DUKU 9:7 - Yataa 'a Dɔbɛnɛ Nama

⁷ Mansa Ɛdɔdi, min ni Kadidi chɛnyɛ kun ma, a‑a koe chɛ n gbɛɛ a min, min ni ma tena gbɛ. A a fii‑a wan, koe min na mu, mɔɛ dɔ n ni wan a fɔ tena, mbɛ Chɔn, min ni yii chɛ mɔɛ n kunɛ ɔ, Yataa chia a, an yɛ‑a ka to fɔɛ ɔ.

DUKU 9:7 ပူးပေါင်းရင်းမြစ်များ

MATIU 11:2

A tima chɛ a, Chɔn min ni yii chɛ mɔɛ n kunɛ ɔ, Yataa chia a, a ni wan pimbi chenɛ a. Chɛɛ a‑a Chisɔsi Chasi ma tɔɛ a min kɛn, a‑a a fɛ denɛ dɔ n na ta wan Chisɔsi tena, min mbe a ma, an ni a wakoe ɔ gbɛ.

MAKI 8:28

Mbɛ an dɔ, “Mɔɛ dɔ n mbe a fɔ tena wan, mbɛ i mu Chɔn fan na, min ni yii chɛ mɔɛ n kunɛ ɔ, Yataa chia a. Dɔ n sin mbe a fɔ wan, mbɛ i mu Yataa 'a gbonka chɛ mɔ dɔndɔ an na suun, min tɔ mu Idaicha. Dɔ n mbe ta‑a a fɔ‑a, an dɔ, Yataa 'a gbonka chɛ mɔɛ dɔ gbɛɛ mu i a.”

DUKU 13:31

A tima dɔndɔ gbe chɛ a, Chu mɔɛ dɔ nu, miin ni Fayisii n na, an na‑a wan Chisɔsi tena, mbɛ an dɔ, “Bɔ nɛ, i ni ta kaina dɔ mende, koe min na mu, Mansa Ɛdɔdi toen mu a ni i fa.”

DUKU 21:25

Chisɔsi ɔ, “Da fii koe n mbe bun‑da wan ma‑a kau a, ni tee, a basan tɔmbuaka n na. Faayɔn ba basan kɔndɔfii wa a, an mbe ma‑a wan chɛnyɛ n dɔ, dunya ma. Chianɛ ɛ ma‑a wan mɔɛ n dɔ, a si yii wa n tu kuiɛ ma, a basan an fonfo yii kuiɛ a.

DUKU 23:7

Mbɛ a‑a a ɔ gbɛ kɛn, mbɛ Chisɔsi ka‑a Mansa Ɛdɔdi 'a chɛnyɛ ɔ wan, a sin, a wan Mansa Ɛdɔdi ni wan Chuusaɛn duu ɔ a tima chɛ a, a‑a Chisɔsi a ta wan a tena.

DUKU 3:1

Chɛ ɔ mɛen gbakɔ, Sakaaya 'a denɛ Chɔn ni gbɛ fuinɛ ma wan, mbɛ Yataa koɔ‑a a tena. Chɛ ɛ ma‑a tima min na, Tibɛyɔsi ni a sanɛ tan kun ma duun bɔɛ an dɔ, Domi kun ti wa ya a. Pɔnchɔsi Padeti an ni kɔfana a Chudia chɛnyɛ ɔ. Kadidi chɛnyɛ sin dɔ kun ti tɔ ni Ɛdɔdi. A kɔɔ Fiipi wɛɛ ni kun ti an na Ituyia chɛnyɛ kun ma, a basan Takonitisi a. Abidini chɛnyɛ kun ti ni Disanyasi an na. Chu n 'na tɛ mɔ wa nu Yataa tena, an ni Anasi n fea n na Kayafasi a.

DUKU 9:19

Mbɛ an dɔ, “Mɔɛ dɔ n mbe a fɔ tena wan, mbɛ i mu Chɔn fan na, min ni yii chɛ mɔɛ n kunɛ ɔ, Yataa chia a. Dɔ n sin mbe a fɔ wan, mbɛ i mu Yataa 'a gbonka chɛ mɔ dɔndɔ an na suun, min tɔ ni Idaicha. Dɔ n sin bɛɛ ɔ te, mbɛ i mu Yataa 'a gbonka chɛ mɔɛ dɔ mende an na, min fa‑a suun, mbɛ a yɛ‑a to fɔɛ ɔ.”