DUKU 9:3 - Yataa 'a Dɔbɛnɛ Nama

³ A yɛ‑a wan to, mbɛ a‑a a fɔ an ye, a ɔ, “Ni wo ma‑a ta‑a, wo ma fen kɔ fen bia wo boo ɔ. Wo ma tungbɔɛ ya, wo ma basachi bia wo boo a, wo ma ta daun fenɛ a wo boo ɔ, wo ma ta kɔpɔ a, n mbe ee baa doma fea ya koe a.

DUKU 9:3 ပူးပေါင်းရင်းမြစ်များ

MAKI 6:7

Mbɛ a‑a a fɛ den tan kun ma fea chɛ n na kan, a‑a an sɔ, fea fea a. A‑a gbasaya be an ma, nyina yama n gbain koe a mɔɛ n fɛ.

DUKU 12:22

Mbɛ Chisɔsi‑a a fɔ a fɛ denɛ n ye, a ɔ, “Chɛ an‑na a fɔ, n ni a ma din wo tena, mbɛ wo ma wo gbɔsɔ wo da daun fenɛ ko a, ma koe a fɔɛ ɔ. N mbe ee baa, wo ni wo gbɔsɔ wo gboo ko a, wo e fen chii.

DUKU 12:28

Yataa an mbe kɔnɛ chɛ n ma chii, kɔnɛ min mu ɛ nɛ bi, mbɛ sinan a tɛ‑a, mbɛ wo‑a a minda. Ni ɛ ka wan, wo ma chii koe a boo ɔ, a mu a ma gbɔsɔɛ an na. Wo 'a danaya ɔ dɔɔ gba.

DUKU 22:35

Mbɛ Chisɔsi‑a a fɔ an ye, a ɔ, “Wo wo yii na chii tima chɛ a, tima min na n na‑a wo sɔ Yataa 'a bai ɔ yian koe a mɔɛ n na. Wo nii ma ta ni kɔpɔ a wo boo ɔ, wo ma ta ni bɔɔ a, a basan kɔɔwa fean bɔɛ wɛɛ a. Fen kɔ fen ma gbɔsɔɛ‑a wo bia wan a tima chɛ a?” Mbɛ an dɔ, “Fen kɔ fen ma gbɔsɔɛ ma nn bia ni.”

DUKU 3:11

Mbɛ Chɔn dɔ an ma, “Doma fea ɛ mɔɛ min boo ɔ, a ni dɔndɔ be a bɔɛ ma, a ee min boo ɔ. Mbɛ mɔ ɔ mɔ daun fenɛ koo min boo ɔ, a ni a du an fea a bɔɛ a.”

DUKU 5:29

Mbɛ Difai‑a daun chɛ bɛn ba ɔ bɛn fan a 'a chenɛ a, Chisɔsi ko a. Pawa kain mɔ sɛsɛ ni wan nɔ, ni mɔ dɔ mende nu, an bɛn chɛ ɔ, an gbɛɛ mbe si ɔ daun chɛ a, an bɛ Chisɔsi n na.

DUKU 9:4

Ni an‑na wo yia chen kan kɔ kan na, wo ma an chen chɛ an na aan, wo ni bɔ an duu chɛ ɔ.

2 TIMOTI 2:4

Mɔ ɔ mɔ min mbe soya ɔ, a ma bɛnden mu tima ɔ tima don koe an na ya ɔ sɔɛ da a kuiɛ kɔɔ. A ee a boo chɛ koe n dɔ, mɔ gbama n mbe miin ma.