DUKU 2:34 - Yataa 'a Dɔbɛnɛ Nama

³⁴ Mbɛ Simiyɔn‑na an dua, mbɛ a‑a a fɔ den chɛ de Mɛi ye, a ɔ, “Denɛ chɛ i boo ɔ, ɛ a ma‑a wan mmɔ Isɔɛɛ mɔɛ nu, Yataa ni mmɔ sɛsɛ kondon, mbɛ a yɛ‑a, a‑a mmɔ sɛsɛ a sɛ. An mbe a ma‑a, mmɔ Isɔɛɛ mɔɛ n ni tea a min. Chɛɛ mmɔ sɛsɛ ɛ ban‑da wan a ɔ.

DUKU 2:34 ပူးပေါင်းရင်းမြစ်များ

MATIU 11:19

Chɛɛ n fan, Mɔ Gbu 'a Denɛ, n na‑a kɛn, n mbe daunɛ chɛ wan, a yɛ to, n mbe gbɛ min fan. An‑na a fɔ wan to, an dɔ, nun namaya tɔɛ mu n na, an dɔ, kɔn gbasi kai mu to n na. An dɔ te to, n fan mu pawa kain mɔɛ n dia nyɔɛ a, a basan mɔɛ tɔɛ n na, miin mbe ee sɔ ɔ Yataa 'a chia ma. Chɛɛ mɔɛ n mbe a ɔ yen‑da wan, mbɛ Yataa 'a yiimatɛ an mu tea tea yiimatɛ a. An mbe chɛ ɔ yen‑da koe n fan ma, mɔɛ chɛ n mbe miin ma‑a, mɔɛ chɛ nu, Yataa‑a a 'a yiimatɛ chɛ be miin ma.”

MATIU 12:46

Chisɔsi ɛ koɔ tena chɛ wan mɔ fanka chɛ tena, mbɛ a de na‑a, a sɔ‑a baa ma, an bɛ a dɔ kaima n na. An toen ni an ni a yen.

MATIU 21:44

Ni mɔ ɔ mɔ kan kɔ kan bea‑a an sen chɛ ma, ɛ a ma kai‑a wan. A sin to, ni sen chɛ sin bea‑a mɔ ɔ mɔ ma, ɛ a mɔɛ chɛ ɔ funku funku‑a wan.”

MATIU 27:63

Mbɛ an dɔ, “Mansa, tima min na da ɔ gbaa tɔɛ chɛ ni fɔɛ ɔ, nn yii to‑a wan a ɔ, a na‑a bai min fɔ. A na‑a a fɔ wan, a ɔ, Yataa ɛ a kɔɔ sɔ‑a wan a ka saya ɔ, tee fea a sawan bɔɛ ma.

DUKU 2:35

Chɛ ɛ a ma‑a wan, mɔ sɛsɛ n faa n dɔ koe n dɔ ni sɔn. I sin, Mɛi, ɛ ma‑a wan i ma faayɔn ba dɛgbɛ a, koe chɛ n gbɛɛ ɛ ma‑a tima min na.”

CHƆN 3:20

Mɔ ɔ mɔ min mbe ko yama n ma, a ma to ni man chɛ a, a sin, a e na man chɛ ɛ ma kaina min. Koe min na mu, a ma to ni, man chɛ ni a 'a ko yama n na bɔ ya a ma.

CHƆN 5:18

A 'a bai chɛ, a gbu‑a a ma gbɛ, Chu n ya ɔ sɔɛ chɛ n‑na an faa a kɔɔ gbɛ chɛndɛ chɛ, a fa koe a. An ma yiinachii chɛ chɛ ni, an 'na sawa chɛ dechee an yɔn koe ko a. Chɛɛ a‑a a fɔɛ min chɛ ka, mbɛ a fa an nɛ Yataa a. Mbɛ a chia chɛ a, a‑a a wandi ya wan ka, mbɛ an fea Yataa a, an na kanden fan mu.

CHISƆSI 'A SƆ MƆƐ NU 13:45

Chu mɔɛ chɛ nu, an‑na fanka wa chɛ yen kɛn, toomaya‑a an faa fa wan gban. Mbɛ an‑na Pɔɔ da a bai gbɛɛ kɔɔsa bia, an yɛ‑a to, an‑na a main.

