DUKU 4:6 - Yataa 'a Dɔbɛnɛ Nama

⁶ Mbɛ Sitana ɔ, “N mbe gbasaya be‑a wan i ma chɛnyɛ chɛ gbɛɛ kun ma, a sin, nyan chɛ gbɛɛ dunya chɛ ɔ, ɛ ma‑a i ta an na. N fan ta mu gbɛ an gbɛɛ a, n sin mbe kun fan, n ni a be mɔ ɔ mɔ ma, n toen mu mɔɛ min na.

DUKU 4:6 ပူးပေါင်းရင်းမြစ်များ

DUKU 4:7

Ni i‑a n fai dechee, chɛ gbɛɛ ɛ ma‑a i ta an na.”

CHƆN 12:31

Tima an che‑a ka gbɛ sanche, Yataa ni kaa a tɛ dunya chɛ wakoe ma. Sanche chɛ ɔ, nyina yama min 'na mansaya ɛ dunya chɛ ɔ, a a bea tima an nɛ.

CHƆN 14:30

Mmɔ ee che to chia ɔ bɔ yansama chɛ‑a mmɔ bɛ, a mu min na, nyina yama min 'na gbasaya ɛ dunya chɛ ɔ mɔɛ n kun ma, ɛ chia a. Chɛɛ gbasaya ee a boo ɔ n kun ma.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

GBOO FEAN BƆƐ KƆYINDI KO A 11:14

Chɛɛ tɛnɛ ko ma chɛ nɛnɛ a. Sitana wandi gbu wɛɛ, ɛ kun fan, a ni a wandi ma yɔ maeka, min mbe man taun Yataa 'a manɛ a.

Gboo Ɛfisɔsi Ko A 2:2

An tima chɛ a, wo ni tachɛ tena wan, wo 'a fɔɛ ɔ, wo beaenɛ ɛ dunya chɛ ɔ mɔɛ n ta chia fɛ. Nyina yama n ya ɔ sɔɛ, dunya chɛ ɔ, gbasaya ɛ min boo ɔ ben‑da banda a, wo beaen ni an fɛ. An nyina chɛ, sanche chɛ ɔ, an mbe wai chɛ tena mɔɛ n na, miin mbe ee dɔn an too ma sɔ koe a Yataa ma.

1 PITA 1:24

Ɛ wan yɔ a nyɛnden mu buɛ min dɔ Yataa 'a gboo ɔ, a ɔ, “Mɔ gbu gbɛɛ maen fan mu yɔ bin gbii, an mbe fa wan. Mɔ gbu 'a dunya ma nyanɛ wɛɛ, ɛ wan yɔ kɔn fu, a ee mɛ a a.

1 CHƆN 5:19

Mmɔ tana, mmɔ‑a a ɔ sɔn fan, mbɛ Yataa 'a denɛ mu mmɔ a. Mbɛ a sin, dunya tɔɛ gbɛɛ, an mbe a wan Sitana 'a gbasaya an kɔɔ.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 13:2

N na‑a soe min yen ka, a bɔen ni kui an na. Chɛɛ a chenɛ ni wan yɔ nyima soe dɔ mende, a nyɛnsenɛ n bɔenɛ a sa n dɔ, a da sin yɔ yaa da. Mbɛ fɔɛ fenɛ ma chianden ba saa chɛ, a‑a a 'a sɔ tena dɔ be soe yama nama chɛ ma, a basan a 'a mansaya gbasaya wa dɔ a dunya ma.

KO Ɔ NUNDENƐ 13:7

Yataa‑a a to wan nɔ, a‑a chɛɛ bun Yataa 'a mɔɛ n ma, a sin kun‑da wan an ma. A yɛ to, gbasaya be‑a wan a ma mɔɛ gbɛɛ kun ma dunya ɔ. Chɛ nu chɛnyɛ kunɛ n dɔ, chɛnyɛ koɛ n dɔ, ni dambi nu, an bɛ mɔ gbu kan kɔ kan na.