DUKU 18:9 - Yataa 'a Dɔbɛnɛ Nama

⁹ Mbɛ Chisɔsi‑a tai chɛ tɛ chɛ n tena, miin yii na tɛen ni an 'na ko chɛndɛ ma an na, min‑na a ma, an‑na an yii na chii, mbɛ an fisa mɔ ɔ mɔ ma Yataa tena.

DUKU 18:9 ပူးပေါင်းရင်းမြစ်များ

DUKU 10:29

Chɛɛ kamin chɛ nii ma to ni, a ni mau a bɔɛ n tena. Chɛ an fɛ ni, a‑a a fɔ to, a ɔ, “Nyɔn n gbu mu n 'na mɔɛ n na?”

DUKU 15:2

Chɛɛ Chu mɔɛ chɛ nu, miin ni Fayisii n na, an bɛ Chu n 'na sawa kan mɔɛ n na, an bun‑da gbonyɛ‑a Chisɔsi a, an dɔ, “Kamin chɛ ɛ a boo si wan mɔɛ chɛ n bɛɛ kɔɔ, miin mbe ee sɔ ɔ Yataa 'a chia ma, mbɛ an‑na daunɛ chɛ kaina dɔndɔ.”

DUKU 16:15

Mbɛ Chisɔsi ɔ, “Mɔɛ n mu wo a, miin mbe an fandi n ma mɔ chɛndɛ n na an bɔɛ n ya kɔɔ, chɛɛ Yataa‑a wo faa n dɔ sɔn fan. Mɔ gbu n mbe fenɛ min ya fen ma kawaenɛ a, an mu fen ma nyamuienɛ a Yataa tena.

DUKU 18:11

“Fayisii chɛ ka‑a wan mɔɛ tɔɛ chɛ n baima, mbɛ a ta‑a a sɔ‑a a dɔndɔ gbe a, mbɛ a‑a a kuu sɔ samunɛ chɛ‑a. A ɔ, ‘Yataa, en wai, n ta n mbe ee ka yɔ mɔ dɔ gbɛɛ nu. N ta, n ma bɛnchɛ, n sin ma kafa tɔ a. A yɛ to, n mbe ee waa ma basan musu a, n ma miin fuu ni. Mɔɛ dɔ n mbe ka wan, chɛɛ n ta, n mbe ee ka. En wai, a mu min na, n mbe ee ka yɔ pawa kain mɔɛ chɛ wɛɛ pande sɔ ɔ.

DUKU 19:7

Mɔɛ miin gbɛɛ‑a koe chɛ ɔ yen ka, an bun‑da gbonyɛ‑a, an dɔ, “A yen bɛ, ɛ ta‑a kamin chɛ 'a sondaya a, min mbe ee sɔ ɔ Yataa 'a chia ma.”

DUKU 7:39

Fayisii chɛ, min‑na Chisɔsi chee ka a 'a chenɛ a daun chɛ koe a, a‑a koe chɛ ɔ yen kɛn, a‑a a fɔ wan a yiima ɔ, a ɔ, “Ni kamin chɛ ni Yataa 'a gbonka chɛ mɔɛ an na tea a, a ni a ɔ sɔn‑da wan musu min nyɔn sima ɛ ka tu tena a a. A ni a ɔ sɔn‑da wan, mbɛ mɔɛ an nɛ, min mbe ee sɔ ɔ Yataa 'a chia ma.”

CHƆN 8:48

Mbɛ Chu mɔɛ chɛ n dɔ Chisɔsi ma, an dɔ, “I‑a a ɔ yen gbɛ, mbɛ nn‑na min fɔ, nn teaen fan mu. Nn‑na a fɔ wan, mbɛ Samayia mɔɛ mu i a, a sin, nyina yama an mbe i fɛ.”

CHƆN 9:28

Mbɛ an‑na a main, an yɛ‑a to, an dɔ, “I wan mu mɔna chɛ fɛ mɔɛ a, chɛɛ nn tana, Mosisi fɛ mɔɛ mu nn na.

CHƆN 9:34

Chɛɛ ya ɔ sɔɛ chɛ n dɔ, “I wan, i suun‑da ko yama an dɔ. E ee kun i ni nn kan fen kɔ fen na.” Mbɛ an‑na a gbain nɔ fɛsɛ fɛsɛ, an 'na samun chɛ chen chɛ a.

CHISƆSI 'A SƆ MƆƐ NU 22:21

“Mbɛ Mansa Chisɔsi‑a a fɔ n ye, a ɔ, ‘Ta, koe min na mu, n mbe i sɔ tena kaina ɔ yansama wan, pande, mɔɛ chɛ n tena, miin ma Chu mɔ a.’ ”

GBOO DOMI KO A 10:3

Chɛɛ an ma a ɔ gbɛ ni, Yataa ɛ a ya buɛ min dɔ mɔɛ ni tan a tena. An‑na min ma, an bea‑a wan an ta sawa n fɛ, a si an mbe ma buɛ min dɔ an ni tan Yataa tena. An ma bea ni chia fɛ, Yataa ɛ mɔɛ ya buɛ min dɔ mɔ tandenɛ a a tena.

GBOO DOMI KO A 14:10

Wo dɔ nu, wo ma kaa a tɛ, wo bɔ Chisianɛ n ma, ko yama ma koe a. A sin to, wo dɔ n bɛɛ, wo ma wo kunɛ dɛn wo bɔ Chisianɛ n kun ma. Koe min na mu, mmɔ gbɛɛ, mmɔ ɛ sɔ‑a wan Yataa chen kɔɔ tee dankama tee ma, a ni kaa a tɛ mmɔ wakoe ma.

GBOO DOMI KO A 14:3

Mɔɛ chɛ nu, miin daun fen tɛ bɔɛ ee, an ma an kunɛ dɛn chɛ n kun ma, miin mbe an daun fenɛ tɛ bɔ. Mɔɛ chɛ n bɛɛ to, miin mbe an daun fenɛ tɛ bɔ, an ma kaa a tɛ, an ni a fɔ, mbɛ miin mbe ee an daun fen tɛ bɔ, an mbe ko yama an ma ka. Koe min na mu, Yataa ma a boo bɔ ni an mɔɛ chɛ n kɔɔ, miin daun fen tɛ bɔ ee ka.

GBOO DOMI KO A 7:9

N fandi gbu wɛɛ, n ni wan fɔɛ ɔ tima min na, n nii ma sawa chɛ wakoe ɔ sɔn, a ɔ yian koe a n na, koe min ma nyin a ma koe a. Chɛɛ n‑na a ɔ sɔn kɛn, koe miin ma nyin an ma koe a, sawa chɛ ɔ, ko yama koa‑a n dɔ.