DUKU 2:11 - Yataa 'a Dɔbɛnɛ Nama

¹¹ Den toa suun‑da Mansa Defidi 'a duu ɔ bi tee chɛ a. An den toa chɛ, an mbe wo baun‑da. An mu kunka mansa a, tea Mansa.

DUKU 2:11 ပူးပေါင်းရင်းမြစ်များ

MATIU 1:16

Chekɔpi an‑na Chosɛfi suun, min 'na musu ni Mɛi a, min na‑a Chisɔsi suun, an mbe min chee, an dɔ, Chasi, kunka mansa.

MATIU 1:21

Ɛ den kainɛ suun‑da wan. A sin, ni a‑a a suun, a tɔɛ si, i ɔ, Chisɔsi. Koe min na mu, ɛ a 'a mɔɛ n bɔ‑a wan an 'na ko yama n dɔ.”

MATIU 16:16

Mbɛ Saimɔn Pita ɔ, “I mu Chasi an na, nn kun ka mansa. Yataa min mbe ee fa kuɔ fɔ ko a, a 'a denɛ mu i wan na.”

MATIU 16:20

Mbɛ Chisɔsi‑a a fɛ denɛ n na si gbau gbau, a ɔ, an ma a ɔ yian mɔ ɔ mɔ a, mbɛ an mu Chasi a, mɔɛ n kun ka mansa.

DUKU 1:43

N mbe ee che dan‑da a a, mbɛ n 'na mansa de ɛ na wan n kɔndɔn‑da.

DUKU 1:69

Gbasaya tɔ wa, Yataa‑a a a na, mmɔ baun koe a. Mɔɛ chɛ kaen mu, a 'a yɔnɛ Defidi 'a dambi an dɔ,

DUKU 2:26

Yataa Nyina chɛ sin na‑a a yiima dia wan, mbɛ a ee fa‑a, ni a ma kunka mansa yen ni, Mansa Yataa ɛ min sɔ‑a.

DUKU 2:4

Kamin chɛ min tɔ ni Chosɛfi, a na‑a bɔ Mansa Defidi 'a dambi ɔ wan. Chɛɛ a ni si ɔ Nasaɛti duu ɔ wan, Kadidi chɛnyɛ ɔ. Mbɛ a wɛɛ sɛ‑a wan Bɛtɛɛn duu ɔ, Chudia chɛnyɛ ɔ, a mu min na, Mansa Defidi suun‑da nɔ wan.

CHƆN 1:41

Anduu‑a koe min pɛn pɛn ma, a‑a a kɔɔɛ Saimɔn yan fan. Mbɛ a‑a a fɔ a ye, a ɔ, “Nn‑na mɔɛ chɛ yen, min mu kunka mansa a.” (Kiisi mɔɛ n dɔ, Chasi).

CHƆN 1:45

Mbɛ Fiipi‑a a ya a kan Natanɛɛ a. Mbɛ a‑a a fɔ a ye, a ɔ, “Mɔɛ min, Mosisi na‑a a wakoe nyɛn, sawa gboo chɛ ɔ, nn‑na a yen. A yɛ to, Yataa 'a gbonka chɛ mɔɛ n bɛɛ, an na‑a fenɛ nyɛn to, a si an ma. A tɔ mu Chisɔsi, min ka‑a Nasaɛti duu ɔ, kai chɛ, Chosɛfi, a 'a denɛ.”

CHƆN 11:27

Mbɛ a ɔ, “A ɛ ka wan, mansa. N danden fan mu a a, mbɛ i wan mu kunka mansa a, Yataa 'a denɛ. Yataa na‑a i wan na koe fɔ dunya chɛ ɔ.”

CHƆN 20:31

Chɛɛ miin nyɛndenɛ ɛ ka gboo chɛ ɔ, an nyɛn‑da, min mbe a ma, wo ni wo kai fa Chisɔsi a, mbɛ a wan mu kunka mansa a. A yɛ to, mbɛ Yataa 'a denɛ mu a a, a sin, ni wo‑a wo kai fa a a, wo e kuɔ fɔ fɔɛ ma sɔn‑da wan.

CHƆN 4:25

Mbɛ musu chɛ ɔ, “N‑na a ɔ sɔn fan, mbɛ Chasi, kunka mansa ɛ na tena wan. A sin mbe na‑a kɛn, ɛ ko ɔ ko ɔ yian‑da wan mmɔ a.”

