DUKU 6:8 - Yataa 'a Dɔbɛnɛ Nama

⁸ Chɛɛ Chisɔsi na‑a an yii ma koe sɔn fan, mbɛ a‑a a fɔ kamin chɛ ye, min boo chɛ faen ni ka a ma, a ɔ, “I kɔɔ sɔ, i ni na nɛ ya ɔ.” Kamin chɛ na‑a wan, mbɛ a sɔ‑a an ya kɔɔ.

DUKU 6:8 ပူးပေါင်းရင်းမြစ်များ

MATIU 9:4

Chɛɛ Chisɔsi na‑a a ɔ sɔn fan, an 'na yiinachii ni min na. Mbɛ a ɔ, “Wo 'a yiinachii yau kaka.

MAKI 3:3

Mbɛ Chisɔsi‑a a fɔ kamin chɛ ye, min boo chɛ faen ni ka a ma, a ɔ, “I a sɔ, i ni na sɔ mɔɛ gbɛɛ ya kɔɔ.” Mbɛ a na‑a, a sɔ‑a an ya kɔɔ.

DUKU 13:12

Chisɔsi‑a a yen kɛn, a‑a a chee, mbɛ a ɔ, “Bɔɔɛ, i baun‑da gbɛ i 'a gbandi chɛ ɔ sanche.”

DUKU 5:22

Chɛɛ Chisɔsi na‑a an yii ma koe n dɔ sɔn fan, mbɛ a‑a a fɔ an ye, a ɔ, “Yiinachii chɛ ma ma wo ɔ, mbɛ n‑na bai min fɔ ka, a ma nyin a fɔ koe a.

DUKU 6:9

Mbɛ Chisɔsi ɔ, “A nyin fan, mmɔ ni a ɔ sɔn, mmɔ 'a sawa dɔnden mu fen ma suin tee ma. Mmɔ 'a sawa dɔnden fan mu mɔ ni mɔɛ baun, a ben a fa koe ma. Mmɔ 'a sawa dɔnden fan mu to mɔ ni ko chɛndɛ ma, a ben ko yama ma koe ma.”

CHƆN 2:25

Chisɔsi ya nii mɔ ɔ mɔ a, a ɔ yian koe a, mɔgbuya ɛ buɛ min dɔ. Koe min na mu, a wandi gbu na‑a a ɔ sɔn fan, koe min gbɛɛ ni an faa ɔ.

CHƆN 21:17

A gba sawan bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Chɛ nɛnɛ ɔ, Pita faa yɔn‑da wan, Chisɔsi ni sɔ ɔ tisa min chɛ‑a a a, ni a ko a di wan a ye. Chɛ ko a, mbɛ a ɔ, “Mansa, i‑a ko ɔ ko ɔ sɔn fan. I‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.”

CHƆN 9:4

Tee ɛ wɛ nɔ tima min na, fɔ ni mmɔ‑a a tun wai chɛ n chɛ koe a, n sɔen mu miin chɛ koe a. Pimbi ɛ bun‑da tima min na, mɔ ɔ mɔ ee che‑a ko ɔ ko ma‑a.

CHISƆSI 'A SƆ MƆƐ NU 20:24

Chɛɛ ni n 'na wai chɛ koe mu, n ma n ta fɔɛ chɛ ya ni fen kɔ fen na. Wai chɛ, Mansa Chisɔsi‑a min be n ma, n ni a a ban koe mu. N ni sakana bai chɛndɛ chɛ ɔ yian mɔɛ n na, a si Yataa 'a koadia demanɛ ma.

CHISƆSI 'A SƆ MƆƐ NU 26:26

Koe min na mu, Mansa Akipa‑a koe chɛ n gbɛɛ ɔ sɔn fan. A sin fan tena mu, n mbe koɔ tena ka, ko ɔ ko boo ee n na. Koe min na mu, n yiima a koen fan mu, mbɛ a chen kɔɔ mu, koe chɛ n gbɛɛ ma‑a. Koe min na mu, an nii ma chɛ ni a ɔ nun dɔ.

Gboo Fiipai Ko A 1:28

A sin, chian mbe ee wo ɔ, a si ko ɔ ko ma, wo chɛɛ ma nyɔɛ n mbe min ma. Chɛ ɛ wan yɔ gbau an nɛ, an tena, mbɛ an mbe na tena wan kasaa a. Chɛɛ wo tana, a mu bauncha an na wo ko a. A sin, ɛ ka tena Yataa an na.

GBOO IBU MƆƐ N KO A 4:13

A sin, Yataa chen kɔɔ, fen kɔ fen mbe ee nɔ, min mbe nun a ma. Chɛɛ ko ɔ ko kan kɔ kan, an mbe wan sa ɔ den, a ya kɔɔ. Mmɔ gbɛɛ sin, mmɔ ɛ mmɔ chɛ chɛ wai ɔ yian‑da a wan na.

1 PITA 4:1

Chɛ an fɛ mu gbɛ, Chasi‑a tɔɔya ɔ bia ka buɛ min dɔ a gboo ɔ, wo wɛɛ wo sɔnɛ ni bɔ a ta a a. Wo ma bɛndenɛ ni ma tɔɔya ɔ bia koe a. Koe min na mu, ni wo‑a tɔɔya ɔ bia wo gboo ɔ Chasi ko a, wo ee ko yama ma.

KO Ɔ NUNDENƐ 2:23

Mɔɛ chɛ n gbɛɛ, miin mbe a fɛ, n mbe an fa‑a wan. A sin chɔchi chɛ n gbɛɛ, an mbe a ɔ sɔn‑da wan, mbɛ n fan‑na mɔ ɔ mɔ yii ma sɔn, a basan mɔ ɔ mɔ faa ɔ koe a. Dɔndɔ, dɔndɔɛ a mu, n mbe an gbɛɛ pawa‑a, yɔ an mbe wai chɛ‑a buɛ min dɔ.”