DUKU 9:16 - Yataa 'a Dɔbɛnɛ Nama

¹⁶ Mbɛ Chisɔsi‑a biidi duu chɛ ya, a basan nyɛ fea chɛ a. Mbɛ a‑a a ya a si banda a, mbɛ a‑a Yataa wai bɔ daun fen chɛ ko a. Mbɛ a‑a an dɔ kai kai, mbɛ a‑a a be a fɛ denɛ n ma, a du du koe a mɔɛ chɛ n ma.

DUKU 9:16 ပူးပေါင်းရင်းမြစ်များ

MATIU 14:19

A‑a a fɔ mɔ fanka chɛ ye, a ɔ, an ni si ben‑da bin gbii ɔ. Mbɛ a‑a biidi duu chɛ ya, a basan nyɛ fea chɛ a, a‑a a ya a si banda a, mbɛ a‑a tando be Yataa ma daun fen chɛ ko a. Mbɛ a‑a biidi chɛ ɔ kai kai, a basan nyɛ chɛ a, mbɛ a‑a a be a fɛ denɛ n ma, a du du koe a mɔɛ chɛ n ma. Mbɛ a fɛ den chɛ n‑na a ɔ du du mɔɛ chɛ n ma.

MATIU 15:36

An si‑a kɛn, a‑a biidi wɔnfea chɛ ya, a basan nyɛ mɛsɛ ɛnden chɛ a, mbɛ a‑a Yataa wai bɔ daun fen chɛ ko a. Mbɛ a‑a a ɔ kai kai, biidi chɛ basan nyɛ a, mbɛ a‑a a be a fɛ denɛ n ma, mbɛ an bɛɛ‑a a du du mɔɛ chɛ n gbɛɛ tɛtɛ ma.

MAKI 7:34

Mbɛ Chisɔsi‑a a ya a sɛ banda a. Mbɛ a kuun‑da dioo. Mbɛ a ɔ kamin chɛ ma, “A ɔ ni ka.”

DUKU 22:19

Mbɛ a‑a biidi chɛ dɔndɔ ya. Mbɛ a‑a Yataa wai bɔ, mbɛ a‑a a ɔ kai kai, mbɛ a‑a a du du an ma, a ɔ, “N gboo an nɛ, n mbe min be tena wo ko a. Wo chɛ ma tima ɔ tima, wo yii na chii koe a n na.”

DUKU 24:30

Mbɛ an bɛ si‑a an na daun chɛ tena, mbɛ Chisɔsi‑a biidi ya, a‑a Yataa wai bɔ a ko a, mbɛ a‑a a tɛ kai, mbɛ a‑a a du an ma.

DUKU 9:15

Mbɛ an‑na a ma, yɔ a‑a a fɔ buɛ min dɔ an ye, mbɛ mɔɛ chɛ n gbɛɛ si‑a.

DUKU 9:17

An gbɛɛ‑a an bu fa daun fenɛ daun fan. A sin, a fɛ denɛ n‑na an da tɔɛ min na sɔn, a bɛn‑da wan samba fa tan kun ma fea ma.

CHƆN 6:11

Mbɛ Chisɔsi‑a biidi chɛ ya, a‑a Yataa wai bɔ, mbɛ a‑a a ma, a du‑a mɔɛ chɛ n gbɛɛ ma, miin ni ka nɔ si ɔ. A‑a ko dɔndɔ gbe chɛ an ma nyɛ chɛ wɛɛ a, mbɛ a‑a a ma, a wɛɛ du‑a mɔɛ chɛ n ma. A sin, an gbɛɛ, an‑na an bu fa daunɛ chɛ wan, yɔ an toen ni min na.

CHƆN 6:23

Chɛɛ dɛndɛ dɔ gbɛɛ nu, an na‑a wan, a ka Tibɛyasi duu ɔ. An na‑a an kaina chɛ baima, Mansa Chisɔsi na‑a Yataa wai bɔ kaina min, mbɛ mɔ fanka wa chɛ‑a biidi chɛ daun.

CHISƆSI 'A SƆ MƆƐ NU 27:35

A sin, Pɔɔ ban‑da kɛn chɛ fɔ‑a an ye, mbɛ a‑a biidi ya, a‑a tando be Yataa ma an gbɛɛ ya kɔɔ, a‑a a ɔ kai kai, mbɛ a bun‑da a daun‑da.

GBOO DOMI KO A 14:6

An mɔɛ chɛ nu, miin mbe a ma tena, mbɛ tee ɛ wan nɔ, min mu tee wa a, an mɔɛ chɛ n mbe chɛ ma tena Mansa Yataa 'a basɔmaya an ko a. Mɔɛ chɛ nu, miin daun fen tɛ bɔ ee, an bɛɛ an mbe ma ka chɛ ma‑a Mansa Yataa 'a basɔmaya an ko a. Koe min na mu, daun fenɛ kan kɔ kan, an ni ma a daun‑da, an mbe Yataa wai bɔ pɛn, a be koe a an ma. Mɔɛ chɛ n bɛɛ, miin mbe an daun fenɛ tɛ bɔ, an bɛɛ ɛ ma ka basɔmaya be‑a Mansa Yataa an ma. Koe min na mu, an mbe ma ban‑da daun fen kan kɔ kan dɔ, an mbe Yataa wai bɔ wan, a ma koe a an ni ban a ɔ.

GBOO SAA KƆYINDI KO A 10:30

Ni n‑na Yataa wai bɔ pɛn, mbɛ n‑na daun fen chɛ daun, mɔ ee n ma nyin chɛ ko a. Mɔ ee n ma nyin, koe min na mu, n‑na Yataa wai bɔ.

GBOO SAA KƆYINDI KO A 11:24

Mbɛ a‑a Yataa wai bɔ, mbɛ a‑a a ɔ kai kai. Mbɛ a‑a a fɔ, a ɔ, “N gboo an nɛ, min mbe wo ko a. Wo chɛ ma tima ɔ tima ko a, wo yii na chii koe a n na.”