CHƆN 4:42

Mbɛ an dɔ musu chɛ ma, an dɔ, “I da a bai dechee an mbe ee a ma tena to, nn mbe nn kai fa tena a a. Chɛɛ koe min na mu, nn fandi gbu, nn‑na a da a bai a min. A sin, nn‑na a ɔ sɔn gbɛ, mbɛ a wan gbu mu dunya chɛ baun mɔɛ a.”

CHƆN 6:69

A sin yen ko gbɛ, nn‑na a ɔ sɔn, a sin, nn dan‑da a a, mbɛ i wan mu mɔɛ a tenchen Yataa 'a wai chɛ koe a, a‑a min sɔ.”

CHƆN 7:41

Mbɛ an dɔ n sin, an dɔ, “Kunka mansa gbu an nɛ.” Chɛɛ dɔ n bɛɛ to, an dɔ, “Kunka mansa ee che bɔ‑a Kadidi chɛnyɛ ɔ.

CHISƆSI 'A SƆ MƆƐ NU 10:36

Wo‑a a ɔ sɔn fan, Yataa‑a bai min na ta Isɔɛɛ mɔɛ n tena. A ni wan sakana bai chɛ ɔ yian‑da, mbɛ faachima ɛ sɔn fan Yataa a, Chisɔsi Chasi 'a gbasaya ɔ, min mu mɔ gbu gbɛɛ 'a mansa a.

CHISƆSI 'A SƆ MƆƐ NU 13:23

Defidi chɛ, a 'a dambi ɔ mu, Yataa‑a a ma, mmɔ‑a baun mɔɛ ma sɔn, min mu Chisɔsi a. A‑a Isɔɛɛ mɔɛ n too ɔ dia an na.

CHISƆSI 'A SƆ MƆƐ NU 17:3

A ni a ɔ yian fan chɛndɛ chɛ, an ni a ɔ gbɛ, mbɛ ɛ nyan‑da wan chɛ ni ma. Mbɛ kunka mansa chɛ ɛ tɔɔya ɔ bia‑a wan, a ni a kɔɔ sɔ a ka saya ɔ. Pɔɔ ni a fɔ wan, a ɔ, “Chisɔsi chɛ, n mbe min bakoe ɔ yian tena wo a, an mu kunka mansa a.”

CHISƆSI 'A SƆ MƆƐ NU 2:36

Mbɛ Pita a ɔ te gbɛ, “Chɛ an‑na a fɔ, wo gbɛɛ, wo wɛn mbe ka Isɔɛɛ chɛnyɛ chɛ ɔ, wo ni chɛ ɔ sɔn. Mbɛ tea gbu ko a, Chisɔsi chɛ, wo‑a min gbangban ka kɔn gbengbandenɛ ma, Yataa wandi‑a an ma ka kunka mansa a, wo baun mɔɛ.”

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

GBOO SAA KƆYINDI KO A 15:47

Mɔ kaima saa saa chɛ, a bɔ‑a duu gboo an dɔ, a nyan‑da fifii ɔ. Mɔ kaima fean bɔɛ chɛ sin, a ka‑a banda bu ɔ wan.

Gboo Fiipai Ko A 2:11

An gbɛɛ, an ni a bɔ an da ɔ, an dɔ, Chisɔsi Chasi an mu mansa a. Chɛ an mbe na basɔmaya a, mmɔ Fa Yataa tena.

Gboo Fiipai Ko A 3:8

Tea ko a, n‑na n kan kɔ sɔ an gbɛɛ a. Koe min na mu, n‑na Chisɔsi Chasi sɔnɛ min chɛ ka mansa a, a benden mu ko ɔ ko ma. A wan ko a mu, n mbe fo tena fen kɔ fen na, n sin mbe an ya tena bubuu an na. N‑na chɛ ma, min mbe a ma, n ni a wan Chasi ma sɔn,

Gboo Kɔdɔsai Ko A 2:6

Chɛ an fɛ mu, wo‑a Chisɔsi Chasi ma sɔn ka buɛ min dɔ, wo kun ka mansa a, wo ma‑a ka buɛ min dɔ mɔ dɔndɔɛ a, wo tachɛ buɛ ma ka a ta fɛ.

1 CHƆN 4:14

A yɛ to, Fa Yataa‑a a 'a denɛ a na wan, min mbe a ma, a ni dunya kun ka. Nn‑na chɛ ɔ yen fan nn ya a, a sin, nn mbe koe ɔ yian fan, a si a ma.

1 CHƆN 5:1

Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.