DUKU 4:16 - Yataa 'a Dɔbɛnɛ Nama

¹⁶ Mbɛ Chisɔsi yɛ‑a Nasaɛti duu ɔ, a bɔ‑a a ɔ kaina. Chu n 'na suin tee ma, a ta‑a wan an 'na samun chɛ chenɛ a, yɔ a ni a ma tee buɛ min dɔ. Mbɛ a‑a a kɔɔ sɔ, a sɔ‑a Yataa 'a gboo kan koe a mɔɛ chɛ n tena.

DUKU 4:16 ပူးပေါင်းရင်းမြစ်များ

MATIU 2:23

Mbɛ a ta‑a, a si‑a Nasaɛti duu ɔ. Chɛ‑a a ma wan, Yataa na‑a min na ben a 'a gbonka chɛ mɔɛ n dɔ, a ni bɔ a a. A ɔ, “An mbe na‑a a chee‑a wan Nasaɛti mɔɛ a.”

DUKU 2:39

Chosɛfi n fea Mɛi a, an ban‑da manda chɛ n gbɛɛ a tachɛ‑a, yɔ Mansa Yataa 'a sawa‑a min fɔ. Mbɛ an yɛ‑a an baa a, Nasaɛti duu ɔ, Kadidi chɛnyɛ ɔ.

DUKU 2:42

Chisɔsi ni kɛn san tan kun ma fea, an bɛ sɛ‑a wan bɛn chɛ ɔ, yɔ a woo mɔɛ n ni a ma buɛ min dɔ tee.

DUKU 2:51

Chɛ gbakɔ, Chisɔsi yii‑a wan Nasaɛti duu ɔ, an bɛ an na, a sin‑na kooya be wan an ma. A de‑a koe chɛ n gbɛɛ sa wan a yii ma, ɛ an tɛnsɛ a yiima ɔ.

DUKU 4:15

A ni ben fan kan chɛ‑a Chu n 'na samun chɛ chenɛ n na, a sin, mɔɛ n gbɛɛ ni a tando wan.

DUKU 4:17

Mbɛ an‑na gboo be a ma a kan koe a, Yataa 'a gbonka chɛ mɔɛ Aisaya na‑a min nyɛn. Mbɛ Chisɔsi‑a gboo chɛ da a ka a kaka dɔndɔ tena. Mbɛ a kuiɛ ma sɛenɛ a, a‑a a kan, a ɔ,

DUKU 4:21

Mbɛ a‑a a fɔ, a ɔ, “Wo‑a min na min ka, n‑na a kan wo tena Yataa 'a gboo chɛ ɔ, wo e ka an dɔ yen‑da gbɛ bi chɛndɛ chɛ.”

DUKU 4:23

Mbɛ Chisɔsi ɔ, “N danden fan mu a a, mbɛ wo e tai chɛ tɛ‑a wan a si n ma, min‑na a fɔ, a ɔ, ‘Danda chɛ mɔɛ, i wandi baun.’ Wo e a fɔ‑a wan to n ye, wo ɔ, wo‑a a a min fan, n‑na min ma Kapanaun duu ɔ, wo ɔ, n ni a nyɔn sima ma wɛ nɛ wɛɛ, n ta suun duu gbu ɔ.

CHƆN 18:20

Chɛɛ Chisɔsi ɔ, “N ma bai ɔ bai sa nin bɛ doee ɔ. Tima ɔ tima ko a, mɔɛ miin ni an too ma sɔ n ma, n ni koɔ wan an tena fanka ɔ den. Kanɛ gbɛɛ n ni min chɛ, n ni a chɛ wo 'a samun chɛ chenɛ n na wan, a basan Yataa 'a kata ɔ a, mɔɛ n gbɛɛ bɛn tena nu.

CHISƆSI 'A SƆ MƆƐ NU 17:2

Mbɛ Pɔɔ don‑da nɔ, yɔ a ta manda ni buɛ min dɔ. A sin wichi sawa ko a, an bɛ an na, an ni koe n tɛnsɛ wan, an nyɔn tɛ ɔ, Yataa 'a gboo ɔ.