ma koe a. A toen ni, a ni Chu mɔɛ n na gbuu, an bɛ mɔɛ n na, miin ma Chu mɔ a, an ni ma mɔ nama dɔndɔɛ a, a wan Chasi ɔ. Chia chɛ a mu, a na‑a kuiɛ dɔndɔya a an tɛ ɔ.

Gboo Ɛfisɔsi Ko A 3:15

Mmɔ Fa chɛ sin, dambi kan kɔ kan, banda bu ɔ, ni nɛ dunya chɛ ɔ, a wan mbe an sɔnɛ be.

Gboo Ɛfisɔsi Ko A 3:2

Mmɔ a ya wɛ, mbɛ wo‑a a a min fan, Yataa‑a n ma buɛ min dɔ wai chɛ mɔɛ a, a ko a. Wo wan ko a mu, a‑a koadia deman chɛ chɛ n na.

Gboo Kɔdɔsai Ko A 1:16

Yataa‑a a gbu ma, fenɛ tɔɛ gbɛɛ n na dan‑da, banda bu ɔ ni dunya chɛ ɔ, Chasi chɛ an boo ɔ. Mmɔ ɛ fenɛ miin yen, ni mmɔ ee miin yen. A yɛ to, nyina yama n ya ɔ sɔɛ wɛɛ, ni maeka n ya ɔ sɔɛ. Fen kɔ fen, an na dan‑da Chisɔsi boo ɔ wan, a sin fan ko a mu.

Gboo Kɔdɔsai Ko A 1:20

Yataa‑a a ɔ bɛn fan to, fen kɔ fen dunya chɛ ɔ, ni banda bu ɔ, Chisɔsi‑a a ma, an ma‑a a wan Yataa dia nyɔɛ n na. Yataa‑a chɛ ma wii chɛ an dɔ, Chisɔsi‑a min na bɔn kɔn gbengbandenɛ ma.

Gboo Kɔdɔsai Ko A 3:11

Chɛ an fɛ mu, sɔn nama chɛ ɔ, tɛ bɔ kan kɔ kan mbe ee Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin na kaminchaen mu, an bɛ chɛ n na, miin na ma kamincha ni. Tɛ bɔ ee chɛ n bɛɛ ma, miin ka‑a chɛnyɛ dɔ mende n dɔ, a ee yɔnɛ n ma, a ee fia ɔ mɔɛ n ma, an bɛ mɔɛ n na, miin mu mansaenɛ a. Chɛɛ Chasi an mu koe a, a sin mbe wan gbɛ wo gbɛɛ 'a fɔɛ ɔ.

GBOO IBU MƆƐ N KO A 1:2

Chɛɛ mmɔ ɛ ka tee dankama nɛnɛ chɛ miin kɔɔ, dunya e na to ban‑da, a koɔ‑a gbɛ mmɔ tena a 'a denɛ an dɔ. A‑a an yian, ma koe a fen kɔ fen kun ma dunya ɔ. A sin gbu ni dunya gbɛɛ a dan tena tima min na, a na‑a a ma a 'a den chɛ an na gbasaya ɔ.

GBOO IBU MƆƐ N KO A 11:40

Yataa na‑a chɛ ma, koe min na mu, ko dɔ mende an ni a yii ma mmɔ gbɛɛ ko a, min benden mu an too ɔ dia chɛ ma. Yataa 'a yiima ni min na, an ni chɛ an na. Mbɛ an mbe ee che ma‑a, yɔ Yataa toen mu an ni ma buɛ min dɔ, mɔɔ ni mmɔ bɛ ma‑a an na.

GBOO IBU MƆƐ N KO A 9:10

Koe min na mu, chia kɔma chɛ sien ni daun fenɛ n fan bakoe ma. A yɛ to, mɔɛ ma ɛ ko buɛ min dɔ, Chu n 'na sawa ta fɛ chia a. Chɛ n gbɛɛ, sawa gbama n fan nɛ. An ni nɔ dechee aan tima chɛ an ko a, Yataa na‑a a ta dɔbɛn nama chɛ tima min na.

1 PITA 1:20

Yataa e na to dunya chɛ a dan‑da, a na‑a a boo sɔ pɛn Chisɔsi ma, ma koe a ka. Chɛɛ tee dankama tee chɛ nɛnɛ n kɔɔ, Yataa‑a Chisɔsi yian wo deman koe an na.

KO Ɔ NUNDENƐ 5:9

Mbɛ an‑na si nama a bɔ, an dɔ, “Gbasaya bɛnden mu i wan ma, gboo chɛ bia koe a, yuu tɛ koe a a ma. An‑na i wan fa, i 'a saya chɛ sin‑na a ma, i‑a mɔ gbu gbɛɛ kun ka Yataa ko a. Chɛ nu chɛnyɛ kunɛ n dɔ, chɛnyɛ koɛ n dɔ, ni dambi nu, an bɛ mɔ gbu kan kɔ kan na.