DUKU 4:34 - Yataa 'a Dɔbɛnɛ Nama

³⁴ “Ee, Chisɔsi, Nasaɛti mɔɛ, a nyin i ni nn to nɔ, yɔ i‑a nn yen buɛ min dɔ. I na‑a nn fa koe an na? N‑na a ɔ sɔn fan mɔɛ min nyɔn sima mu i a. Mɔɛ mu i a, min ka‑a Yataa tena, a 'a wai tenchenɛ chɛ koe a.”

DUKU 4:34 ပူးပေါင်းရင်းမြစ်များ

MATIU 8:29

Mbɛ a yen ko, an‑na yee tɛ, an dɔ, “Yataa 'a denɛ, i toen mu i ni fen ma nn na? I na‑a nn na tɔɔya koe an na, tee chɛ ya ɔ, Yataa ɛ dunya chɛ gbɛmbo‑a tee min ma?”

MAKI 1:24

a ɔ, “Chisɔsi, Nasaɛti mɔɛ, i ma nn tɔɔ. I na‑a nn kasaa koe an na? N‑na a ɔ sɔn fan, i mu mɔɛ min na. I wan mu mɔɛ a tenchen, Yataa‑a min sɔ, a 'a wai chɛ koe a.”

MAKI 1:34

Chisɔsi‑a mɔɛ n baun fan gbandi sɛsɛ n dɔ. A‑a nyina yama n gbain fan, mɔ sɛsɛ n fɛ. A sin, a ee dɔn, nyina yama chɛ n ni koɔ, koe min na mu, an‑na a ɔ sɔn fan, mɔɛ min sima mu a a.

MAKI 5:7

Mbɛ a‑a yee wa tɛ, a ɔ, “Chisɔsi, Yataa Wa 'a denɛ! I toen mu i ni fen ma n na? I dimu, I ma n tɔɔya. A chɛ Yataa ko a.”

DUKU 1:35

Mbɛ maeka chɛ ɔ, “Yataa Nyina an mbe ma‑a i fɛ, mbɛ Yataa Wa 'a gbasaya, a‑a a ma, i‑a bu ya. Chɛ an fɛ mu, e denɛ min suun‑da, ɛ ma‑a tenchen Yataa 'a wai an na. A sin, an mbe a chee‑a wan, an dɔ, Yataa 'a denɛ.

DUKU 4:33

Kamin dɔndɔ ni wan nɔ samun chɛ chen chɛ a, nyina yama ni min fɛ. Mbɛ a‑a yee tɛ gbankon, a ɔ,

DUKU 4:41

A na‑a nyina yama n bɛɛ gbain fan to mɔ sɛsɛ fɛ. An sin ni kɛn ka tena mɔɛ chɛ n fɛ, an ni wan yee tɛ‑a, an dɔ, “Yataa 'a denɛ mu i a.” Chɛɛ Chisɔsi ɔ, an ni an da a tɔn. A sin nii ma dɔn ni an ni koɔ to, a mu min na, an na‑a a ɔ sɔn fan, mbɛ kunka mansa mu an na.

DUKU 8:28

Tima sɛsɛ ko a, nyina yama chɛ n ni a ma wan, kamin chɛ ni bui, a ni ta kaina mɔ ɔ mɔ ee kaina min. Mɔɛ n ni a chenɛ ɔ chii wɛɛ yɔɔɛ a, a basan a boo a, a ni yɔɔɛ chɛ ɔ tɛ tɛ wan, mbɛ nyina yama chɛ n‑na a ma, a ben‑da bui‑a. A‑a Chisɔsi yen kɛn dechee, a‑a yee tɛ wan gbankon, mbɛ a bea‑a a chen na. Mbɛ a‑a a fɔ a kuiɛ ma sɛenɛ a, a ɔ, “Chisɔsi, Yataa Wa 'a denɛ, i toen mu i ni fen ma n na? I dimu, i ma n mɔnɛ.” A‑a chɛ fɔ, a mu min na, Chisɔsi‑a a fɔ wan nyina yama chɛ n ye, a ɔ, an ni ka a fɛ.

