DUKU 3:13 - Yataa 'a Dɔbɛnɛ Nama

¹³ A ɔ, “Wo ma pawa bia mɔɛ n boo ɔ, sawa ma min fɔ ni.”

DUKU 3:13 ပူးပေါင်းရင်းမြစ်များ

MATIU 7:12

“Chɛ an‑na a fɔ, wo toen mu mɔɛ n ni koe min nyɔn sima a tachɛ wo tena, min na di wo ye, wo a nyɔn sima an na tachɛ an bɛɛ tena. Yataa‑a sawa miin be Mosisi ma, a basan gboo chɛ n na, Yataa 'a gbonka chɛ mɔɛ n‑na miin nyɛn, an‑na a fɔ ka wan.”

DUKU 19:8

Chɛɛ Sakayɔsi sɔ‑a wan Mansa Chisɔsi ya kɔɔ, mbɛ a ɔ, “Fa, n yen ko, n boo fenɛ gbɛɛ, n mbe a du‑a wan si tena fea a, mbɛ n‑na a kaka dɔndɔɛ be yɔn tɔɛ n ma. A sin, ni n‑na mɔ ɔ mɔ kafa fen kɔ fen na, n mbe a a yɛ‑a wan a ma, si tena naanin dɔ.”

DUKU 3:12

Pawa bia mɔɛ dɔ n bɛɛ na‑a wan Chɔn tena, yii chɛ koe a an kunɛ ɔ, Yataa chia a. Mbɛ an dɔ, “Ticha, nn mbe ma ka ma?”

DUKU 3:14

Soya dɔ n bɛɛ na‑a wan, an dɔ, “Nn bɛɛ sin? Nn mbe ma ka ma?” Mbɛ a ɔ, “Wo ma kɔpɔɛ bia mɔ ɔ mɔ boo ɔ gbasaya a. A yɛ to, wo ma fania fɔ mɔ ɔ mɔ ma. Wo faa ni chima wo 'a pawa a.”

GBOO SAA KƆYINDI KO A 6:10

N mbe ee a fɔ, chɛ n bɛɛ, miin mbe kanka chɛ, ni miin fen ko yaen mu kaka. A yɛ to, gbɛ min mɔ wa an bɛɛ, ni miin mbe tɔ ɔ tɛ yama chɛ, an bɛ kafa tɔɛ n na. An dɔndɔ wɛɛ ee don‑da Yataa 'a mansaya kɔɔ.

Gboo Ɛfisɔsi Ko A 4:28

Mɔɛ min mbe kanka chɛ, a ma a chɛ to. Chɛɛ ɛ min ma, a ni a gboo be wai chɛ koe a. A ni wai chɛ tea chia a, a boo fea a. Chɛ an mbe a ma‑a, a bɔɛ chɛ nu, fen mbe ee miin boo ɔ, a ni kun basan koe an ma.

GBOO IBU MƆƐ N KO A 12:1

Chɛ gbɛɛ an fɛ mu, mmɔ wɛɛ, mɔɛ chɛ n gbɛɛ mbe wan nɛ mmɔ tɛ ɔ, miin na‑a a ɔ yian an chɛ chɛ wai n dɔ, mbɛ an kai faen fan mu Yataa a. Chɛ ko a, mmɔ ni mmɔ boo bɔ ko ɔ ko ɔ, miin mbe mmɔ ɔ chɛ chɛ. Chɛ n mu ko yama n fan na, miin mbe mmɔ bia gban. A sin, mmɔ ni mmɔ ma bɛn koe n ma koe a a chia ma, fɔɛ ɔ min mbe ya ɔ ma. Mmɔ an ma mmɔ sɔɛ gbɛɛ a, yɔ mɔɛ ɛ bui chɛ buɛ min dɔ, bui chɛ bɛnɛ ɔ.