DUKU 18:7 - Yataa 'a Dɔbɛnɛ Nama

⁷ Ni ɛ chɛ ma wan, mbɛ Yataa ɛ tea be‑a wan a 'a mɔɛ n ma, miin mbe di chɛ‑a a tena su ɔ tee a. A ee wo sa‑a tima ma, tee ɔ tee a.

DUKU 18:7 ပူးပေါင်းရင်းမြစ်များ

MATIU 24:22

Chɛɛ Yataa‑a a tee chɛ n ma wua, ko yawaen bia tee chɛ nu. Ni a nii ma an ma wua ni, mɔ gbu kan kɔ kan kun nii bɔ‑a a ɔ. Chɛɛ a‑a tee chɛ n ma wua a 'a mɔɛ chɛ n fan ko a, a‑a a boo sɔ miin ma, an ma koe a a 'a mɔɛ n na.”

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MATIU 7:11

Ni wo wɛn sɔnɛ yau ka, ni wo kosan fan fen chɛndɛ n be‑a wo 'a denɛ n ma, Fa Yataa sin gbɛ, min mbe banda bu ɔ, ɛ fen chɛndɛ be‑a wan wo ma, wo wɛn mbe a ɔ tisa‑a a ko a.

DUKU 11:13

Ni wo wɛn sɔnɛ yau ka, ni wo kosan fan fen chɛndɛ n be‑a wo 'a denɛ n ma, mmɔ Fa sin gbɛ, min mbe banda bu ɔ, ɛ fen chɛndɛ be‑a wan wo ma, min benden mu wo ta n ma. Ɛ Yataa Nyina be‑a wan chɛ n ma, miin mbe a ɔ tisa‑a a ko a.”

DUKU 2:37

A to‑a fuinyaya chɛ an dɔ gbɛ, aan a sanɛ che‑a san bi sɛi kun ma naaninɛ ɔ. A nii bɔ Yataa 'a kata chɛ ɔ. Su ɔ ni tee a, ɛ Yataa fai wan nɔ, ɛ samunɛ chɛ, a basan sun bia a.

DUKU 21:28

Ni koe chɛ n‑na a kuu sɔ ma‑a, wo wo faa bia, wo yiima diaenɛ ni ma. Koe min na mu, a ɔ ee yansan‑da to, mbɛ Yataa‑a wo kun ka.”

GBOO DOMI KO A 8:33

Mɔ ee nɔ min mbe kunɛ si chɛ n kun ma, Yataa‑a a boo sɔ ka a 'a mɔɛ miin ma. Yataa wandi ban‑da a fɔ‑a, mbɛ mɔ chɛndɛ mu an na.

Gboo Kɔdɔsai Ko A 3:12

Wo gbɛɛ, wo e gbɛ Yataa an na boo ma. A to‑a wan wo a, a sin‑na a boo sɔ wan wo ma, a ta mɔɛ n na. Chɛ an‑na a fɔ, chinchimaya faa ni ma wo ɔ, ni ko chɛndɛ ma faa. A yɛ to, wo ni wo wandi ma yii, wo ni wo ma chima, a sin, wo ni wo faa bia.

Gboo Saa Tɛsadonika Ko A 3:10

Su ɔ tee a, nn mbe samunɛ chɛ tena wo ko a, nn faa gbɛɛ a. Nn mbe a ɔ tisa tena, a ni a ma mmɔ bɛ ni mmɔ nyɔn ye, nn ni wo deman chia dɔ n na, miin nyin wo 'a danaya ko a.

GBOO FEAN BƆƐ TƐSADONIKA KO A 1:6

Yataa ɛ ma‑a an tea kaa chɛ sin na tɛ‑a, ɛ a ma‑a wan mɔɛ chɛ n ni ko yawaenɛ ɔ yen, miin‑na ko yawaenɛ sa wo ma.

1 TIMOTI 5:5

Fuinya musu chɛndɛ chɛndɛ, mɔ ee min boo ɔ, a yii faen mu Yataa an ma. Su ni tee a, ɛ samunɛ chɛ wan, ɛ ta‑a Yataa ɔ tisa‑a a deman koe a.

