DUKU 9:2 - Yataa 'a Dɔbɛnɛ Nama

² Mbɛ a‑a an sɔ Yataa 'a mansaya ɔ yian koe a kan kɔ kan mɔɛ n na, a basan gbandi mɔɛ n baun koe a.

DUKU 9:2 ပူးပေါင်းရင်းမြစ်များ

MATIU 10:5

A fɛ den tan kun ma fea chɛ nu, Chisɔsi‑a an sɔ wan ta koe a, a 'a wai chɛ koe a. A‑a an na si wan, a ɔ, “Wo ta Chu mɔɛ n tena, an fan maen mu yɔ sa nu, miin chen gba ɔ chɛenɛ ɛ an ti n ma, koe min na mu, an‑na an kan kɔ sɔ Yataa a. Wo ma ta kaina, Chu mɔɛ n mbe ee kaina. A yɛ to, wo ma ta Samayia duu n dɔ.

MATIU 13:19

Mɔɛ dɔ n mbe wan yɔ chia kuu a duu gboo chɛ, chin fen kuu n bea‑a min ma. Ni an‑na Yataa 'a sakana bai a min, a si a 'a mansaya ma, an mbe ee a ɔ gbɛ chɛndɛ chɛ. Mbɛ an nyina yama chɛ, Sitana, a na‑a a ya kɔɔɛ a, a‑a bai chɛ bɔ an yiima ɔ.

MATIU 24:14

Mbɛ a sin, sakana bai chɛndɛ chɛ, a si Yataa 'a mansaya ma, mɔɛ n mbe a ɔ yian‑da wan mɔɛ gbɛɛ a dunya gbɛɛ ɔ. Chɛ ɛ a ma‑a wan, mɔɛ n ni sakana bai chɛndɛ chɛ a min chɛnyɛ koɛ kan kɔ kan dɔ. A sin, a tima a mu dechee, dunya ɛ danka‑a.”

MATIU 3:2

A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MAKI 16:15

Mbɛ a ɔ an ma, “Wo ta dunya chɛ gbɛɛ ɔ, wo ni sakana bai chɛndɛ chɛ ɔ yian mɔ ɔ mɔ a.

MAKI 6:12

Mbɛ an gbɛɛ ta‑a, an‑na Yataa bai sa, an dɔ, an ni an kan kɔ sɔ an 'na ko yama n na.

DUKU 10:1

Koe chɛ n gbɛɛ maenɛ gbakɔ, Mansa Chisɔsi‑a a boo sɔ wan mɔ bi wɔnfea kun ma fea n ma. Mbɛ a‑a an du fea fea a, a‑a an na ta a ya ɔ duu kan kɔ kan dɔ, a basan kaina kan kɔ kan na, a wandi ni ta tena kaina min nu.

DUKU 10:11

fifii min bɛɛ to‑a wo chenɛ a, a ka an 'na duu ɔ, wo ɔ, wo‑a a a gbɔngbɔn, wo ɔ, min mbe ma‑a dasi a an tena, mbɛ an mbe ka a ma an na, wo ɔ, Yataa faa ni tɛ an ma. Wo ɔ, chɛ gbɛɛ ɔ, wo ɔ, an ma nyina, mbɛ ɛnden fan to‑a gbɛ, wo ɔ, an ni don Yataa 'a mansaya kɔɔ.

DUKU 10:9

Wo gbandi mɔɛ n baun an duu chɛ ɔ, mbɛ wo a fɔ an ye, wo ɔ, ɛnden fan to‑a gbɛ, wo ɔ, mɔɛ n ni don Yataa 'a mansaya kɔɔ.

DUKU 16:16

“Yataa‑a sawa miin be Mosisi ma, a basan da a bai chɛ n na, Yataa 'a gbonka chɛ mɔɛ chɛ n‑na miin nyɛn, an ni wan nɔ gbau gbau a. Mɔɛ n ni wan an kɔɔ aan Chɔn na‑a tima min na, min ni yii chɛ mɔɛ n kunɛ ɔ, Yataa chia a. A ka gbɛ a tima chɛ ma, sakana bai chɛndɛ a si Yataa 'a mansaya ma, an mbe gbɛ fɔ tena mɔɛ n ye, mbɛ a sin, mɔ ɔ mɔ ɛ gbɛ butuinɛ an chɛ tena don koe a an mansaya chɛ kɔɔ.

DUKU 9:11

Chɛɛ mɔɛ n‑na a ta koe kɔɔ sɔn, mbɛ mɔ fanka‑a a san, mbɛ an‑na an tan. Chisɔsi bu ɔ dia‑a wan an yen koe a. A koɔ‑a wan an tena a si Yataa 'a mansaya ma, mbɛ mɔɛ miin gbandien ni an tɛ ɔ, a‑a an baun.