DUKU 3:14 - Yataa 'a Dɔbɛnɛ Nama

¹⁴ Soya dɔ n bɛɛ na‑a wan, an dɔ, “Nn bɛɛ sin? Nn mbe ma ka ma?” Mbɛ a ɔ, “Wo ma kɔpɔɛ bia mɔ ɔ mɔ boo ɔ gbasaya a. A yɛ to, wo ma fania fɔ mɔ ɔ mɔ ma. Wo faa ni chima wo 'a pawa a.”

DUKU 3:14 ပူးပေါင်းရင်းမြစ်များ

MATIU 8:5

Mbɛ Chisɔsi ta‑a Kapanaun duu ɔ. Soya gbakoo dɔndɔ ni wan nɔ, min ka‑a Domi chɛnyɛ ɔ. Soya chɛmɛ dɔndɔ an fan ni a kɔɔ. Chisɔsi ni kɛn don‑da nɔ, a na‑a wan Chisɔsi tena, disa ɔ.

DUKU 19:8

Chɛɛ Sakayɔsi sɔ‑a wan Mansa Chisɔsi ya kɔɔ, mbɛ a ɔ, “Fa, n yen ko, n boo fenɛ gbɛɛ, n mbe a du‑a wan si tena fea a, mbɛ n‑na a kaka dɔndɔɛ be yɔn tɔɛ n ma. A sin, ni n‑na mɔ ɔ mɔ kafa fen kɔ fen na, n mbe a a yɛ‑a wan a ma, si tena naanin dɔ.”

DUKU 3:10

Mbɛ mɔɛ dɔ nu mɔ fanka chɛ ɔ, an dɔ, “Nn mbe ma ka ma gbɛ?”

DUKU 3:13

A ɔ, “Wo ma pawa bia mɔɛ n boo ɔ, sawa ma min fɔ ni.”

CHISƆSI 'A SƆ MƆƐ NU 10:7

Mbɛ maeka chɛ ban‑da kɛn koɔ‑a Kɔniyɔsi tena, a ta‑a gbae. Mbɛ Kɔniyɔsi‑a bɔi den fea n ya, miin ni wai chɛ tena a kɔɔ a 'a chenɛ a, ni soya mɔ dɔndɔ. An soya mɔɛ chɛ wɛɛ, a Yataa koen ni kaka, a sin fan ni Kɔniyɔsi fɛ basan koe a a ma.

Gboo Fiipai Ko A 2:15

Chɛ ɛ a ma‑a wan, tɛɛsi ee ma‑a wo ma, wo wɛn mu ka Yataa 'a denɛ n na. Wo tachɛ buɛ mɔ yama wa chɛ n tɛ ɔ, a ni nyan, a ma bɔ an ta a ɛnden bɛɛ a. Mabɔ ee ma‑a wo ma, mɔɛ chɛ n tɛ ɔ, miin dɔ chɛ chɛen mu, ko yama ma mɔ wa chɛ nu. Wo e man‑da wan an tɛ ɔ, yɔ tɔmbuaka n mbe man buɛ min dɔ pimbi ɔ.

Gboo Fiipai Ko A 4:11

An ma a fɔ ni, n mbe ka gbonyɛ an na, mbɛ fen mbe ee n boo ɔ. Koe min na mu, n dii koe mu gbɛ, mbɛ fɔɛ ɛ ma buɛ min dɔ n ko a, tima ɔ tima, a ni ma faachima a n tena.

TAITƆSI 2:3

A fɔ musu ma taenɛ n bɛɛ ye, an ni baa be Yataa ma an sɔnɛ n dɔ. An ma ma yɔnɛ a gbɛ ko a, an ma tɔ ɔ tɛ yama chɛ. An mbe kanɛ min chɛ, a ni ma kan chɛndɛ a.

KO Ɔ NUNDENƐ 12:10

Mbɛ n‑na mɔɛ koɔ kuiɛ a min, a ka banda bu ɔ. A koɔ‑a gbankon, a ɔ, “Mmɔ 'a Yataa‑a chɛɛ fo gbɛ. Ɛ a 'a gbasaya a tachɛ wan gbɛ, a 'a mansaya dunya kun ma. Yataa 'a Chasi wɛɛ, mmɔ kun ka mansa, ɛ a 'a gbasaya yian‑da wan dunya ɔ. Nyina yama n 'na mansa chɛ ee to sɔ ɔ Yataa chen kɔɔ, a ee to nɔ, kun yama si koe a mmɔ bɔɛ n kun ma su ɔ tee. Nyina yama chɛ fesan‑da nɔ, a a dɛ‑a dunya ɔ.