DUKU 6:7 - Yataa 'a Dɔbɛnɛ Nama

⁷ Chu n 'na sawa kan mɔɛ dɔ nu, a basan Chu mɔɛ dɔ n na, miin ni Fayisii n na, an toen ni an ni chia an yan koɛ be koe a Chisɔsi ma. An‑na a a tɛ wan chɛndɛ chɛ, min mbe a ma, an ni a ɔ yen, ni ɛ mɔɛ chɛ baun‑da wan suin tee ma.

DUKU 6:7 ပူးပေါင်းရင်းမြစ်များ

MATIU 5:39

Chɛɛ n mbe gbɛ sanche a fɔ tena wo ye, wo ma wo ta ɔ nyɔn mɔ ɔ mɔ ma, min mbe ko yama ma‑a wo a. Ni mɔ ɔ mɔ‑a wo boo nyima ɔ gbanɛ ɔ gbasi, wo wo man dɔ gbanɛ wɛɛ a mun, a ni a wɛɛ ɔ gbasi.

MAKI 3:2

Mɔɛ dɔ n ni wan nɔ, miin toen ni an ni Chisɔsi bia a chen kɔ. An ni wan gbɛ a ma fɛn‑da, a ɔ yen koe a, ni ɛ kamin chɛ a baun‑da wan, suin tee wɛɛ ma.

DUKU 13:14

Chɛɛ kun ti chɛ samun chɛ chen chɛ a, a faa tɛ‑a wan kaka, koe min na mu, Chisɔsi‑a mɔɛ baun suin tee ma. Chɛ ko a, a ɔ mɔɛ chɛ n ma, “Tee wɔdɔ an mbe mɔ gbu ko a wai chɛ koe a wichi kan kɔ kan dɔ. Chɛ an‑na a fɔ, wo na a tee wɔdɔɛ chɛ tɛ ɔ, an ni wo baun wo 'a gbandi n dɔ. Chɛɛ wo ma na suin tee ma.”

DUKU 20:20

An nii ma chinɔ ni a a tɛ koe a, a basan chia yanɛ a, min mbe a ma, an ni a bia. Chɛ ko a, an‑na mɔɛ n na dɛ wan a ma, a ɔ tisa koe a yiima yiima tisa n na. An toen ni, a da a bai ni a wandi ma tachɛ an ma. Mbɛ an‑na a be chɛnyɛ kun ma kɔfana ma, chɛnyɛ sawa a tachɛ koe a.

CHƆN 9:16

Mbɛ Fayisii chɛ dɔ nu, an dɔ, “Mɔɛ min‑na chɛ ma, suin tee sawa yɔn koe a, an mɔɛ chɛ, Yataa an ma a sɔ ni a ma.” Chɛɛ an dɔ n sin, an dɔ, “Mɔ ɔ mɔ min mu ko yama ma mɔɛ a, a ee kamaya ko bonda chɛ sima ma.” Chɛ‑a a ɔ yian fan, mbɛ an kuiɛ a nii ma kan ni, a si Chisɔsi ma.