DUKU 7:16 - Yataa 'a Dɔbɛnɛ Nama

¹⁶ Chiandia‑a an gbɛɛ bia wan, mbɛ an‑na Yataa tando, an dɔ, “Yataa 'a gbonka chɛ mɔ wa na‑a mmɔ tɛ ɔ. A sin Yataa na‑a a 'a mɔɛ n baun koe a.”

DUKU 7:16 ပူးပေါင်းရင်းမြစ်များ

MATIU 15:31

Mɔɛ chɛ n gbɛɛ tɛnɛ‑a wan a a, kɛn Chisɔsi‑a chɛ ma. An‑na a ɔ yen mumunɛ n koɔ‑a, namaa n tachɛ‑a, mbɛ ya te tɔɛ n‑na kaina yen. An‑na a ɔ yen fan to, miin bɛɛ boo n faen ni an ma, an baun‑da, a basan chɛ n na, miin chenɛ n faen ni an ma. Chɛ ko a, an‑na tando be wan Yataa ma, Chu mɔɛ n ni Yataa min fai.

MATIU 21:11

Mbɛ mɔ fanka chɛ nu na‑a, an dɔ, “Chisɔsi an nɛ, Yataa 'a gbonka chɛ mɔɛ. A ka‑a Kadidi chɛnyɛ ɔ wan, Nasaɛti duu ɔ.”

MATIU 28:8

Mbɛ an yɛ‑a bui chɛ bui chɛ‑a. An ta‑a, chiandia ɛ an dɔ, chɛɛ an bu ɔ ni di kaka. Mbɛ an ta‑a koe chɛ ɔ yian koe a a fɛ denɛ n na.

MATIU 9:8

Mɔ fanka chɛ, miin ni ka nɔ, an‑na chɛ ɔ yen kɛn, an chian‑da wan. Mbɛ an‑na Yataa tando, gbasaya sima chɛ be koe a mɔ gbu ma.

DUKU 1:65

An tanda ɔ si nyɔɛ chɛ n gbɛɛ, chiandia‑a an bia wan kaka. Koe chɛ fasan‑da wan an kɔnkɔ kɔnkɔ tanda chɛ gbɛɛ ɔ Chudia chɛnyɛ ɔ.

DUKU 1:68

a ɔ, “Mmɔ Mansa Yataa tando, mmɔ Isɔɛɛ mɔɛ n 'na Yataa a. A na‑a basan koe a mmɔ ma, mbɛ a‑a mmɔ kun ka.

DUKU 19:44

An mbe wo 'a duu chɛ te‑a wan gbɔkɔɔ, mbɛ an‑na wo wandi sa a kun ma. Wo 'a chen kan kɔ kan mbe ee to‑a sɔ ɔ. Wo 'a chenɛ n sɔ sen kan kɔ kan mbe ee to‑a sa ɔ a nyɔn kundu a. Chɛ n mbe ma‑a koe min na, wo nii ma a ɔ sɔn ni, mbɛ tima an nii nɛ, tima min na Yataa na‑a na wo baun koe a.”

DUKU 2:20

Mbɛ sa kun ma fɛn mɔɛ chɛ n yɛ‑a. An mbe kɛn yɛ‑a, an bun‑da Yataa tando‑a, an mbe ta‑a si sa‑a a tena. An bu ɔ ni di wan koe chɛ n ko a, an‑na miin na min, a basan chɛ a, an‑na min dɔ yen. A gbɛɛ ma‑a wan, yɔ maeka chɛ‑a a fɔ buɛ min dɔ an ye.

DUKU 24:19

Mbɛ Chisɔsi ɔ, “Wuo, fen ko chɛ‑a a ɔ?” Mbɛ an dɔ, “An‑na koe miin sɛ Chisɔsi ma, min ka‑a Nasaɛti duu ɔ. Kamin chɛ, Yataa 'a gbonka chɛ mɔɛ ni a a. A na‑a kamaya ko wa miin ma, a basan bai n na, a ni miin fɔ, an na‑a a ɔ yian fan, mbɛ Yataa ni wan a kɔ. Mɔɛ n gbɛɛ danden fan ni a a, mbɛ Yataa 'a gbasaya ni wan a ɔ.

DUKU 5:26

An gbɛɛ da ɔ gbaa‑a wan a ɔ benden ba a. Chiandia don‑da wan an gbɛɛ ɔ, mbɛ an bun‑da Yataa tando‑a, an dɔ, “Nn‑na kamaya koe n dɔ yen bi.”

DUKU 5:8

Saimɔn Pita‑a chɛ an dɔ yen, mbɛ a bea‑a Chisɔsi chen na, a ɔ, “Fa, n to, i ni ta. Ko yama ma mɔɛ mu n na.”

