DUKU 2:9 - Yataa 'a Dɔbɛnɛ Nama

⁹ Mbɛ Mansa Yataa 'a maeka bɔ‑a an ya a. A sin, manɛ‑a an na bɛn fan, Mansa Yataa 'a manɛ. Mbɛ an chian‑da kaka.

DUKU 2:9 ပူးပေါင်းရင်းမြစ်များ

MATIU 1:20

Chɛɛ ɛ kɛn an yiinachii chɛ ɔ, a yen ko, Mansa Yataa 'a maeka na‑a a tena cho ɔ. Mbɛ a ɔ, “Chosɛfi, Mansa Defidi 'a dambi ɔ nyɔɛ, i ma sika Mɛi si koe a i 'a musu a. Koe min na mu, a‑a bu min ya ka, Yataa Nyina an‑na a be a ma.

DUKU 1:28

Maeka chɛ na‑a wan Mɛi tena, mbɛ a‑a a kɔndɔn, mbɛ a ɔ, “Mansa Yataa ɛ i fɛ gban, mbɛ a sin‑na i dua a ɔ bendenɛ a.”

DUKU 2:8

A su chɛ ɔ, sa kun ma fɛn mɔɛ dɔ n ni wan nɔ, an chɛnyɛ chɛ kaka dɔndɔ ma, an mbe an 'na sa n kun ma fɛn‑da, sa wɛɛ n dɔ.

DUKU 24:4

Mbɛ an na fii‑a, a si koe chɛ ma. An to‑a chɛ an dɔ, mbɛ a yen ko, mɔ kaima fea bɔ‑a an ya a, an mbe sɔ ɔ an baima, an ma chiienɛ ɛ koa manden ba ɔ.

CHƆN 12:41

Aisaya na‑a chɛ fɔ, koe min na mu, a na‑a a yen fan, Chisɔsi ni na tena ma‑a kamaya tɔɛ min na. A sin, chɛ an na‑a a ma, a na‑a a kɔɔ fɔ mɔɛ n ye.

CHISƆSI 'A SƆ MƆƐ NU 12:7

Mbɛ a yen ko, Mansa Yataa 'a maeka bɔ‑a a pimbi chen chɛ a. Pimbi chenɛ gbu, a dumu bu ɔ, Pita ni kaina, maeka chɛ 'a manɛ‑a a ɔ ka wan. Mbɛ maeka chɛ‑a Pita tɔnfɛ ma gbasi, a‑a Pita a kunɛ, a ɔ, “I a sɔ bui chɛ a.” Mbɛ a ya kɔɔɛ a, yɔɔɛ min ni ka Pita boo ma, a fuin‑da, mbɛ a bea‑a.

CHISƆSI 'A SƆ MƆƐ NU 27:23

Koe min na mu, kunun yɛɛ ma, Yataa min ta mu n na, a yɛ to, n mbe min fai, a 'a maeka ni wan sɔ ɔ n baima,

CHISƆSI 'A SƆ MƆƐ NU 5:19

Chɛɛ a yɛɛ chɛ ma, Mansa Yataa 'a maeka na‑a wan, mbɛ a‑a pimbi chen chɛ da gbɛɛ a ka gbasi. Mbɛ a‑a a ma, Chisɔsi 'a sɔ mɔɛ chɛ n bɔ‑a pimbi chen chɛ a. Mbɛ a‑a a fɔ an ye, a ɔ,

GBOO FEAN BƆƐ KƆYINDI KO A 3:18

Mmɔ gbɛɛ sin, koa kan kɔ kan mbe ee to bun dɔ mmɔ ya a. Chɛ an fɛ mu, mmɔ ɛ Mansa 'a manɛ an na ta, yɔ mɛmɛ. Yataa Nyina sin, min mu Mansa chɛ a, ɛ a ma tena wan, mmɔ ma‑a tee ɔ tee a Yataa bɔ nyɔɛ a, manɛ ɔ.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

GBOO IBU MƆƐ N KO A 12:21

An koe ma chianden ni sai ma, min‑na a ma, Mosisi‑a a fɔ, a ɔ, “N mbe samba tena wan, chiandia a.”

KO Ɔ NUNDENƐ 18:1

An musu chɛ yendenɛ gbakɔ, mbɛ n‑na maeka dɔ mende yen to yii‑a, a ka banda bu ɔ. Gbasaya min ni a boo ɔ, a ni koo kaka. A sin, dunya gbɛɛ ɔ kaen fan ni wandaun, a 'a manɛ a.

KO Ɔ NUNDENƐ 20:11

Mbɛ n‑na mansa sea wa dɛgbɛ yen banda bu ɔ, a gbɛenɛ fion, Yataa ɛ si ɔ a ma. A bɔ‑a kɛn dechee a a, duu gboo fea banda a, an tuin‑da, mɔ ɔ mɔ ma an yen ni to.