DUKU 3:1 - Yataa 'a Dɔbɛnɛ Nama

^1-2 Chɛ ɔ mɛen gbakɔ, Sakaaya 'a denɛ Chɔn ni gbɛ fuinɛ ma wan, mbɛ Yataa koɔ‑a a tena. Chɛ ɛ ma‑a tima min na, Tibɛyɔsi ni a sanɛ tan kun ma duun bɔɛ an dɔ, Domi kun ti wa ya a. Pɔnchɔsi Padeti an ni kɔfana a Chudia chɛnyɛ ɔ. Kadidi chɛnyɛ sin dɔ kun ti tɔ ni Ɛdɔdi. A kɔɔ Fiipi wɛɛ ni kun ti an na Ituyia chɛnyɛ kun ma, a basan Takonitisi a. Abidini chɛnyɛ kun ti ni Disanyasi an na. Chu n 'na tɛ mɔ wa nu Yataa tena, an ni Anasi n fea n na Kayafasi a.

DUKU 3:1 ပူးပေါင်းရင်းမြစ်များ

MATIU 14:1

A tima chɛ a, mbɛ Ɛdɔdi, min ni mansa a Kadidi chɛnyɛ ɔ, a‑a Chisɔsi ma tɔɛ chɛndɛ a min kaka.

MATIU 14:3

Mansa Ɛdɔdi na‑a chɛ fɔ koe min na, a na‑a a kɔɔ kaima Fiipi 'a musu bɔ wan a boo ɔ, bɔɔɛ Ɛdɔdiyasi. Chɔn ni a fɔ wan a ye, mbɛ a‑a ko yama an ma ka. Ɛdɔdiyasi wakoe a, Mansa Ɛdɔdi‑a mɔɛ n sɔ Chɔn bia koe a. An‑na a chii, mbɛ an‑na a a dɛ pimbi chenɛ a.

MATIU 14:6

Chɛɛ Chɔn ni pimbi chen chɛ an na, mbɛ Mansa Ɛdɔdi‑a mɔɛ n chee bɛnɛ ɔ, buɔdia bɔ koe a, a si a suun tee ma. Ɛdɔdiyasi 'a den musuma na‑a tɔmbɔɛ don fan mɔɛ chɛ n ya kɔɔ, min na‑a Mansa Ɛdɔdi faa chima kaka,

MATIU 22:17

Chɛ an fɛ mu, a yen ko, mmɔ ɛ pawa chɛ tima ɔ tima, Domi kun ti wa tena. A ɔ yian bɛ nn na, i ta yiima ɔ, i‑a pawa chɛ be koe yen ka ma, a nyin fan?”

MATIU 27:2

Mbɛ an‑na a ma, mɔɛ n‑na Chisɔsi chii. Mbɛ an ta‑a a a, an‑na a ma konan Kɔfana Padeti ma, min ni kɔfana a Chudia chɛnyɛ ɔ, Domi kun ti wa kɔɔ.

MAKI 6:17

Mansa Ɛdɔdi wandi gbu, an na‑a mɔɛ n sɔ Chɔn bia‑a. A sin fan‑na a fɔ, an ni a sa yɔɔɛ a, pimbi chenɛ a. Mansa Ɛdɔdi na‑a chɛ ma Ɛdɔdiyasi an fɛ, a dɔɛ Fiipi 'a musu. A na‑a chɛ ɔ sɔn bɛɛ boo ɔ boo, a‑a a ma wan a 'a musu a.

MAKI 6:21

A danka a, Ɛdɔdiyasi‑a chia yen Chɔn ma. Mansa Ɛdɔdi suun tee che‑a, mbɛ a‑a daun chɛ bɛnɛ ɔ bɛn, a 'a mɔ chenama n ko a. A 'a chɛnyɛ mansa nu, soya n ya ɔ sɔɛ nu, a basan gbakoo n na, miin ni Kadidi chɛnyɛ ɔ.

DUKU 13:31

A tima dɔndɔ gbe chɛ a, Chu mɔɛ dɔ nu, miin ni Fayisii n na, an na‑a wan Chisɔsi tena, mbɛ an dɔ, “Bɔ nɛ, i ni ta kaina dɔ mende, koe min na mu, Mansa Ɛdɔdi toen mu a ni i fa.”

DUKU 2:1

A tima chɛ a, Domi kun ti wa ni wan nɔ, min tɔ ni Ɔkɔsɔsi. An ni mansa a Domi chɛnyɛ wa kun ma. A na‑a sawa a ben fan, mbɛ mɔɛ miin gbɛɛ mbe a 'a gbasaya kɔɔ, an ni an tɔɛ n be an dan koe a.

DUKU 23:24

Mbɛ Kɔfana Padeti dɔn‑da an ni Chisɔsi gbangban kɔn gbengbandenɛ ma, a ni fa nɔ, yɔ an‑na a fɔ buɛ min dɔ.

DUKU 3:19

Chɛɛ chɛ gbakɔ, Chɔn‑na tea fɔ wan Mansa Ɛdɔdi ye. A ɔ, a ma tea ko ma ni, a kɔɔ kaima 'a musu Ɛdɔdiyasi bɔ koe a a boo ɔ, a ni a ma a 'a musu a. Mansa chɛ 'a ko yama ma gba dɔ mende nu, a‑a an bɛɛ fɔ wan a ye.

DUKU 9:7

Mansa Ɛdɔdi, min ni Kadidi chɛnyɛ kun ma, a‑a koe chɛ n gbɛɛ a min, min ni ma tena gbɛ. A a fii‑a wan, koe min na mu, mɔɛ dɔ n ni wan a fɔ tena, mbɛ Chɔn, min ni yii chɛ mɔɛ n kunɛ ɔ, Yataa chia a, an yɛ‑a ka to fɔɛ ɔ.

CHISƆSI 'A SƆ MƆƐ NU 23:26

N fan, Kaudiyɔsi Disiyasi, n fan mbe gboo chɛ nyɛn tena kai wa chɛ tena, Kɔfana Fedisi. Fa, n ni i kɔndɔn.

CHISƆSI 'A SƆ MƆƐ NU 24:27

Chɛɛ san fea ben‑da kɛn, Kɔfana Fedisi bɔ‑a wan kɔfanaya ma. Mbɛ Pɔsiyɔsi Fesɔsi yɛ‑a a gba ɔ. Kɔfana Fedisi toen fan ni, a ni a ɔ yian, mbɛ a ni deman tena wan Chu mɔɛ n ma, min‑na a ma, a‑a Pɔɔ da a tɔndenɛ to pimbi chenɛ a.

CHISƆSI 'A SƆ MƆƐ NU 26:30

Mbɛ mansa chɛ‑a a kɔɔ sɔ, an fea kɔfana a, ni Banisi, an bɛ chɛ n gbɛɛ a, an bɛ ni si ɔ miin na,

CHISƆSI 'A SƆ MƆƐ NU 4:27

Tea gbu sin ko a, nɛ ni Chuusaɛn duu chɛ ɔ, an‑na an kun puin kaina, i 'a wai chɛ mɔɛ Chisɔsi Chasi ma, min mbe tenchen i ko a. I‑a i boo sɔ an ma kunka mansa a. Mansa Ɛdɔdi, ni Kɔfana Pɔnchɔsi Padeti, an bɛ an na‑a an kun puin chɛ chɛ, an bɛ mɔɛ chɛ n na miin ma Chu mɔ n na, a basan Isɔɛɛ mɔɛ n gbɛɛ a, ko yama ma koe a kunka mansa chɛ a.