CHISƆSI 'A SƆ MƆƐ NU 17:6

Chɛɛ an ma an yen ni kɛn, an bea‑a gbɛ Chason fan ma, mbɛ an‑na a konkon, a basan Chisianɛ dɔ n na. Mbɛ an na‑a an na duu ɔ gbakoo n tena, an dɔ, “Mɔɛ chɛ n fan‑na dunya gbɛɛ a mun mun ben‑da. Sanche gbɛ, an na‑a nɛ mmɔ 'a duu wɛɛ ɔ,

CHISƆSI 'A SƆ MƆƐ NU 24:5

Koe min na mu, nn‑na a ɔ yen gbɛ, mbɛ kamin chɛ mu mɔ gbu yama yama an na. A wan mbe gbunɛ a bea kan kɔ kan, Chu mɔɛ n mbe kaina min kan kɔ kan dunya ma. A yɛ to, a wan mu ya ɔ sɔɛ a dɔbɛn chɛ ko a, an mbe min chee, an dɔ, Nasaɛti mɔɛ n 'na dɔbɛnɛ.

CHISƆSI 'A SƆ MƆƐ NU 28:22

Chɛɛ chɛ gbɛɛ ɔ, nn toen mu, nn ni i wandi kanɛ ɔ kuiɛ a min, nn ni i ta yiima sɔn. Koe min na mu, koe min sien mu Chisian dɔbɛn chɛ ma, nn‑na a ɔ sɔn fan, mbɛ kan kɔ kan, mɔɛ n mbe a ma nyin fan.”

CHISƆSI 'A SƆ MƆƐ NU 4:26

Mbɛ dunya ɔ mansa n‑na an fandi ma bɛn, mbɛ kun ti n na kan‑da kaina dɔndɔ, butuin chɛ koe a Mansa Yataa a, an fea kunka mansa a, a‑a a boo sɔ min ma.’

CHISƆSI 'A SƆ MƆƐ NU 6:7

Mbɛ a ka gbɛ a tima chɛ ma, Yataa 'a bai a fasan‑da wan a ɔ gbɛɛ ɛ. Chisɔsi fɛ denɛ n da a koa‑a wan gbeden Chuusaɛn duu ɔ, mbɛ Chu n tɛ mɔɛ nu Yataa a, an sɛsɛ‑a an boo si sakana bai chɛndɛ chɛ kɔɔ.

GBOO DOMI KO A 9:32

Fen na‑a a ma, an nii ma tan ni Yataa tena? Koe min na mu, an yii faen ni an chɛ chɛ wai n fan ma, an yii na nii ma tɛ ni an kai fa buɛ ma Yataa a. An na‑a nama wan sen chɛ ma, sen chɛ min mbe a ma ka, mɔɛ n mbe bea.

GBOO SAA KƆYINDI KO A 1:23

Chɛɛ nn‑na a ɔ yian fan, mbɛ mɔɛ n na‑a kunka mansa fa wan, kɔn gbengbandenɛ ma. Chu mɔɛ n tana, an mbe chɛ ya mainɛ an na. Chɛ n sin, miin ma Chu mɔ a, an mbe a ya dechee wooya bai an na.

GBOO IBU MƆƐ N KO A 7:1

Mɛchisɛdɛki chɛ, mansa ni an na, Saden duu ɔ. A sin to, tɛ mɔɛ ni a a, Yataa Wa tena. Tima dɔndɔ a, Ebeami ni wan ka tena chɛɛ ɔ. An na‑a mansa naaninɛ n 'na chɛɛ chɛ mɔɛ n kun tɛ an chɛɛ an dɔ. Mɛchisɛdɛki na‑a an tan fan. A sin, a wan Mɛchisɛdɛki na‑a Ebeami dua wan.

GBOO IBU MƆƐ N KO A 7:7

Mɔɛ sin, min mbe mɔɛ dua, a benden mu mɔɛ chɛ ma, ɛ min dua ka. Kɔɔsa bia kan kɔ kan mbe ee chɛ ma.

1 PITA 4:14

An mbe wo wɛn main‑da, an dɔ, Chisɔsi Chasi fɛ mɔɛ mu wo a, dua ɛ wo ma. Chɛ‑a a ɔ yian fan ka, Nyina gbasayaen chɛ, Yataa Nyina, ɛ gbɛ wo fɛ gban.