DUKU 7:15

Mbɛ kamin chɛ min faenɛ ni ka, a‑a a kɔɔ sɔ, a si‑a, a bun‑da koɔ‑a. Mbɛ Chisɔsi‑a a be a de ma.

DUKU 7:39

Fayisii chɛ, min‑na Chisɔsi chee ka a 'a chenɛ a daun chɛ koe a, a‑a koe chɛ ɔ yen kɛn, a‑a a fɔ wan a yiima ɔ, a ɔ, “Ni kamin chɛ ni Yataa 'a gbonka chɛ mɔɛ an na tea a, a ni a ɔ sɔn‑da wan musu min nyɔn sima ɛ ka tu tena a a. A ni a ɔ sɔn‑da wan, mbɛ mɔɛ an nɛ, min mbe ee sɔ ɔ Yataa 'a chia ma.”

DUKU 8:37

Mbɛ mɔɛ chɛ n gbɛɛ miin ka‑a ka Kɛyasa chɛnyɛ ɔ, an‑na Chisɔsi disa, an dɔ, a ni bɔ an 'na tanda ɔ. Koe min na mu, an chian‑da wan kaka. Mbɛ Chisɔsi sɛ‑a dɛndɛ ɔ yɛ koe a.

DUKU 9:19

Mbɛ an dɔ, “Mɔɛ dɔ n mbe a fɔ tena wan, mbɛ i mu Chɔn fan na, min ni yii chɛ mɔɛ n kunɛ ɔ, Yataa chia a. Dɔ n sin mbe a fɔ wan, mbɛ i mu Yataa 'a gbonka chɛ mɔ dɔndɔ an na suun, min tɔ ni Idaicha. Dɔ n sin bɛɛ ɔ te, mbɛ i mu Yataa 'a gbonka chɛ mɔɛ dɔ mende an na, min fa‑a suun, mbɛ a yɛ‑a to fɔɛ ɔ.”

CHƆN 1:21

Mbɛ an‑na a ɔ tisa to, an dɔ, “Nyɔn sin mu gbɛ i a?” An dɔ, “Idaicha an bɔ‑a ka to?” A ɔ, “N fan ma, Idaicha ma n na.” Mbɛ an dɔ te to, “Mosisi na‑a Yataa 'a gbonka chɛ mɔɛ dɔndɔ na koe fɔ wan. A mu i wan na?” A ɔ, “N fan ma.”

CHƆN 1:25

Mbɛ an‑na a ɔ tisa to, an dɔ, “Ni kunka mansa chɛ ma i a, Idaicha ma i a, Yataa 'a gbonka chɛ mɔɛ chɛ wɛɛ a ma i a, tisa chɛ yen ko. Fen ko a mu, e yii chɛ mɔɛ n kunɛ ɔ, Yataa chia a?”

CHƆN 4:19

Mbɛ musu chɛ ɔ gbɛ, “Kai, n‑na a ɔ yen gbɛ, mbɛ Yataa 'a gbonka chɛ mɔɛ mu i a.

CHƆN 6:14

Mɔɛ chɛ n‑na kamaya koe chɛ ɔ yen kɛn, Chisɔsi‑a min ma, mbɛ an dɔ, “Tea ko a, kamin chɛ, Yataa 'a gbonka chɛ mɔɛ chɛ an nɛ. Mosisi na‑a chɛ an na koe kɔɔ fɔ dunya ɔ.”

CHƆN 9:17

Mbɛ a danka a, Fayisii chɛ n yɛ‑a to kamin chɛ tena, min ya a ka‑a ka. An dɔ, “A‑a i wan ya a ka. E che fen fɔ‑a, a si a ma?” Mbɛ kamin chɛ ɔ, “N ta yiima ɔ, Yataa 'a gbonka chɛ mɔɛ mu a a.”

CHISƆSI 'A SƆ MƆƐ NU 5:5

Ananiyasi‑a bai chɛ a min kɛn, a ya kɔɔɛ a, a bea‑a, mbɛ a fa‑a. Mbɛ mɔɛ miin gbɛɛ‑a koe chɛ a min, an chian‑da wan a ɔ benden ba a.

CHISƆSI 'A SƆ MƆƐ NU 7:37

Mosisi an‑na a fɔ Isɔɛɛ mɔɛ n ye, a ɔ, ‘Yataa ɛ a 'a gbonka chɛ mɔɛ a na‑a wan wo tena, yɔ a‑a n na na buɛ min dɔ wo tena. A sin mbe ma‑a wo 'a mɔɛ gbu an na.’

Gboo Kadesia Ko A 1:24

A sin, n bakoe na‑a a ma wan, an‑na Yataa tando.