DUKU 7:8 - Yataa 'a Dɔbɛnɛ Nama

⁸ A mu min na, n fandi gbu wɛɛ, n mbe mɔɛ n fan 'na gbasaya kɔɔ. N bɛɛ, soya n mbe wan n kɔɔ. N mbe a fɔ wan dɔndɔ ye, n dɔ, ‘Ta,’ mbɛ a ta‑a. N mbe a fɔ wan dɔndɔ wɛɛ ma, n dɔ ‘Na,’ mbɛ a na‑a. Mbɛ n‑na a fɔ n 'na bɔi denɛ ma, n dɔ, ‘Chɛ ma,’ mbɛ a‑a a ma.”

DUKU 7:8 ပူးပေါင်းရင်းမြစ်များ

DUKU 7:7

N ma buɛ chɛ gbu an fɛ ni, n‑na n yii na chii, mbɛ a gbu ma nyin, n fandi n ni ta i tan. Chɛɛ i da a kuiɛ a ben dechee, n 'na bɔi denɛ ɛ baun‑da wan.

DUKU 7:9

Chisɔsi tɛnɛ‑a wan a a, bai chɛ a min koe a. Mbɛ a‑a a ya a mun fanka wa chɛ ma, min ni a sɔ tena a fɛ, mbɛ a ɔ, “Kɛn gba, n ma mɔ bonda chɛ yen nin bɛ mmɔ Isɔɛɛ mɔɛ n gbɛɛ tɛ ɔ, min danden mu ka n na.”

CHISƆSI 'A SƆ MƆƐ NU 23:17

Mbɛ soya gbakoo dɔndɔ, Pɔɔ‑a a chee. Mbɛ a‑a a fɔ a ye, a ɔ, “Ta n ye kamin tɔngbɔɛ chɛ a, wo kun ti chɛ tena. Bai chenama an mbe a da a, a ɔ yian koe a a a.”

CHISƆSI 'A SƆ MƆƐ NU 23:23

Mbɛ soya n kun ti chɛ, a‑a soya gbakoo fea chee, mbɛ a‑a a fɔ an ye, a ɔ, “Wo wo ma bɛn soya mɔ chɛmɛ fea a, an ta koe a Sisayea duu ɔ, ni awa sawan bɔɛ ben‑da pimbi bundenɛ a. An bɛ ni ta soya mɔ bi wɔnfea a, miin mbe soo n kɔ, a basan an mɔ chɛmɛ fea a, miin mbe tamba a dɛ.

CHISƆSI 'A SƆ MƆƐ NU 23:26

N fan, Kaudiyɔsi Disiyasi, n fan mbe gboo chɛ nyɛn tena kai wa chɛ tena, Kɔfana Fedisi. Fa, n ni i kɔndɔn.

CHISƆSI 'A SƆ MƆƐ NU 23:31

Mbɛ soya chɛ n‑na a ma ka wan, yɔ an kun ti chɛ‑a a fɔ buɛ min dɔ an ye, a ma koe a. An ta‑a wan Pɔɔ a pimbi ɔ, Andipatisi duu ɔ.

CHISƆSI 'A SƆ MƆƐ NU 24:23

Mbɛ a‑a a fɔ soya gbakoo chɛ ye, min ni pimbi chenɛ kun ma, a ɔ, an ma Pɔɔ a bɔ pimbi chen chɛ a. Chɛɛ a ɔ, an ni a ma, Pɔɔ ni bun fia sima bia‑a. A sin, a ɔ, an ma Pɔɔ dia nyɔɛ kan kɔ kan bai basan koe a a ma.

CHISƆSI 'A SƆ MƆƐ NU 25:26

Chɛɛ ko gbu ee nɔ, n mbe min nyɛn, a si a ma, kun ti wa chɛ tena. Chɛ an fɛ mu, n na‑a Pɔɔ chɛ a, wo gbɛɛ chen kɔɔ, a bɛɛ bɛɛ i wan Mansa Akipa, wo wandi ni a a bai kɔɔ gbɛngbɛn. Koe ɛ ma‑a wan nɔ, n mbe min nyɛn.

Gboo Kɔdɔsai Ko A 3:22

Wo wan yɔnɛ nu, chia ɔ chia a, wo kooya be chɛ n ma, miin mu wo ti n na dunya chɛ ma. Wo ma a be dechee an ya kɔɔ wan, mɔ gbu n faa chima koe a dechee. Chɛɛ wo a be wo faa gbɛɛ a, Mansa Chisɔsi ma chianɛ ɛ wo ɔ.