DUKU 4:20 - Yataa 'a Dɔbɛnɛ Nama

²⁰ Mbɛ Chisɔsi‑a gboo chɛ da a tɔn, mbɛ a‑a a a yɛ chen kun ma fɛn mɔɛ chɛ ma. Mbɛ a yɛ‑a, a si‑a an kan koe a. Mɔɛ miin gbɛɛ ni ka samun chɛ chen chɛ a, an‑na an ya bɛn a ma.

DUKU 4:20 ပူးပေါင်းရင်းမြစ်များ

MATIU 26:55

Mbɛ Chisɔsi ɔ mɔ fanka chɛ ma, miin na‑a ka a bia‑a, a ɔ, “Wo nii wo wandi tɔɔ na koe a, chɛɛ chɛ mɛ n na wo boo ɔ, a basan kɔn ma tɛenɛ a, n bia koe a. Kanka ma chianden ma n na. Mmɔ‑a tee sɛsɛ wa chɛ gbɛɛ ban, Yataa 'a kata chɛ ɔ, n mbe kan chɛ‑a, wo ma n bia ni.

MATIU 27:60

Mbɛ a ta‑a a a, mbɛ a‑a a tɔn a wan Chosɛfi gbu ta kamba ɔ, min sinden ni senɛ ɔ. Mbɛ a‑a faa gban ba tundun kamba chɛ da a, mbɛ a ka‑a nɔ.

DUKU 19:48

Chɛɛ an nii ma chia kan kɔ kan sɔn ni a ma koe a, a mu min na, mɔɛ n gbɛɛ na‑a an too be wan Chisɔsi ma a tima chɛ a. An nii ma to ni a da a bai dɔndɔ wɛɛ ni fo an too a.

DUKU 4:17

Mbɛ an‑na gboo be a ma a kan koe a, Yataa 'a gbonka chɛ mɔɛ Aisaya na‑a min nyɛn. Mbɛ Chisɔsi‑a gboo chɛ da a ka a kaka dɔndɔ tena. Mbɛ a kuiɛ ma sɛenɛ a, a‑a a kan, a ɔ,

DUKU 4:21

Mbɛ a‑a a fɔ, a ɔ, “Wo‑a min na min ka, n‑na a kan wo tena Yataa 'a gboo chɛ ɔ, wo e ka an dɔ yen‑da gbɛ bi chɛndɛ chɛ.”

DUKU 5:3

Mbɛ Chisɔsi sɛ‑a dɛndɛ chɛ dɔndɔ ɔ, min ni Saimɔn 'na dɛndɛ a, mbɛ a‑a a fɔ a ye, a ɔ, a ni dɛndɛ gbu tundun yii ɔ ɛnden na. Chisɔsi si‑a dɛndɛ gbu ɔ, mbɛ a bun‑da mɔɛ n kan‑da.

CHƆN 8:2

Banda ka dɔndɔɛ ma, sayi ma, mbɛ a yɛ‑a to Yataa 'a kata chɛ ɔ. Mbɛ mɔɛ n gbɛɛ na‑a a 'a tindanɛ. A sin, a si‑a wan, mbɛ a bun‑da an kan‑da.

CHISƆSI 'A SƆ MƆƐ NU 16:13

Suin tee che‑a kɛn, nn bɔ‑a wan an duu wa dɛgbɛ chɛ ɔ, mbɛ nn ta‑a yii a sanɛ. A ni wan nn yii ma, mbɛ Chu mɔɛ chɛ n na sɔndenɛ ɛ ma‑a wan nɔ, samun chɛ koe a. Nn‑na musu chɛ n tan fan nɔ, an na sɔndenɛ ɛ kaina dɔndɔɛ, mbɛ nn koɔ‑a an tena.

CHISƆSI 'A SƆ MƆƐ NU 3:12

Pita‑a mɔɛ chɛ n yen kɛn an na tindanɛ, a‑a a fɔ an ye, a ɔ, “N bɔ Isɔɛɛ mɔɛ nu, kamin chɛ baun koe ma wo kɔndɔ fii. Wo ma nn ma fɛn ya dɔ mende a. A ma ma wo yii ma, mbɛ nn 'na gbasaya ɔ mu, nn‑na chɛ ma. An ma a fɔ ni, nn mbe a ma wan, Yataa faa ni chima kaka, min‑na a ma, nn‑na a ma kamin chɛ‑a tachɛ chɛ.