DUKU 8:2 - Yataa 'a Dɔbɛnɛ Nama

² Musu dɔ n bɛɛ ni wan a fɛ. An ni musu n fan na, Chisɔsi na‑a miin baun an 'na gbandi ɔ. An dɔ n sin, a na‑a nyina yama n fan gbain an fɛ. Musu chɛ n gbu sin tɛ ɔ, musu dɔndɔ ni wan nɔ, min tɔ ni Mɛi, min ka‑a Makadaa duu ɔ. Chisɔsi na‑a nyina yama wɔnfea gbain an fɛ.

DUKU 8:2 ပူးပေါင်းရင်းမြစ်များ

MATIU 4:24

A ma tɔɛ ta‑a wan Siyia chɛnyɛ gbɛɛ ɔ, min‑na a ma, mɔɛ na‑a a tena mɔɛ n na, gbandi sɛsɛ ni miin ma. An na‑a chɛ n na kɔsɔɛ ni miin gboo ɔ, gbɔgbɔi ni miin na be‑a, nyina yama ni miin fɛ, a basan namaa an na. Gbandi mɔ kan kɔ kan dechee, an na‑a wan an na a tena, a sin‑na an gbɛɛ a baun fan.

MAKI 16:1

Mbɛ suin tee chɛ ben‑da kɛn, bɔɔɛ Mɛi, min ka‑a Makadaa duu ɔ, an fea Chimisi de Mɛi a, ni bɔɔɛ Sadome, an ta‑a, an‑na tu kunyɛ a diama san. Musu chɛ n toen ni, an ni tu kunyɛ a diama chɛ fasi fasi Chisɔsi su chɛ ma.

MAKI 16:9

Mbɛ Chisɔsi na‑a a kɔɔ sɔ kɛn, Tɛnɛ kan kɔɔ dɔɛ ma, a‑a a wandi yian mɔɛ min pɛn na, an nɛ Mɛi a, min ka‑a Makadaa duu ɔ. A na‑a nyina yama wɔnfea chɛ n gbain an Mɛi chɛ an fɛ.

DUKU 23:27

Mɔ fanka wa‑a a sɔ wan Chisɔsi fɛ. An tɛ ɔ, musu dɔ n ni wan nɔ, miin ni di chɛ‑a a ko a.

DUKU 23:49

Chɛɛ koe chɛ n gbɛɛ ni ben tena tima min na, Chisɔsi dia nyɔɛ chɛ n bɛɛ ni wan nɔ sɔ ɔ pɔɔ, an mbe an dɔ yen‑da. Musu miin bɛɛ na‑a a ma sɔ ka, a ka Kadidi chɛnyɛ ɔ, an ni wan an tɛ ɔ.

DUKU 23:55

Musu miin na‑a a sɔ ka Chisɔsi fɛ a ka Kadidi chɛnyɛ ɔ, an ta‑a wan an bɛ Chosɛfi n na. Mbɛ an‑na kamba chɛ yen, mbɛ an‑na a ɔ sɔn Chisɔsi tɔndenɛ ni buɛ min dɔ.

DUKU 8:30

Mbɛ Chisɔsi ɔ, “I tɔɛ?” Mbɛ a ɔ, “N tɔ mu Fanka Wa.” A‑a chɛ fɔ, a mu min na, nyina yama sɛsɛ ni wan a fɛ.

CHƆN 19:25

Chɛ gbɛɛ ɛ chɛ a ɔ tima min kɔɔ, Chisɔsi de ni wan nɔ sɔ ɔ a 'a kɔn gbengbandenɛ chɛ baima. A de dɔ musuma wɛɛ ni wan nɔ. Kai Kopasi 'a musu Mɛi wɛɛ ni wan nɔ, a basan Mɛi dɔndɔɛ chɛ wɛɛ a, min ka‑a Makadaa duu ɔ.

CHISƆSI 'A SƆ MƆƐ NU 1:14

An gbɛɛ ni wan kuiɛ dɔndɔya ɔ, samunɛ chɛ koe a tima ɔ tima ko a. An bɛ an ni ma musu chɛ n na, miin na‑a ta Chisɔsi san‑da. Chisɔsi de Mɛi wɛɛ, a ni ma wan nɔ, ni Chisɔsi suun ma nyɔɛ kaima nu.