DUKU 5:10 - Yataa 'a Dɔbɛnɛ Nama

¹⁰ Chimisi wɛɛ tɛnɛ‑a wan a a, an fea Chɔn na, kai Sɛbɛdi 'a denɛ nu. An bɛ gbɛɛ ni an bɛ Saimɔn na wai chɛ a. Mbɛ Chisɔsi‑a a fɔ Saimɔn ye, a ɔ, “I ma chian, a mu min na, a ka gbɛ bi ma, aan a ta a nyɔn na, e ma‑a na‑a mɔɛ n fan na n tena, yɔ e nyɛ n bia buɛ min dɔ tee.”

DUKU 5:10 ပူးပေါင်းရင်းမြစ်များ

MATIU 13:47

Chisɔsi ɔ te to, “Yataa 'a mansaya maen fan mu to yɔ min ma‑a tai chɛ ɔ. Nyɛ gbain yaa, ɛ nyɛ n kondo wan yii wa ɔ, mbɛ a na‑a an na tindi ma. Nyɛ kan kɔ kan mbe ma wan a ɔ.

MATIU 14:27

Mbɛ a ya kɔɔɛ a, Chisɔsi koɔ‑a an tena, a ɔ te, “Wo sɛmbɛ ka kaina chɛ an yee tɛ‑a. N fan mu, wo ma chian.”

MATIU 20:20

Chɛ gbakɔ, kai Sɛbɛdi 'a musu na‑a Chisɔsi tena, an bɛ a 'a den kaien fean na. Mbɛ a bea‑a a chen na, a ɔ, a ni basan a ma.

MATIU 4:19

Mbɛ Chisɔsi ɔ an ma, “Wo nyɛ gbain chɛ boo ka, wo bea n fɛ. Ni wo bea‑a n fɛ, n mbe wo kan‑da wan, wo e mɔɛ n na sɔn buɛ min dɔ na koe a n tena, yɔ nyɛ gbain mɔɛ ɛ nyɛ n na sɔn buɛ min dɔ.”

MATIU 4:21

A ta‑a ɛnden fan na, mbɛ a‑a suun ma nyɔɛ kaima fea n yen, Chimisi an fea Chɔn na, kai Sɛbɛdi 'a denɛ nu. An bɛ an ni an fa Sɛbɛdi a dɛndɛ ɔ, an mbe an 'na yaa n dɔ bɛn‑da. Mbɛ Chisɔsi‑a suun ma nyɔn fea chɛ n chee.

MAKI 1:17

Mbɛ Chisɔsi ɔ an ma, “Wo bea n fɛ. N ni wo kan, wo e kun buɛ min dɔ, wo ni na mɔɛ n na n tena, yɔ wo e nyɛ gbain buɛ min dɔ.”

DUKU 5:7

Mbɛ an‑na an boo kai an bɔɛ n ma dɛndɛ dɔndɔ ɔ, min mbe a ma, an ni na, an ni basan an ma. Mbɛ an na‑a, an gbɛɛ‑a nyɛ n bɔ yaa chɛ n na aan, an‑na dɛndɛ fea n na fa‑a gban. Ɛnden fan na‑a to dɛndɛ n gbu ni tunɛ yii ɔ.

DUKU 5:9

A‑a chɛ fɔ, a mu min na, an bɛ a bɔɛ n na, an gbɛɛ da ɔ gbaa‑a wan, a si nyɛ koaen bonda chɛ nyɔn sima ma, an‑na miin bia ka.

DUKU 6:14

A na‑a a boo sɔ chɛ n fan ma: Saimɔn, ni a dɔɛ Anduu, Chimisi ni Chɔn, Fiipi, Batɔɔmiu, Matiu, Tɔmɔsi, Chimisi dɔndɔɛ, Saimɔn, Chudasi ni Chudasi Isikayɔti. Saimɔn saa saa, a‑a min ya, a‑a tɔ dɔ gbɛɛ be wan a ma a ɔ Pita. Chimisi fean bɔɛ fa tɔ ni Afiɔsi. Saimɔn dɔndɔɛ wɛɛ ni mɔɛ an na, min ni a 'a chɛnyɛ ma chɛɛ chɛ tena. Chudasi saa fa tɔ ni Chimisi. Chudasi Isikayɔti ni mɔɛ an na min danka‑a Chisɔsi ma tachɛ‑a.

CHƆN 21:2

A fɛ den chɛ n fan ni nɔ. Saimɔn Pita, ni Tɔmɔsi, an ni min chee, Fɛn Kai, ni Natanɛɛ, min na‑a ka Kana, Kadidi chɛnyɛ ɔ, a basan kai Sɛbɛdi 'a denɛ kaima n na. Chisɔsi fɛ denɛ fea dɔ mende n ni wan to nɔ.

CHISƆSI 'A SƆ MƆƐ NU 2:4

Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.

GBOO FEAN BƆƐ KƆYINDI KO A 8:23

Taitɔsi nan tana, nn bɔɛ mu a a, nn fea, nn mbe wai chɛ tena min na, basan koe a wo ma. Mmɔ suun ma nyɔɛ tɔɛ chɛ n tana sin Chasi ɔ, chɔchi n 'na sɔ mɔɛ mu an na. An sin mbe na basɔmaya an na Chisɔsi Chasi tena.

2 TIMOTI 2:26

Mbɛ an mbe yiimatɛ ma sɔn‑da wan, an ni bɔ gbai chɛ a, an na‑a chɛɛ ka Sitana 'a gbai min na, an ni min 'na sawa kɔɔ.