DUKU 8:41 - Yataa 'a Dɔbɛnɛ Nama

⁴¹ Mɔ chenama dɔndɔ Chu n 'na samun chɛ chenɛ a, min tɔ ni Chayɔsi, a na‑a wan, mbɛ a bea‑a Chisɔsi chen na. Mbɛ a‑a a disa, a ɔ, an ni ta a 'a chenɛ a.

DUKU 8:41 ပူးပေါင်းရင်းမြစ်များ

DUKU 13:14

Chɛɛ kun ti chɛ samun chɛ chen chɛ a, a faa tɛ‑a wan kaka, koe min na mu, Chisɔsi‑a mɔɛ baun suin tee ma. Chɛ ko a, a ɔ mɔɛ chɛ n ma, “Tee wɔdɔ an mbe mɔ gbu ko a wai chɛ koe a wichi kan kɔ kan dɔ. Chɛ an‑na a fɔ, wo na a tee wɔdɔɛ chɛ tɛ ɔ, an ni wo baun wo 'a gbandi n dɔ. Chɛɛ wo ma na suin tee ma.”

DUKU 17:16

Mbɛ a‑a a wandi ɔ fuin fan duu ma fugbu Chisɔsi chen kɔɔ, mbɛ a‑a a wai bɔ ka. Samayia mɔɛ ni an kamin chɛ a.

DUKU 5:8

Saimɔn Pita‑a chɛ an dɔ yen, mbɛ a bea‑a Chisɔsi chen na, a ɔ, “Fa, n to, i ni ta. Ko yama ma mɔɛ mu n na.”

DUKU 8:42

Koe min na mu, a 'a den musuen dɔndɔ gbe, min sanɛ ni gbɛ san tan kun ma fea, a ni gbɛ a ni ma tanka an na dechee. Chisɔsi‑a a kuu sɔ kɛn ta‑a dechee, mɔɛ n findi findi‑a wan a ma, a ka kaka kan kɔ kan ma.

DUKU 8:49

Chisɔsi to‑a koɔ tena wan musu chɛ tena, mbɛ sɔ mɔɛ na‑a a ka Chayɔsi 'a chenɛ a. Mbɛ a ɔ, a 'a den musuenɛ gbu fa‑a, a ma na sɔ to ticha tɔɔya‑a ta koe a nɔ.

CHƆN 11:21

Mata‑a Chisɔsi tan kɛn, a ɔ, “Mansa, ni i ni nɛ wan, n tensa chɛ nii fa‑a.

CHISƆSI 'A SƆ MƆƐ NU 13:15

Mbɛ mɔɛ ban‑da sawa gboo chɛ kan‑da, Mosisi na‑a min nyɛn, a basan bai n na, Yataa 'a gbonka chɛ mɔɛ na‑a min nyɛn. Mbɛ ya ɔ sɔɛ chɛ nu, Chu n 'na samun chɛ chen chɛ a, an‑na sakana a ta Pɔɔ n tena, an dɔ te, “Nn suun ma nyɔɛ nu, ni bai ɔ bai ɛ wan wo da a, a fɔ koe, min mbe mɔɛ n faa ma nande, wo e ka a fɔ‑a.”

CHISƆSI 'A SƆ MƆƐ NU 18:17

Mbɛ an gbɛɛ bea‑a Sositɛnesi ma gbasi a, min ni ya ɔ sɔɛ a, Chu n 'na samun chɛ chenɛ kun ma. An‑na a gbasi wan, kuti chenɛ gbu ya kɔɔ. Chɛɛ Kadio‑a a ka wan a too kɔ.

CHISƆSI 'A SƆ MƆƐ NU 18:8

Chɛ gbɛɛ ɔ, Kisipɔsi, ni a 'a chen 'na mɔɛ n gbɛɛ, an‑na an kai fa wan gbɛ Mansa Chisɔsi a. Kisipɔsi chɛ ni ya ɔ sɔɛ an na, Chu n 'na samun chɛ chenɛ a. Mɔ sɛsɛ nu Kɔyindi duu ɔ, an‑na sakana bai chɛ a min kɛn Pɔɔ a, an dan‑da wan a a, mbɛ yii chɛ‑a an kunɛ ɔ, Yataa chia a.

CHISƆSI 'A SƆ MƆƐ NU 9:38

Chɔpa ɔ nii ma yansan Dida a. Mbɛ Chisɔsi fɛ mɔɛ nu Chɔpa, an‑na a a min kɛn, mbɛ Pita ɛ Dida, an‑na mɔ fea n sɔ wan a tena. An dɔ, a dimu, a ni na bui chɛ a nɔ an tena, Chɔpa.

KO Ɔ NUNDENƐ 5:8

Sa tɔngbɔɛ chɛ‑a a bia kɛn, mbɛ fɔɛ fen naanin chɛ nu, an bɛ gbakoo bi fea kun ma naanin chɛ n na, an‑na an kumbai gbangban a chen kɔɔ. Kɔninka an ni gbakoo chɛ n gbɛɛ boo a, ni sanu pani nu. Fen kunyɛ a diama an ni pani chɛ n gbɛɛ ɔ. Fen kunyɛ a diama chɛ n sin ni samunɛ an na, Yataa 'a mɔɛ n ni miin chɛ.