2 TIMOTI 1:3

N mbe Yataa wai bɔ tena i ko a, n mbe wai chɛ tena min ye n yiima a koenɛ a fion, yɔ n bemba n ta bemba n ni a ma tee buɛ min dɔ. N mbe samunɛ chɛ tena i ko a su ɔ tee a.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

TAITƆSI 1:1

N fan Pɔɔ, n fan mbe ka gboo chɛ nyɛn‑da i tena, i wan Taitɔsi. N 'na denɛ mu gbɛ i a, danaya dɔndɔɛ ɔ Chisɔsi ko a. Yataa 'a wai chɛ mɔɛ mu n na, ni Chisɔsi Chasi 'a sɔ mɔɛ to. A‑a n sɔ, min mbe a ma, Yataa‑a a boo sɔ ka mɔɛ miin ma dan koe a a a, n ni a ma, an ni a 'a tea sakana bai a min. Mbɛ n‑na an sɔ chia chɛndɛ ma, ma koe a Yataa fɔɛ ɔ. Mbɛ an yii na tɛenɛ ɛ ma‑a kuɔ fɔ fɔɛ ma, Yataa min mbe ee fania fɔ, a‑a tooɔdia chɛ min na, a e na to dunya a dan‑da. Mmɔ baun mɔɛ Yataa‑a sakana bai chɛ ɔ yian fan, tima chɛndɛ ma, mbɛ a‑a n sɔ a ɔ yian koe a mɔɛ n na. Mmɔ Fa Yataa, an fea Chisɔsi Chasi a, mmɔ baun mɔɛ, an ni i dua, an ni faachima be i ma.

1 PITA 1:1

N fan Pita, Chisɔsi 'a sɔ mɔɛ, n fan mbe ka gboo chɛ nyɛn‑da. N mbe a nyɛn tena wo wan tena, wo wan Yataa 'a mɔɛ chɛ nu, a na‑a a boo sɔ ka wo wɛn ma. Wo a fasandenɛ mu ben‑da, wo e sondaya ɔ chɛnyɛ sɛsɛ ɔ. Wo e pande Pɔndɔsi chɛnyɛ ɔ, wo dɔ n mbe Kadesia, a yɛ to, wo dɔ n mbe Kapadosia, wo dɔ n sin mbe Esia, a basan Bitinia chɛnyɛ ɔ a.

2 PITA 3:9

Ɛ mɔɛ dɔ n yii ma, mbɛ Mansa Yataa a nɛnchɛnden fan mu, a da a kuiɛ bɔ koe a a. Chɛɛ ɛ a faa bia wan dechee wo a, tima be koe a wo ma, wo ni wo kan kɔ sɔ wo 'a ko yama n na. Koe min na mu, a ma to ni wo dɔndɔ wɛɛ ni kasaa ma sɔn.

KO Ɔ NUNDENƐ 18:20

Wo wɛn mbe banda bu ɔ, wo buɔdia bɔ, Babidon yɔn koe a Yataa boo ɔ. Yataa 'a mɔɛ nu, Chisɔsi 'a sɔ mɔɛ gbau gbau nu, wo buɔdia bɔ, wo bɛ Yataa 'a gbonka chɛ mɔɛ n gbɛɛ a. Koe min na mu, Yataa‑a kaa a tɛ Babidon duu wa chɛ ma koe chɛ n ko a, a na‑a miin ma wo a.

KO Ɔ NUNDENƐ 6:10

Mbɛ an‑na yee tɛ dɔndɔ a, an dɔ, “Yataa wa, nn 'na mansa, i kan nyɔ ee, i teaen mu. Mɔɛ n yen ko, miin‑na nn fa dunya ma. I ma tima ɔ yansama ya to, na koe a, i ni kaa a tɛ an ma, mbɛ i‑a tɔɔya si an bɛɛ a.”

KO Ɔ NUNDENƐ 7:15

Chɛ an fɛ mu, an mbe sɔ ɔ Yataa Mansa chen kɔɔ. Su ɔ tee a, an mbe a 'a chenɛ a, an mbe a fai‑a. A wɛn sin mbe si ɔ a 'a mansa sea, ɛ an konde gbain‑da wan nɔ.