DUKU 7:13 - Yataa 'a Dɔbɛnɛ Nama

¹³ Mansa Chisɔsi‑a sunkun chɛ yen kɛn, a ma chinchinɛ‑a a bia wan, mbɛ a‑a a fɔ a ye, a ɔ, “Sɛmbɛ di‑a.”

DUKU 7:13 ပူးပေါင်းရင်းမြစ်များ

MAKI 8:2

“Mɔɛ chɛ n ma chinchinden mu n ye. Tee sawa an nɛ ka gbɛ, an mbe nɛ mmɔ fɛ, daun fen mbe ee to nɔ.

DUKU 10:1

Koe chɛ n gbɛɛ maenɛ gbakɔ, Mansa Chisɔsi‑a a boo sɔ wan mɔ bi wɔnfea kun ma fea n ma. Mbɛ a‑a an du fea fea a, a‑a an na ta a ya ɔ duu kan kɔ kan dɔ, a basan kaina kan kɔ kan na, a wandi ni ta tena kaina min nu.

DUKU 11:1

Tee dɔndɔ a, Chisɔsi ni wan samun chɛ‑a kaina dɔndɔ. A ban‑da kɛn, a fɛ denɛ dɔndɔ‑a a fɔ wan a ye, a ɔ, “Fa, nn kan samun chɛ koe a, yɔ kai Chɔn‑na a fɛ denɛ n kan buɛ min dɔ.”

DUKU 11:39

Mbɛ Mansa Chisɔsi‑a a fɔ a ye, a ɔ, “Wo wan Fayisii chɛ nu, tea mu a a, wo e wan yɔ kɔpu, min kɔɛ koenɛ ɛ, chɛɛ a bu ɔ nɔɔenɛ ɛ. Wo e nyima yɛnɛ an chɛ dechee mɔɛ n na, chɛɛ wo gbɔsɔen mu dechee wo wandi an ko a, a sin wo faa n dɔ finden mu kaka.

DUKU 12:42

Mbɛ Mansa Chisɔsi ɔ, “Wo ma yɔ wai chɛ mɔɛ, danaya ni min dɔ, a basan yiimatɛ a. Ni a kun ti ma‑a ta‑a tachɛ ɔ, ɛ a to wan a bɔɛ n kun ma, daun fenɛ be koe a an ma, tima ma.

DUKU 13:15

Chɛɛ Mansa Chisɔsi ɔ, “Wo wan nɛnɛn fea ti nu, wo dɔndɔ wɛɛ ee nɛ, min 'na ninchi kanɛ a ɛ gbaa, a 'a sofɛ kanɛ a ni gbaa, suin tee wɛɛ ma a, ni a ee a fuin‑da, a ni ta a a yii da a, a ni a min. Ni wo e chɛ ma wan, mbɛ wo‑a wai an chɛ ka suin tee ma.

DUKU 17:5

Mbɛ Chisɔsi 'a sɔ mɔɛ chɛ n‑na a fɔ Mansa Chisɔsi ye, an dɔ, “Basan nn ma, nn 'na danaya Yataa a, a ma ni munda.”

DUKU 17:6

Mbɛ a ɔ, “Ni danaya ɛnden bɛɛ yɔ chin fen kuu dɔma ɛndenɛ, a ni wan wo ɔ Yataa ko a, wo ni kun fan wo ni a fɔ kɔn ba chɛ ye, wo ɔ, a kuu ni bɔ, a ni ta, a ni sɔ yii ɔ. Mbɛ a ma‑a, yɔ wo‑a a fɔ buɛ min dɔ.

DUKU 18:6

Mbɛ Mansa Chisɔsi ɔ te gbɛ, “Wo‑a a a min, chiti yama 'a tɛ mɔɛ chɛ‑a bai min fɔ.

DUKU 19:8

Chɛɛ Sakayɔsi sɔ‑a wan Mansa Chisɔsi ya kɔɔ, mbɛ a ɔ, “Fa, n yen ko, n boo fenɛ gbɛɛ, n mbe a du‑a wan si tena fea a, mbɛ n‑na a kaka dɔndɔɛ be yɔn tɔɛ n ma. A sin, ni n‑na mɔ ɔ mɔ kafa fen kɔ fen na, n mbe a a yɛ‑a wan a ma, si tena naanin dɔ.”

DUKU 22:61

Mbɛ Mansa Chisɔsi‑a a ya a yɛ, mbɛ a‑a Pita ma fɛn. Mbɛ a puin‑da Pita yii ma, mbɛ Mansa Chisɔsi na‑a a fɔ wan a ye, a ɔ, “Pita, tɛ kɔnɛ e na to konchee‑a sayi chɛ ma, e kɔɔsa bia chɛ‑a wan gba sawa, mbɛ i ma n sɔn.”

DUKU 24:3

Mbɛ an don‑da a bu ɔ. Chɛɛ an nii ma Mansa Chisɔsi su tan ni to nɔ.

DUKU 24:34

an mbe a fɔ‑a, an dɔ, “Mansa Chisɔsi‑a a kɔɔ sɔ, tea tea a. A bɔ‑a wan Saimɔn ya a.”

DUKU 7:12

A yen ko, an che‑a kɛn duu sundu kunɛ a, an‑na mɔ sɛsɛ tan fan, an mbe ta‑a kamin dɔndɔ tɔn‑da. An ni ta tena mɔɛ min tɔn‑da, a de ni fuinya musu an na, a sin a dɔndɔ gbe an ni a de boo ɔ den kaienɛ a. Mɔ sɛsɛ‑a a sɔ wan su chɛ fɛ a ka an duu chɛ ɔ.

