DUKU 7:6 - Yataa 'a Dɔbɛnɛ Nama

⁶ Mbɛ Chisɔsi ta‑a an bɛ an na. An che‑a kɛn chenɛ baima gbɛdɛn, mbɛ soya mɔɛ chɛ‑a a dia nyɔɛ n sɔ Chisɔsi ya ɔ. A ɔ, an ni a fɔ a ye ka, “Fa, i ma i wandi tɔɔya. A mu min na, mɔ a tenden ma n na i don koe a n 'na chenɛ a.

DUKU 7:6 ပူးပေါင်းရင်းမြစ်များ

MATIU 20:28

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

MATIU 3:11

N fan, n mbe yii an chɛ wo kunɛ ɔ, min mbe a ɔ yian, mbɛ wo‑a wo kan kɔ sɔ wo 'a ko yama n na. Chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa wɛɛ bia koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

MAKI 5:24

Mbɛ Chisɔsi bea‑a Chayɔsi fɛ, an bun‑da ta‑a. Mɔ sɛsɛ ta‑a wan an na saan‑da, an findi findienɛ ɛ a ma, a ka kaka kan kɔ kan ma.

DUKU 5:8

Saimɔn Pita‑a chɛ an dɔ yen, mbɛ a bea‑a Chisɔsi chen na, a ɔ, “Fa, n to, i ni ta. Ko yama ma mɔɛ mu n na.”

DUKU 7:4

An ta‑a, mbɛ an‑na Chisɔsi tan, an dɔ, “Fa, i dimu, mmɔ ta, i ni kai chɛ 'a bɔi den chɛ baun, a mu min na, mɔ chɛndɛ wa mu a a.

DUKU 7:5

A yɛ to, a toen mu mmɔ 'a mɔɛ n na sai ma. A wandi gbu an‑na nn 'na samun chɛ chen chɛ sɔ nn ye.”

DUKU 7:7

N ma buɛ chɛ gbu an fɛ ni, n‑na n yii na chii, mbɛ a gbu ma nyin, n fandi n ni ta i tan. Chɛɛ i da a kuiɛ a ben dechee, n 'na bɔi denɛ ɛ baun‑da wan.

DUKU 8:49

Chisɔsi to‑a koɔ tena wan musu chɛ tena, mbɛ sɔ mɔɛ na‑a a ka Chayɔsi 'a chenɛ a. Mbɛ a ɔ, a 'a den musuenɛ gbu fa‑a, a ma na sɔ to ticha tɔɔya‑a ta koe a nɔ.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHIMISI 4:10

Wo kooya be Mansa Yataa chen kɔɔ, mbɛ a‑a wo a sɛ.

CHIMISI 4:6

Chɛɛ Yataa 'a koadia demanɛ koo, min been mu mmɔ ma. Chɛ an fɛ mu, Yataa 'a gboo chɛ‑a a fɔ, a ɔ, “Yataa ma to ni dɔpanda tɔɛ n na, chɛɛ ɛ koadia demanɛ chɛ‑a wan mɔɛ chɛ n na, miin dɔ ma panda ni.”