DUKU 8:37

Mbɛ mɔɛ chɛ n gbɛɛ miin ka‑a ka Kɛyasa chɛnyɛ ɔ, an‑na Chisɔsi disa, an dɔ, a ni bɔ an 'na tanda ɔ. Koe min na mu, an chian‑da wan kaka. Mbɛ Chisɔsi sɛ‑a dɛndɛ ɔ yɛ koe a.

CHISƆSI 'A SƆ MƆƐ NU 16:39

Chɛ ko a, an ta‑a wan, mbɛ an koɔ‑a Pɔɔ n tena disa ɔ, an fea Sidasi a. Mbɛ an‑na a ma, an bɔ‑a pimbi chen chɛ a, an‑na an ma nande bɔ koe a, an duu chɛ ɔ.

CHISƆSI 'A SƆ MƆƐ NU 2:27

Koe min na mu, i wan Yataa ee n to‑a saya a boo ma. E ee dɔn‑da i 'a wai chɛ mɔɛ chɛ, n fɛn‑na n fandi be i ma, n su ni tui kamba ɔ.

CHISƆSI 'A SƆ MƆƐ NU 3:14

A ni tenchen Yataa 'a wai an ko a, a sin, a tanden fan ni Yataa tena. Chɛɛ chɛ gbɛɛ ɔ, wo ban‑da wan a ɔ, mbɛ wo‑a Kɔfana Padeti disa, wo ɔ, a ni a boo ka mɔ fa mɔɛ a wo ye.

CHISƆSI 'A SƆ MƆƐ NU 4:27

Tea gbu sin ko a, nɛ ni Chuusaɛn duu chɛ ɔ, an‑na an kun puin kaina, i 'a wai chɛ mɔɛ Chisɔsi Chasi ma, min mbe tenchen i ko a. I‑a i boo sɔ an ma kunka mansa a. Mansa Ɛdɔdi, ni Kɔfana Pɔnchɔsi Padeti, an bɛ an na‑a an kun puin chɛ chɛ, an bɛ mɔɛ chɛ n na miin ma Chu mɔ n na, a basan Isɔɛɛ mɔɛ n gbɛɛ a, ko yama ma koe a kunka mansa chɛ a.

GBOO IBU MƆƐ N KO A 2:14

Chɛ an fɛ mu gbɛ, den chɛ nu, mɔ gbu gbama gbama mu an na. An fɛ mu, a wandi wɛɛ, a na‑a ma wan to mɔ gbu a, min mbe a ma, a ni fa. A 'a saya chɛ sin mbe a ma‑a wan, a ni Sitana kasaa, gbasaya ɛ ka min boo ɔ saya ko a.

CHIMISI 2:19

Wo dandenɛ mu a a, mbɛ Yataa ɛ dɔndɔ gbe. Chɛ ma a kun wo ko a. Nyina yama n bɛɛ, an danden fan mu chɛ a, an sin mbe samba wan, a ma chianɛ a.

1 CHƆN 3:8

Sitana ɛ wan ko yama ma‑a tun, a ka dunya kuu sɔ tima ma. Chɛ an fɛ mu, mɔɛ chɛ min mbe a boo a chii‑a ko yama ma, Sitana 'a mɔɛ mu. Yataa 'a denɛ sin na‑a, min mbe a ma, a ni an Sitana 'a wai a fasan.

KO Ɔ NUNDENƐ 20:2

Mbɛ a‑a fɔɛ fen chɛ bia gban, fɔɛ fen ma chianden ba chɛ. An fɔɛ fen chɛ mu ka kɔkɔ wa chɛ an na, nyina yama n 'na mansa chɛ, min tɔ mu Sitana. Mbɛ maeka chɛ‑a a chii fɔin kundu yɔɔɛ chɛ a, san wu dɔndɔ (1,000) ko a.

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”