DUKU 5:30 - Yataa 'a Dɔbɛnɛ Nama

³⁰ Mbɛ Chu mɔɛ dɔ nu miin ni Fayisii n na, an bɛ an 'na mɔɛ n na, miin ni Chu n 'na sawa kan, an bu ɔ nii ma dia ni. An gbonyɛ‑a wan Chisɔsi a, a fɛ denɛ n tena, an dɔ, “Wo kan mɔ ee ka ko chɛndɛ a. A ma nyin wo ni daunɛ chɛ kaina dɔndɔɛ, wo bɛ pawa kain mɔɛ chɛ n na, a basan mɔ dɔ gbɛɛ n bɛɛ a, miin mbe ee sɔ ɔ Yataa 'a chia ma.”

DUKU 5:30 ပူးပေါင်းရင်းမြစ်များ

MATIU 5:46

Chɛɛ ni wo to‑a dechee mɔɛ n na, miin toen mu wo a a, wo ee tɔnɔn ma sɔn chɛ ko a Yataa a. Koe min na mu, mɔɛ miin mbe pawa kain, an mbe a ma ka wan.

MATIU 9:11

Mbɛ Fayisii n‑na chɛ ɔ yen kɛn, mbɛ an‑na a fɔ Chisɔsi fɛ denɛ n ye, an dɔ, “Wo kan mɔ yen ko, a ɛ daun chɛ‑a kaina dɔndɔɛ, an bɛ pawa kain mɔɛ n na, a basan mɔɛ n na, miin mbe ee sɔ ɔ Yataa 'a chia ma.”

MAKI 2:16

Mbɛ Fayisii mɔɛ chɛ dɔ nu, miin ni sawa kan min be‑a Mosisi ma, an ni wan nɔ. An na‑a Chisɔsi yen fan daunɛ chɛ‑a, an bɛ mɔɛ n na, miin nii sɔ ɔ Yataa chia ma, a basan pawa kain mɔɛ chɛ n na. Mbɛ an dɔ a fɛ denɛ n ma, an dɔ, “Kai chɛ nii daunɛ chɛ ɛnden bɛɛ a, an bɛ mɔ bonda chɛ n na.”

MAKI 7:3

Koe min na mu, Fayisii nu, ni Chu mɔɛ tɔɛ nu, an mbe bea sawa chɛ n fan fɛ, an woo mɔɛ n‑na miin to an boo ɔ. An mbe ee fen kɔ fen daun, ni an ma an boo a ko ni, a chia ma.

MAKI 9:16

Mbɛ Chisɔsi ɔ a fɛ den chɛ n ma, a ɔ, “Wo e fen kɔɔsa bia ɔ, wo bɛ mɔɛ chɛ n na?”

DUKU 18:11

“Fayisii chɛ ka‑a wan mɔɛ tɔɛ chɛ n baima, mbɛ a ta‑a a sɔ‑a a dɔndɔ gbe a, mbɛ a‑a a kuu sɔ samunɛ chɛ‑a. A ɔ, ‘Yataa, en wai, n ta n mbe ee ka yɔ mɔ dɔ gbɛɛ nu. N ta, n ma bɛnchɛ, n sin ma kafa tɔ a. A yɛ to, n mbe ee waa ma basan musu a, n ma miin fuu ni. Mɔɛ dɔ n mbe ka wan, chɛɛ n ta, n mbe ee ka. En wai, a mu min na, n mbe ee ka yɔ pawa kain mɔɛ chɛ wɛɛ pande sɔ ɔ.

DUKU 19:7

Mɔɛ miin gbɛɛ‑a koe chɛ ɔ yen ka, an bun‑da gbonyɛ‑a, an dɔ, “A yen bɛ, ɛ ta‑a kamin chɛ 'a sondaya a, min mbe ee sɔ ɔ Yataa 'a chia ma.”

DUKU 5:17

Tee dɔndɔ a, Chisɔsi ni kɛn kan chɛ tena, mɔɛ dɔ n ni wan nɔ si ɔ, miin ni Chu n 'na sawa kan mɔɛ n na, a basan Chu mɔɛ n na, miin ni Fayisii n na. An ka‑a wan Chuusaɛn duu ɔ, a basan Chudia chɛnyɛ gbɛɛ ɔ a. An ka‑a wan duu kan kɔ kan dɔ Kadidi chɛnyɛ wɛɛ ɔ. A tee chɛ a, Chisɔsi ni wan mɔɛ n baun‑da an 'na gbandi n dɔ, Mansa Yataa 'a gbasaya ɔ.

DUKU 5:21

Chu n 'na sawa kan mɔɛ chɛ n‑na bai chɛ a min kɛn, an bɛ Fayisii n na, an bun‑da a fɔ‑a an yiima ɔ, an dɔ, “Kamin chɛ e na ma nyɔn na koɔ koe a ka buɛ chɛ ɔ. Ɛ ka Yataa an main‑da. Mɔ ɔ mɔ ee nɔ min mbe kun, a ni a boo bɔ mɔ gbu 'a ko yama ɔ, mɔɔ Yataa dɔndɔ gbe.”

DUKU 7:34

Chɛɛ n fan, Mɔ Gbu 'a Denɛ, n na‑a, n mbe daunɛ chɛ, a yɛ to, n mbe gbɛ min fan. Wo‑a a fɔ wan to, wo ɔ, nun namaya tɔɛ mu n na, wo ɔ, kɔn gbasi kai mu to n na. Wo ɔ te to, n fan mu pawa kain mɔɛ n dia nyɔɛ a, a basan mɔɛ tɔɛ n na, miin mbe ee sɔ ɔ Yataa 'a chia ma.

DUKU 7:39

Fayisii chɛ, min‑na Chisɔsi chee ka a 'a chenɛ a daun chɛ koe a, a‑a koe chɛ ɔ yen kɛn, a‑a a fɔ wan a yiima ɔ, a ɔ, “Ni kamin chɛ ni Yataa 'a gbonka chɛ mɔɛ an na tea a, a ni a ɔ sɔn‑da wan musu min nyɔn sima ɛ ka tu tena a a. A ni a ɔ sɔn‑da wan, mbɛ mɔɛ an nɛ, min mbe ee sɔ ɔ Yataa 'a chia ma.”

CHISƆSI 'A SƆ MƆƐ NU 23:9

Mbɛ an gbɛɛ bun‑da sɔnkɔ sɔnkɔ wa chɛ‑a. Mbɛ Chu mɔɛ n 'na sawa kan mɔɛ dɔ nu, miin ni Fayisii gbee a, an sɔ‑a. Mbɛ an dɔ, “Nn ma bai yama kan kɔ kan yen ni, Pɔɔ‑a min fɔ. Mmɔ ma a ɔ sɔn, kɔkɔɛ maeka mu, min koɔ‑a a tena, chɛ ma, kɔkɔɛ nyina dɔ mende nu mu.”