DUKU 3:3 - Yataa 'a Dɔbɛnɛ Nama

³ Yataa koɔ‑a kɛn Chɔn tena, a ta‑a wan tanda n dɔ, Chɔdan yii a sanɛ gbɛɛ. Ɛ ta‑a Yataa 'a sakana bai ɔ yian‑da mɔɛ n na, a ɔ, mɔɛ n ni an kan kɔ sɔ an 'na ko yama a. A ɔ, mbɛ a‑a yii chɛ an kunɛ ɔ, Yataa chia a, a ɔ, min mbe a ma, Yataa ni a boo bɔ an 'na ko yama ɔ.

DUKU 3:3 ပူးပေါင်းရင်းမြစ်များ

MATIU 3:11

N fan, n mbe yii an chɛ wo kunɛ ɔ, min mbe a ɔ yian, mbɛ wo‑a wo kan kɔ sɔ wo 'a ko yama n na. Chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa wɛɛ bia koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

DUKU 1:16

Ɛ a ma‑a wan Isɔɛɛ mɔɛ sɛsɛ n ni yɛ an 'na Mansa Yataa chen kɔɔ.

DUKU 1:77

I wan mbe a ɔ yian mɔɛ n na, an mbe koe min ma, min mbe a ma, Yataa ni a boo bɔ an 'na ko yama n dɔ, mbɛ an‑na bauncha ma sɔn.

DUKU 4:1

Chisɔsi ɛ gbɛ ka‑a Chɔdan yii da a, Yataa Nyina ni wan a fɛ gban. A sin, Yataa Nyina chɛ‑a a a ya wan, mbɛ a ben ben‑da a a fuinɛ ɔ,

CHƆN 1:28

Chɛ gbɛɛ na‑a chɛ‑a a ɔ Bɛtani duu ɔ wan, Chɔdan yii kaka dɔndɔɛ ma, tee bɔ chia a. Chɔn ni nɔ wan, ɛ yii chɛ‑a mɔɛ n kunɛ ɔ, Yataa chia a.

CHƆN 3:26

Mbɛ an na‑a Chɔn tena, an dɔ, “Kan mɔ, kaminɛ wɛɛ yen ko pan yii chɛ‑a mɔɛ n kunɛ ɔ, Yataa chia a. Mɔɛ n mbe nyɔndɔn tena wan gbɛ a tena. A to‑a wan i yii ma, wo fea ni kaminɛ min na Chɔdan yii kaka dɔndɔɛ ma, e min chee ka kunka mansa a, an kamin chɛ mu.”

CHISƆSI 'A SƆ MƆƐ NU 13:24

Chisɔsi e na to a 'a wai kuu sɔ‑a dunya chɛ ɔ, Chɔn‑na Yataa bai sa wan Isɔɛɛ mɔɛ n gbɛɛ tena, an kan kɔ sɔ koe a, an 'na ko yama n na, a ni yii chɛ an kunɛ ɔ, Yataa chia a.

CHISƆSI 'A SƆ MƆƐ NU 19:4

Mbɛ Pɔɔ ɔ, “Chɔn ni yii min chɛ mɔɛ n kunɛ ɔ, Yataa chia a, a sien ni mɔɛ n kan kɔ sɔɛ koe an na, an 'na ko yama n na. A ni a fɔ wan to mɔɛ n ye, mbɛ an ni an kai fa mɔɛ chɛ a, min mbe na tena a gbaa chia a. A wan Chɔn chɛ sin, a ni ka bai sa‑a a si Chisɔsi an ma.”

CHISƆSI 'A SƆ MƆƐ NU 22:16

A sin, e gbɛ fen ma kɔnun tena? I kɔɔ sɔ, i ni Mansa Chisɔsi chee basan koe a i ma, mbɛ yii chɛ‑a i kunɛ ɔ, Yataa chia a, i ni ko fion, a bɔ i 'a ko yama n dɔ.’