DUKU 3:11 - Yataa 'a Dɔbɛnɛ Nama

¹¹ Mbɛ Chɔn dɔ an ma, “Doma fea ɛ mɔɛ min boo ɔ, a ni dɔndɔ be a bɔɛ ma, a ee min boo ɔ. Mbɛ mɔ ɔ mɔ daun fenɛ koo min boo ɔ, a ni a du an fea a bɔɛ a.”

DUKU 3:11 ပူးပေါင်းရင်းမြစ်များ

MATIU 25:40

Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an na‑a koe chɛ n gbɛɛ chɛ wan n fɛ mɔɛ den tachɛen bɛɛ ye, baa ee miin ma an tɛ ɔ, n dɔ, an nii ma a chɛ ni ka an fan ye, an na‑a a chɛ ka n fan ye.

DUKU 11:41

Chɛɛ wo wo boo fenɛ n be yɔn tɔɛ n ma, wo faa gbɛɛ a. Ni wo‑a chɛ ma, ko kan kɔ kan wo e min ma‑a, ɛ Yataa faa chima‑a wan.

DUKU 18:22

Chisɔsi‑a chɛ a min kɛn, mbɛ a ɔ, “Ko dɔndɔ gbe an to‑a, e min ma gbɛ. I boo fenɛ n gbɛɛ ma tachɛ. Mbɛ i‑a a kɔpɔɛ chɛ ya, i‑a a be yɔn tɔɛ n ma. Chɛ‑a a ma wan, i ni nyanɛ ma sɔn banda bu ɔ. Ni i‑a chɛ ma, mbɛ i na‑a i ma‑a n fɛ denɛ a.”

DUKU 19:8

Chɛɛ Sakayɔsi sɔ‑a wan Mansa Chisɔsi ya kɔɔ, mbɛ a ɔ, “Fa, n yen ko, n boo fenɛ gbɛɛ, n mbe a du‑a wan si tena fea a, mbɛ n‑na a kaka dɔndɔɛ be yɔn tɔɛ n ma. A sin, ni n‑na mɔ ɔ mɔ kafa fen kɔ fen na, n mbe a a yɛ‑a wan a ma, si tena naanin dɔ.”

CHƆN 13:29

A ni fɛ den chɛ n dɔ n yii ma, mbɛ Chisɔsi na‑a a sɔ wan ka, a ni ta daun fenɛ san, kun bɔ a ɔ bɛn chɛ ko a. Ni chɛ ma, a ni fen den be yɔn tɔɛ n ma. A yen ko, a wan Chudasi, an ni an 'na kɔpɔ sa tena ɔ bɛn mɔɛ a.

CHISƆSI 'A SƆ MƆƐ NU 10:2

An kamin chɛ ni mɔɛ an na, min ni kooya be Yataa ma. A ni Yataa fai wan tima ɔ tima ko a, an bɛ a 'a chen 'na mɔɛ n gbɛɛ a. A boo fenɛ nii ma dɔɔ, a ni min be, basan koe a yɔn tɔɛ n ma. A gboo ɔ nii fa, samunɛ chɛ koe a.

CHISƆSI 'A SƆ MƆƐ NU 10:31

Mbɛ a‑a a fɔ, a ɔ, ‘Kɔniyɔsi, Yataa‑a i 'a samunɛ a min. A sin, a‑a a ɔ yen, e boo fenɛ miin be yɔn tɔɛ n ma.

CHISƆSI 'A SƆ MƆƐ NU 10:4

A‑a maeka chɛ ma fɛn fan tidan, a chianden ba ɛ. Mbɛ a‑a a ɔ tisa, a ɔ, “Mansa, fen mu?” Mbɛ maeka chɛ ɔ, “Yataa‑a i 'a samunɛ n na min. A‑a a ɔ yen, e boo fenɛ miin be tena yɔn tɔɛ n ma. A sin, a ma bɛnden mu, a ni i 'a samunɛ a bia.

Gboo Ɛfisɔsi Ko A 4:28

Mɔɛ min mbe kanka chɛ, a ma a chɛ to. Chɛɛ ɛ min ma, a ni a gboo be wai chɛ koe a. A ni wai chɛ tea chia a, a boo fea a. Chɛ an mbe a ma‑a, a bɔɛ chɛ nu, fen mbe ee miin boo ɔ, a ni kun basan koe an ma.

1 TIMOTI 6:17

N toen mu i ni a fɔ chɛ n ye, miin nyanden mu dunya chɛ ɔ, an ma dɔpandaya bɔ, an sin ma an yii sɔ an 'na nyanɛ ma, fenɛ mu a a, min ma namaen mu. Chɛɛ an ni an yii sɔ Yataa an ma, min mbe fen kɔ fen be mmɔ ma, mmɔ 'a buɔdia ko a.

1 TIMOTI 6:18

N toen mu i ni a fɔ an ye, an ni ko chɛndɛ ma, an ni nyan wai chɛndɛ ɔ, an ni ma boo ka tɔ wa a, an ma bɛndenɛ ni ma tima ɔ tima chɛ a.

GBOO IBU MƆƐ N KO A 6:10

Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.

CHIMISI 1:27

Mmɔ ɛ basan fan chiandenɛ n ma, an bɛ fuinya n na, ni an deman koe bɔ‑a. Mmɔ sin mbe ee a ma, dunya chɛ ɔ ko yama ma ni mmɔ wɛɛ ɔ chɛ. Chɛ an mu fɔɛ chɛndɛ a, mmɔ Fa Yataa toen mu min na, ma bɔ ee min ma.

CHIMISI 2:14

N suun ma nyɔɛ nu Chasi ɔ, ni mmɔ‑a a fɔ, mbɛ mmɔ kai faen mu Yataa a, a ni yen mmɔ tachɛ buɛ ma fɔɛ ɔ. Ni mmɔ ma chɛ ma ni, mbɛ mmɔ kai fa buɛ chɛ Yataa a, a ee mɔ ɔ mɔ baun.

1 CHƆN 3:17

Mɔ ɔ mɔ min boo cheen mu deman chɛ koe a, a ni a suun ma nyɔɛ deman, min ya kɔɔ tawaen mu. Chɛɛ ni a‑a a faa a kɔɔ a suun ma nyɔɛ chɛ ma, a ee che a fɔ‑a, mbɛ a toen fan mu Yataa a a faa ɔ.

1 CHƆN 4:20

Ni mɔ ɔ mɔ‑a a fɔ, mbɛ a toen fan mu Yataa a, chɛɛ a ma to ni a suun ma nyɔɛ a, ɛ ka fania an fɔ‑a. Koe min na mu, mɔ ɔ mɔ min ma to ni a suun ma nyɔɛ a, ɛ min yen tee ɔ tee a, a mɔɛ chɛ ee che to‑a Yataa a, a ee min yen.