DUKU 7:14

Mbɛ a na‑a, a tu‑a su sa kɔn chɛ a, mbɛ miin ni ta tena su chɛ a, an sɔ‑a an gba ɔ. Mbɛ a‑a a fɔ, a ɔ, “Kamin tɔngbɔɛ, n mbe a fɔ tena i ye, i ni i kɔɔ sɔ.”

DUKU 7:19

mbɛ a‑a an sɔ Mansa Chisɔsi tena, a ɔ tisa koe a, ni a wan mu mɔɛ chɛ a, a wan Chɔn ni gbonka chɛ tena min na koe a. A ɔ, kɔ an ni chia a fɛn mɔ dɔ mende ya ɔ.

DUKU 8:52

Mɔɛ n gbɛɛ ni wan yee tɛ‑a, an mbe ta‑a di chɛ‑a den chɛ kun ma. Chisɔsi ɔ, “Wo sɛmbɛ di chɛ‑a, den chɛ ma fa ni, ɛ sa ɔ chinɔɛ ɔ wan dechee.”

CHƆN 11:2

Mɛi chɛ, an mbe na tena na‑a tu kunyɛ a diama fasi fasi‑a Chisɔsi chenɛ n ma, mbɛ a‑a an ma fian chɛndɛ chɛ, a kundi a. A tensa kai an nii nɛ Dasayɔsi chɛ a, min ni ka sa ɔ gbandi ɔ.

CHƆN 11:3

Mbɛ tensa musu fea chɛ nu, an‑na sakana a ta Mansa Chisɔsi tena, an dɔ, an ni a fɔ a ye, mbɛ a dia nyɔɛ Dasayɔsi gbandi‑a.

CHƆN 20:13

Mbɛ an‑na tisa chɛ, an dɔ, “Bɔɔɛ, fen mu e di chɛ‑a?” Mbɛ a ɔ, “An‑na n 'na mansa su ya, an ta‑a a a. A sin, n ma a ɔ sɔn, an‑na a sa kaina min.”

CHƆN 20:15

Mbɛ Chisɔsi gbu ɔ, “Bɔɔɛ, fen mu e di chɛ‑a? A yɛ to, e i ya a kan tena nyɔn na?” A ni Mɛi yii ma, mbɛ yadi gbu kun ma fɛn mɔɛ an nɛ. Chɛ‑a a ma wan, a ɔ, “Kai, ni i wan ta‑a a su a, a ɔ yian n na, i‑a a sa kaina min. Chɛ ɛ a ma‑a wan, n ni ta a bi, mbɛ n yɛ‑a a a nɛ.”

CHƆN 4:1

Chisɔsi na‑a a ɔ sɔn fan, min fɔen ni Chu mɔɛ chɛ n ye, miin ni Fayisii n na. A fɔen fan ni an ye, mbɛ mɔɛ miin mbe bea tena a wan Chisɔsi fɛ, ɛ yii chɛ tena miin kunɛ ɔ, Yataa chia a, an da a koo, an ni ben Chɔn ta n ma.

CHƆN 6:23

Chɛɛ dɛndɛ dɔ gbɛɛ nu, an na‑a wan, a ka Tibɛyasi duu ɔ. An na‑a an kaina chɛ baima, Mansa Chisɔsi na‑a Yataa wai bɔ kaina min, mbɛ mɔ fanka wa chɛ‑a biidi chɛ daun.

GBOO SAA KƆYINDI KO A 7:30

Mɔɛ chɛ n bɛɛ, miin mbe di chɛ‑a, an ni a ma yɔ an faa ma yɔn ni. Miin mbe yɛn chɛ‑a, an ni a ma yɔ an bu ɔ ma di. Miin‑na fee fenɛ n san, an ni a ma yɔ an‑na fenɛ miin san ka, mbɛ an fan ta ma an na.

Gboo Saa Tɛsadonika Ko A 4:13

Nn suun ma nyɔɛ nu Chasi ɔ, nn toen mu wo ni tea ɔ sɔn, a si chɛ n ma, miin na‑a an kai fa Chisɔsi a, an mbe e na to fa‑a. Chɛ ɛ a ma‑a wan, wo faa ee yɔn‑da, yɔ mɔɛ chɛ nu, yiinatɛ ee miin dɔ.

GBOO IBU MƆƐ N KO A 2:17

Chɛ an na‑a a ma, a na‑a ma wan mɔ gbu a, chia ɔ chia a, yɔ Yataa‑a a suun ma nyɔɛ n na dan buɛ min dɔ. Chɛ ni a ma, a ni chinchincha yian. A yɛ to, a ni ma tɛ mɔ wa a, mɔ gbu n tɛ Yataa a, min danayaen mu Yataa 'a wai ɔ. A ni a ma, Yataa ni a boo bɔ mɔɛ n 'na ko yama n dɔ.

GBOO IBU MƆƐ N KO A 4:15

Koe min na mu, tɛ mɔ wa an nɛ, mmɔ tɛ Yataa a, min mbe chinchin mmɔ ma, koe n dɔ miin mu mmɔ yama chia an na. Mɔɛ mu an na, chia ɔ chia a, Sitana na‑a a yiima yan fan, ko yama ma koe a, yɔ ɛ mmɔ ta yan buɛ min dɔ. Chɛɛ chɛ gbɛɛ ɔ, Chasi ma ko yama ma ni.