DUKU 7:19 - Yataa 'a Dɔbɛnɛ Nama

¹⁹ mbɛ a‑a an sɔ Mansa Chisɔsi tena, a ɔ tisa koe a, ni a wan mu mɔɛ chɛ a, a wan Chɔn ni gbonka chɛ tena min na koe a. A ɔ, kɔ an ni chia a fɛn mɔ dɔ mende ya ɔ.

DUKU 7:19 ပူးပေါင်းရင်းမြစ်များ

MAKI 6:7

Mbɛ a‑a a fɛ den tan kun ma fea chɛ n na kan, a‑a an sɔ, fea fea a. A‑a gbasaya be an ma, nyina yama n gbain koe a mɔɛ n fɛ.

DUKU 10:1

Koe chɛ n gbɛɛ maenɛ gbakɔ, Mansa Chisɔsi‑a a boo sɔ wan mɔ bi wɔnfea kun ma fea n ma. Mbɛ a‑a an du fea fea a, a‑a an na ta a ya ɔ duu kan kɔ kan dɔ, a basan kaina kan kɔ kan na, a wandi ni ta tena kaina min nu.

DUKU 11:1

Tee dɔndɔ a, Chisɔsi ni wan samun chɛ‑a kaina dɔndɔ. A ban‑da kɛn, a fɛ denɛ dɔndɔ‑a a fɔ wan a ye, a ɔ, “Fa, nn kan samun chɛ koe a, yɔ kai Chɔn‑na a fɛ denɛ n kan buɛ min dɔ.”

DUKU 11:39

Mbɛ Mansa Chisɔsi‑a a fɔ a ye, a ɔ, “Wo wan Fayisii chɛ nu, tea mu a a, wo e wan yɔ kɔpu, min kɔɛ koenɛ ɛ, chɛɛ a bu ɔ nɔɔenɛ ɛ. Wo e nyima yɛnɛ an chɛ dechee mɔɛ n na, chɛɛ wo gbɔsɔen mu dechee wo wandi an ko a, a sin wo faa n dɔ finden mu kaka.

DUKU 12:42

Mbɛ Mansa Chisɔsi ɔ, “Wo ma yɔ wai chɛ mɔɛ, danaya ni min dɔ, a basan yiimatɛ a. Ni a kun ti ma‑a ta‑a tachɛ ɔ, ɛ a to wan a bɔɛ n kun ma, daun fenɛ be koe a an ma, tima ma.

DUKU 13:15

Chɛɛ Mansa Chisɔsi ɔ, “Wo wan nɛnɛn fea ti nu, wo dɔndɔ wɛɛ ee nɛ, min 'na ninchi kanɛ a ɛ gbaa, a 'a sofɛ kanɛ a ni gbaa, suin tee wɛɛ ma a, ni a ee a fuin‑da, a ni ta a a yii da a, a ni a min. Ni wo e chɛ ma wan, mbɛ wo‑a wai an chɛ ka suin tee ma.

DUKU 17:5

Mbɛ Chisɔsi 'a sɔ mɔɛ chɛ n‑na a fɔ Mansa Chisɔsi ye, an dɔ, “Basan nn ma, nn 'na danaya Yataa a, a ma ni munda.”

DUKU 17:6

Mbɛ a ɔ, “Ni danaya ɛnden bɛɛ yɔ chin fen kuu dɔma ɛndenɛ, a ni wan wo ɔ Yataa ko a, wo ni kun fan wo ni a fɔ kɔn ba chɛ ye, wo ɔ, a kuu ni bɔ, a ni ta, a ni sɔ yii ɔ. Mbɛ a ma‑a, yɔ wo‑a a fɔ buɛ min dɔ.

DUKU 18:6

Mbɛ Mansa Chisɔsi ɔ te gbɛ, “Wo‑a a a min, chiti yama 'a tɛ mɔɛ chɛ‑a bai min fɔ.

