DUKU 4:23 - Yataa 'a Dɔbɛnɛ Nama

²³ Mbɛ Chisɔsi ɔ, “N danden fan mu a a, mbɛ wo e tai chɛ tɛ‑a wan a si n ma, min‑na a fɔ, a ɔ, ‘Danda chɛ mɔɛ, i wandi baun.’ Wo e a fɔ‑a wan to n ye, wo ɔ, wo‑a a a min fan, n‑na min ma Kapanaun duu ɔ, wo ɔ, n ni a nyɔn sima ma wɛ nɛ wɛɛ, n ta suun duu gbu ɔ.

DUKU 4:23 ပူးပေါင်းရင်းမြစ်များ

MATIU 13:54

Mbɛ a yɛ‑a a waa duu ɔ. A yɛ‑a kɛn, a bun‑da mɔɛ n kan‑da an 'na samun chɛ chenɛ a. A 'a kan chɛ buɛ‑a mɔɛ n da a fa wan. Mbɛ an bun‑da a fɔ‑a, an dɔ, “Kamin chɛ ɛ ka kamaya ko bonda miin ma‑a, a basan yiimatɛ bonda chɛ a ɔ, kɔndɔfii mu a a.

MATIU 4:13

Chɛɛ a nii ma dɔn ni si koe a Nasaɛti duu ɔ. A na‑a ben fan, a ta Kapanaun. Kapanaun ni duu an na Kadidi yii daa baima, a sin, a ni Sɛbudɔn ni Nafadi tanda n tɛtɛ ma wan.

MATIU 4:23

Chisɔsi ben ben‑da wan Kadidi chɛnyɛ gbɛɛ ɔ, ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma, mbɛ a‑a mɔɛ n baun an 'na gbandi kan kɔ kan dɔ, miin ni an ma.

MAKI 6:1

Mbɛ Chisɔsi ka‑a an kaina chɛ. A yɛ‑a a waa a, Nasaɛti duu ɔ, an bɛ a fɛ denɛ n na.

DUKU 2:39

Chosɛfi n fea Mɛi a, an ban‑da manda chɛ n gbɛɛ a tachɛ‑a, yɔ Mansa Yataa 'a sawa‑a min fɔ. Mbɛ an yɛ‑a an baa a, Nasaɛti duu ɔ, Kadidi chɛnyɛ ɔ.

DUKU 2:51

Chɛ gbakɔ, Chisɔsi yii‑a wan Nasaɛti duu ɔ, an bɛ an na, a sin‑na kooya be wan an ma. A de‑a koe chɛ n gbɛɛ sa wan a yii ma, ɛ an tɛnsɛ a yiima ɔ.

DUKU 4:16

Mbɛ Chisɔsi yɛ‑a Nasaɛti duu ɔ, a bɔ‑a a ɔ kaina. Chu n 'na suin tee ma, a ta‑a wan an 'na samun chɛ chenɛ a, yɔ a ni a ma tee buɛ min dɔ. Mbɛ a‑a a kɔɔ sɔ, a sɔ‑a Yataa 'a gboo kan koe a mɔɛ chɛ n tena.

DUKU 4:31

Mbɛ Chisɔsi yii‑a Kapanaun duu ɔ, Kadidi chɛnyɛ ɔ, a‑a mɔɛ n kan kaina Chu n 'na suin tee ma.

DUKU 4:35

Mbɛ Chisɔsi‑a a fɔ nyina yama chɛ ma, a ɔ, a ni a da a tɔn, mbɛ a sin ni ka kamin chɛ fɛ. Nyina yama chɛ‑a kamin chɛ a bea duu ma an gbɛɛ ya kɔɔ, mbɛ a ka‑a a fɛ, a sin nii ma ko yama kan kɔ kan ma ni a a.

DUKU 6:42

Wo ee kun wo ni a fɔ wo bɔɛ ye, wo ɔ, a ni ka wɛ, wo ni bubuu ɛnden chɛ bɔ a ya a, min mu ka, kɔn gbondo chɛ ɛ sa ɔ wo ta ya a. Wo wan nɛnɛn fea ti chɛ nu, wo kɔn gbondo chɛ bɔ pɛn wo ta ya a, mbɛ wo kun‑da gbɛ kaina yen koe a gbadan, a bubuu chɛ bɔ koe a wo bɔɛ ya a.”

CHƆN 4:28

Mbɛ musu chɛ‑a a 'a yii chiti to, mbɛ a yɛ‑a duu ɔ. Mbɛ a‑a koe chɛ ɔ yian nɔ mɔɛ n na.

GBOO FEAN BƆƐ KƆYINDI KO A 5:16

Chɛ an fɛ mu, a ka gbɛ sanche ma, mmɔ ee mɔ ɔ mɔ ya to mɔgbuya ta fɛ chia a. Mmɔ na‑a Chasi wɛɛ ya boo ɔ boo mɔgbuya ta fɛ chia a, tima dɔndɔ a, mmɔ ee an yiinachii chɛ chɛ tena to a a.