DUKU 19:9 - Yataa 'a Dɔbɛnɛ Nama

⁹ Mbɛ Chisɔsi‑a a fɔ a ye, a ɔ, “A ka bi ma, i 'a chenɛ‑a bauncha ma sɔn. A mu min na, i dan‑da gbɛ Yataa a, yɔ Ebeami danden ni a a buɛ min dɔ.

DUKU 19:9 ပူးပေါင်းရင်းမြစ်များ

DUKU 13:16

Mbɛ sanche gbɛ wo a yen ko, mmɔ suun ma nyɔɛ dɔndɔ an nɛ musu chɛ a, mmɔ gbɛɛ bɔ‑a Ebeami 'a dambi dɔndɔ gbe chɛ an dɔ. Sitana‑a a chii wan, ɛ tɔɔya ɔ san tan kun ma sɛi ko a. Chia ɔ chia a, fɔ ni a fuin‑da wan, a ni ma suin tee wɛɛ ma a.”

DUKU 13:30

A yen ko gbɛ, mɔɛ dɔ nu miin mbe gbaa, an mbe ma‑a wan ya ɔ sɔɛ n na, mbɛ ya ɔ sɔɛ dɔ n sin ma‑a gbaa mɔɛ n na.”

DUKU 16:24

Mbɛ a‑a chee chɛ, a ɔ, ‘Fa Ebeami, n mbe nɛ tɔɔya wa an dɔ ta chɛ ɔ. Chinchin n ma, i ni Dasayɔsi sɔ n tena. A ni a boo ɛndenɛ don yii ɔ, a ni na, mbɛ a‑a a puin n da ɔ, min mbe a ma, n nɛnɛnɛ ma ni chima.’

DUKU 16:30

Mbɛ nyan tɔɛ chɛ ɔ, ‘Fa Ebeami, chɛ ee kun a ni a ma, an ni an too ma sɔ. Chɛɛ ni mɔɛ ɛ kun fan a ni a kɔɔ sɔ a ka saya ɔ, a ni ta an tena, a tima a mu, an mbe an kan kɔ sɔ‑a an 'na ko yama n na.’

DUKU 2:30

N‑na i 'a mɔɛ yen gbɛ pɛnɛnɛ, min na‑a bauncha a.

DUKU 3:8

Wo chɛ chɛ wai n ni a ɔ yian, mbɛ wo‑a wo kan kɔ sɔ wo 'a ko yama n na. Wo ma bun kafai be‑a a fɔ koe a, mbɛ Ebeami cheeya mu wo a. A ni ma wo yii ma, mbɛ Yataa ɛ kun fan a ni sen chɛ n ya, a ni Ebeami cheeya n nyan an dɔ.

GBOO DOMI KO A 4:16

Chɛ an fɛ mu, Yataa 'a tooɔdia chɛ, a kuu si‑a danaya an ma, Ebeami na‑a min chɛ a a. Yataa 'a tooɔdia chɛ ma fen dɔ mende a, chɛɛ a mu wai nyima chɛ an na, a na‑a min chɛ Ebeami cheeya n na. Cheeya chɛ nu, an ma dechee chɛ n fan na, miin boo a sien mu Mosisi 'a sawa n kɔɔ. Chɛɛ an mu wan chɛ n bɛɛ a, miin danden mu Yataa a, yɔ Ebeami na‑a dan buɛ min dɔ a a. Koe min na mu, mmɔ gbɛɛ bemba n ta bemba mu Ebeami an na, danaya ko a Yataa a.

Gboo Kadesia Ko A 3:14

Chɛ ni a ma, Chisɔsi Chasi 'a gbasaya ɔ, Yataa 'a dua min mbe Ebeami ma, a ni ma mɔɛ chɛ n kun ma, miin ma Chu mɔ a. Chɛ an mbe a ma, mmɔ ni kun Yataa Nyina ma sɔn‑da, mmɔ too ɔ dia‑a min ma sɔn koe a, ni mmɔ‑a mmɔ kai fa Chisɔsi Chasi a.

Gboo Kadesia Ko A 3:29

A sin, ni wo e gbɛ Chasi an ko a, mbɛ wo mu gbɛ Ebeami cheeya n fan na. Wo wan yɛ‑a a gbaa a, tooɔdia chɛ ko a.

Gboo Kadesia Ko A 3:7

Chɛ ni a ɔ yian wo a, mbɛ mɔɛ miin kai faen mu Yataa a, an fan mu Ebeami cheeya chɛndɛ chɛndɛ n na.

1 PITA 2:10

A saa a, Yataa 'a mɔ nii ma wo a. Chɛɛ sanche gbɛ a 'a mɔɛ mu wo a. A saa a, wo nii ma Yataa 'a chinchimaya ɔ sɔn. Chɛɛ sanche gbɛ wo ban‑da a 'a chinchimaya sɔn‑da.