DUKU 19:8

Chɛɛ Sakayɔsi sɔ‑a wan Mansa Chisɔsi ya kɔɔ, mbɛ a ɔ, “Fa, n yen ko, n boo fenɛ gbɛɛ, n mbe a du‑a wan si tena fea a, mbɛ n‑na a kaka dɔndɔɛ be yɔn tɔɛ n ma. A sin, ni n‑na mɔ ɔ mɔ kafa fen kɔ fen na, n mbe a a yɛ‑a wan a ma, si tena naanin dɔ.”

DUKU 22:61

Mbɛ Mansa Chisɔsi‑a a ya a yɛ, mbɛ a‑a Pita ma fɛn. Mbɛ a puin‑da Pita yii ma, mbɛ Mansa Chisɔsi na‑a a fɔ wan a ye, a ɔ, “Pita, tɛ kɔnɛ e na to konchee‑a sayi chɛ ma, e kɔɔsa bia chɛ‑a wan gba sawa, mbɛ i ma n sɔn.”

DUKU 24:34

an mbe a fɔ‑a, an dɔ, “Mansa Chisɔsi‑a a kɔɔ sɔ, tea tea a. A bɔ‑a wan Saimɔn ya a.”

DUKU 7:13

Mansa Chisɔsi‑a sunkun chɛ yen kɛn, a ma chinchinɛ‑a a bia wan, mbɛ a‑a a fɔ a ye, a ɔ, “Sɛmbɛ di‑a.”

DUKU 7:20

Mbɛ an na‑a Chisɔsi tena, an dɔ, “Chɔn, min ni yii chɛ mɔɛ n kunɛ ɔ, Yataa chia a, an‑na nn sɔ i tena. A ɔ, nn ni i ɔ tisa, ni i wan mu mɔɛ chɛ a, a ni gbonka chɛ tena min na koe a. A ɔ, kɔ nn ni chia a fɛn mɔ dɔ mende ya ɔ?”

CHƆN 11:2

Mɛi chɛ, an mbe na tena na‑a tu kunyɛ a diama fasi fasi‑a Chisɔsi chenɛ n ma, mbɛ a‑a an ma fian chɛndɛ chɛ, a kundi a. A tensa kai an nii nɛ Dasayɔsi chɛ a, min ni ka sa ɔ gbandi ɔ.

CHƆN 4:1

Chisɔsi na‑a a ɔ sɔn fan, min fɔen ni Chu mɔɛ chɛ n ye, miin ni Fayisii n na. A fɔen fan ni an ye, mbɛ mɔɛ miin mbe bea tena a wan Chisɔsi fɛ, ɛ yii chɛ tena miin kunɛ ɔ, Yataa chia a, an da a koo, an ni ben Chɔn ta n ma.

CHƆN 4:25

Mbɛ musu chɛ ɔ, “N‑na a ɔ sɔn fan, mbɛ Chasi, kunka mansa ɛ na tena wan. A sin mbe na‑a kɛn, ɛ ko ɔ ko ɔ yian‑da wan mmɔ a.”

CHƆN 6:23

Chɛɛ dɛndɛ dɔ gbɛɛ nu, an na‑a wan, a ka Tibɛyasi duu ɔ. An na‑a an kaina chɛ baima, Mansa Chisɔsi na‑a Yataa wai bɔ kaina min, mbɛ mɔ fanka wa chɛ‑a biidi chɛ daun.

KO Ɔ NUNDENƐ 11:3

A ɔ, “N mbe n 'na siiya fea n na na‑a wan, miin mbe n 'na sakana bai chɛndɛ ɔ yian‑da.” A ɔ, “An ma bɛndenɛ ɛ ma‑a wan yɔ sanka‑a mɔɛ miin tan an 'na chenɛ a.” A ɔ, “A sin, an mbe n 'na sakana bai ɔ yian‑da wan, an kau bi naanin kun ma fea (42) chɛ n dɔ.”